खे़ङ्हाॽरे़ खुने़ॽ कुइङ्भःन्हाॽ नु खुने़ॽ खे़ङ्हाॽरे़ खुन्छिॽ पाधे़बाहाॽनु चोगुबा माङ्हुप्पिन् हे़क्क्याङ् खुने़ॽ खे़ङ्हाॽ पिरुसिबा साम्दिङ्ङिन् खे़म्मा मे़न्दे़न्दे़न्, खे़ङ्हाॽ हने़ थेनाधेबा नावाइत्लाहाॽ मे़दिम्दुसि, खे़ब्याङ् खे़ङ्हाॽ आप्फेक्काङ् कुसुम् मे़न्दम्मनाबा मे़बोःक्खे़॥ “खे़ङ्हाॽरे़ मे़जोगुबा कुइसिक् खिनिॽ मे़जोगे़म्मिन्ने़ॽ” फाॽआङ् यहवे दाङ्बे़ल्ले़ मे़त्तुसिआङ् वये़साङ् खे़ङ्हाॽरे़ खुन्छिॽ कब्रिङ् ले़प्माङ् के़युङ्बा मे़न्छाम् याप्मिहाॽरे़ मे़जोगुबा पाःन्हाॽ मे़हुॽसिङ्॥ हे़क्क्याङ् यहवे दाङ्बे़ल्ले़ खे़ङ्हाॽ चोःक्मा मे़भाःक्तुसिम्बा पाःन्हाॽ खे़ङ्हाॽरे़ मे़जोगु॥
यर्मिया 2:5 - लिम्बु5 यहवे दाङ्बे़ल्ले़ अक्खे पाःत्तुरो— “के़धाःक्थे़बाहाॽरे़ आङ्गाॽ आदक्ले़ङ्वाओ ताप्फे़ःम्बा पान् थे मे़घोसुबे? थे़मा पाःन्निल्ले़ चोगुल्ले़ खे़ङ्हाॽ आङ्गाॽलाम्बा माःङ्घा मे़बोःक्खे़बे? खे़ङ्हाॽरे़ थेनाधेबा नावाइत्लाहाॽ से़वा मे़मे़त्तुसिरो हे़क्क्याङ् आबाङेआङ् हने़बा मे़बोःक्खे़रो॥ Gade chapit la |
यर्मिया 2:5
24 Referans Kwoze
खे़न् माङ् मे़ःन्बाल्ले़ चोगुल्ले़ खे़ङ्हाॽरे़ कुनागे़हे़म्बा मे़जोगाङ्लो, खे़ङ्हाॽरे़ खुन्छिॽ हने़बा नावाइत्लाहाॽरे़ चोगुल्ले़ खे़ङ्हाॽरे़ आङ्गाॽ आसिक् मे़भोःक्खुरो॥ लत्छा सुवाङ्ङे के़होप्पा मनाहाॽलाम् आङ्गाॽ खे़ङ्हाॽ कुना के़हे़म्बा चोगुङ्सिङ्लो, खासिङ् मे़न्निःप्मनाबा लत्छा सुवाङ्लाम् आङ्गाॽ खे़ङ्हाॽरे़ खुन्छिॽ साक्के़न् फोःक्खुङ्लो॥
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
कन् थाःक्कोबा इस्राइलबा मनासे, यहवे दाङ्बे़ल्ले़ कन् कुइङ्घङ्ङिन् निङ्वाॽ इःत्ताम्मे़ॽओ॥ थे आङ्गाॽ खिनिॽ लागि लत्छा मुरे़क् खारे़क्पा ये़ःङ्घादे़न् पोःक्खाङ्बि? इग्र थे खागे़माक्पा लाजेॽ कुसिङ्बा पोःक्खाङ्बि? हे़क्केःल्ले़ थेआङ् खिनिॽ आनिगे आप्फेक् निङ्वाॽ तादा चोगुम्बे़ खे़ब्याङ् याम्मो खे़ने़ॽओ मे़द्ये़इगे़न् के़बाःत्तुम्बाबे?
“नासिगे़न् थक्ला के़गप्पा मनाए, खे़ने़ॽ हे़क्क्याङ् खे़ने़ॽ आप्फेक् के़गाॽइहाॽ नु लाजेॽलाम्बा मे़लःत्तु मे़देसुसिबा के़रे़क् इस्राइलबा मनाहाॽरे़ खुन्छिॽ याःम्बेओ यरुसले़ःम्मो आल्लसाङ् के़दाङ्बा के़याःक्पा मनाहाॽ ताॽमे़जे़ङ्ल मे़बत्॥ खे़ङ्हाॽरे़ अक्खे मे़बाःत्तुॽ, ‘कन् मनाहाॽ यहवे दाङ्बालाम् माःङ्घा मे़वाॽ, कल्ले़चोगुल्ले़ खे़ङ्हाॽरे़ खुन्छिॽ लाजेन् खुने़ॽ आनिॽ आबिरे़आङ् ने़रो!’
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
दाङ्बे़ल्ले़ अक्खे पाःत्तुरो, “कन् मनाहाॽ खुन्छिॽ नारा ओसेःन्धाक्से़ आङ्गाॽ आबेसाङ् मे़दारो हे़क्क्याङ् खुन्छिॽ मुराःल्ले़रक् आङ्गाॽ मिङ्सो इङ्धाङ् मे़बिआरो, कर खुन्छिॽ निङ्वान् आङ्गाॽलाम् माःङ्घा वाॽरो॥ खे़ङ्हाॽरे़ आङ्गाॽ से़वा मे़मे़त्ताबाङ्ग हने़ मनाहाॽरे़ मे़हुॽरुसिबा चोःक्थिम्लक्लो॥
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
Piblisite