यर्मिया 2:7 - लिम्बु7 “हे़क्क्याङ् खुने़ॽ खिनिॽ लत्छा नुबा लाजेॽओ के़दारिरो, हे़क्केलॽरिक् खे़प्मोबा नुःब्नुबा पाःन्हाॽ नु पोगुगे़न् कुजान् के़जाम्लो॥ कर खे़ल्ले़ कुले़क्वाओ खे़ङ्हाॽरे़ आङ्गाॽ आलाजेन् मे़जिःन्दुरो हे़क्क्याङ् आङ्गाॽ पिरुङ्सिङ्बा लाजेन् खे़ङ्हाॽरे़ आसुत्थो मे़जोगुरो॥ Gade chapit la |
यर्मिया 2:7
28 Referans Kwoze
“नासिगे़न् थक्ला के़गप्पा मे़न्छाम् याप्मिए, इस्राइलबा मनाहाॽ खुन्छिॽ आबाङे लाजेॽओ मे़युङे़ल्ले़, खे़ङ्हाॽरे़ खुन्छिॽ फे़न्याःम्बक्किल्ले़ चोगुल्ले़ खे़ङ्हाॽरे़ कन् लाजेन् मे़जिःन्दु॥ आङ्गाॽ आलागि खे़ङ्हाॽरे़ खुन्छिॽ ये़प्ले़क्किन् कुसिम् वाहप्मा के़वाॽमा मे़न्छुमाःल्ले़ कुजाङ्ङिन् कुइसिक् आसुत्थो चोगे़॥
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
आङ्गाॽ खे़ङ्हाॽरे़ लागि खोसुङ्बा नु कोःम्भो चोगुङ्ङाङ् ने़स्से़बा, के़रे़क् आत्तिन् लाजेॽहाॽनुःल्ले़आङ् साॽरिक् नुबा, पित्नु नु सक्वाघु के़गुङ्बा, लत्छा नुबा लाजेॽओ आङ्गाॽ मिस्रलाम् खिनिॽ लःत्निङ् फे़त्निङ्ॽ मे़त्तुङ्सिङ्ङाङ् खे़ल्ले़ याःन्दिक् आङ्गाॽ लत्छा माङ्हे़क् थिक् चोगुङ्ङाङ् वये़॥
के़मनाहाॽरे़ लुङ्धाक्किल्ले़ कब्रिङ् कबुबा ये़क्यक्हाॽ, चा के़नुॽबा खाम्बेःक्मान् नु याङ्साकुन्धेरे़ सधे़क् के़दिम्बा हिम्हाॽ, मे़दयुआङ् के़ने़बा वबाक्, पे़ःङ्वालिःत्छेॽ नु वेॽ सिङ्सेॽ पुङ्हाॽरे़ कुले़ःम् के़दिम्बा सिङ्सेॽ इक्ताप्हाॽ, हे़क्क्याङ् चे़ल्ले़क्सेॽ इक्ताप्हाॽ खुनिॽ हुक्को मे़धासुरो॥ खाघा मे़जआङ् खे़ङ्हाॽ मे़मे़ॽरे़रो, खे़ने़ॽ के़रे़क् पाःन्नो के़नुॽबा के़जोःक्पाल्ले़ चोगुल्ले़ खे़ङ्हाॽ ये़ये़ मे़लॽरे़रो॥
खे़ल्ले़ कुधक् चेःन् से़न्दिक् नाम्दाःत्तात् सिङ्बुङ्ङो मे़भोःन्दे़म् मे़भत्छे़म्मिन्ने़ॽ, कर हाबा खे़ल्ले़ याःन्दिक् खे़न् लुप्ते़म्मे़ॽ, थेआङ्भे़ल्ले़ फोःम्मनाबा मनान् निङ्वाॽफुमाङ्लाम् माङ्दे साङ्ग्राःल्ले़ ते़त्तुबा पोङ्ॽ॥ यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लक्खोमा के़बिरिआङ् ने़बा लाजेन् आसुत्थो मे़जोगे़म्मिन्ने़ॽओ॥
मुरे़क् खारे़क्पा कोःक्मा फाङ्जङ् थे़गु माङ्वाहाॽओ ओमे़त्ते़ॽओ॥ खे़ने़ॽ के़धाङ्बे़न्हाॽनु के़इप्से़म्बादे़न्निन् आत्ति ने़बे? लत्छा फाःन्दान् मुरे़क् खारे़क्पा ये़ःङ्घादे़न्नो मनाहाॽ नाप्मासि फाॽआङ् मना सुक्पा हे़क्केए खे़ने़ॽ लाम्बेसाङ् के़ये़प्पाङ् के़धाङ्बे़न्हाॽरे़ खुन्छिॽ लाम्मिन् ओगे़मे़त्तुरो॥ खे़ने़ॽग ताप्फे़ःम्बा फे़न्याःम्बक् के़जोःक्लो के़त्निमा के़जोःक्मारे़ लाजेन् के़जिःन्दुरो॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
खे़ङ्हाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेॽओ खे़ङ्हाॽ फे़त्तुङ्सिङ्ङिल्ले़, खे़ङ्हाॽरे़ मे़निसुबा के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् सरेःक्याःप्पा हुम्बे़प्पा सिङ्बुङ्हाॽरे़ कुसिगाङ् खे़ङ्हाॽरे़ सिदुङ्जभा मे़दोन्दु! खे़ङ्हाॽरे़ सिदुङ्जभा मे़दोन्दुआङ् आङ्गाॽ आत्ति आत्ति साॽरिक् आसिक् मे़भोःक्खु॥ खे़ङ्हाॽरे़ खुन्छिॽ आत्तारहाॽ नु सुक्पा मे़दारु हे़क्क्याङ् खुन्छिॽ वदुम्बक्वा सिदुङ्जभाहाॽरे़ खे़ङ्हाॽ मे़ले़ःक्तुसि॥’
“कर के़मनाहाॽरे़ पिफ्युङ् मे़जोगुरो हे़क्क्याङ् खे़ङ्हाॽ इङ्जाङ् मे़न्इःप्मना मे़न्नाःप्मना मे़बोःक्खे़रो, खे़ने़ॽ के़साम्योथिम् इङ्जाङ्लाम्बा खे़ङ्हाॽरे़ खुनिॽ नारान् मे़हिसुरो॥ खे़ने़ॽ ले़प्माङ् नुःङ्मा फाॽआङ् पान् के़मे़प्पा माङ्निङ्वाॽपान् के़बाःप्पाहाॽ खे़ङ्हाॽरे़ मे़से़रुसिरो, ये़त्ले़ङ् खे़ङ्हाॽरे़ खे़ने़ॽ के़जाःत्थि मे़देसुरो॥
“मुक्साम्दाङ्बा यहवे दाङ्बे़ल्ले़ अक्खे पाःत्तुॽ—हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् के़वाॽबा नु खे़ने़ॽ के़एःक्के़न् के़हिसाङ् के़बिराङ्ङाङ् वाॽबाल्ले़ चोगुल्ले़, खे़ने़ॽ के़जोगुबा के़रे़क् चाराम्मा याःम्बक् के़जोगुबा नु के़त्निमा याःम्बक् के़जोगुबाल्ले़ कुले़क्वान् खे़ने़ॽ के़धरुर पोङ्लो॥”
Piblisite