यर्मिया 2:35 - लिम्बु35 हे़क्क्याङ् खे़ने़ॽ अक्खे के़बाःत्तुॽ, ‘आङ्गाॽग फोत्या मेःन्नेबा चोःक्कारो, से़क्खासाङ् यहवे दाङ्बान् आङ्गाॽनु कुयाःक्ले़ॽरे़बा होप्लो॥’ कर खे़ने़ॽ लायो मे़न्जोःक्के वाॽआ के़बाःत्तुरो खे़ल्ले़चोगुल्ले़ए आङ्गाॽ यहवे दाङ्बे़ल्ले़ खे़ने़ॽ खुम्दिङ् पिने़रो॥ Gade chapit la |
यर्मिया 2:35
11 Referans Kwoze
खे़न् लोःक्खुबा इक्लान् इक्सादिङ् खाम्बेःक्माल्ले़ कुनुप्मो थारिक्के खे़म्दे़त्लो॥ थेआङ्भे़ल्ले़ इक्सादिङ् खाम्बेःक्मोबा मे़न्छाम् सुवाङ्हाॽ यहवे दाङ्बे़ल्ले़ पाःन्धिक्तुसिआङ् वाॽरो॥ हे़क्क्याङ् खुने़ॽ के़रे़क् मनाहाॽरे़ खुन्छिॽ तक्ले़ङ्वाओ खासे़न् लोःन्दुरो खे़ब्याङ् कुॽइगे़भे़म्बाहाॽ खुने़ॽ ताभेःल्ले़ से़रुसिरो॥ यहवे दाङ्बे़ल्ले़ कन् पाःत्तुआङ् वाॽरो॥’”
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
कर खे़ङ्हाॽरे़ मे़बाःत्तुॽ, ‘आनिगे तःक्ने़त् युङिगे़रो, हे़क्क्याङ् खे़निॽ थेआङ् के़न्निसुम्मिम्बाबे? आनिगे नःम्नःम्बा पोःक्खिगे़रो, हे़क्क्याङ् खे़निॽ थेआङ् निनि के़न्लाप्तुम्मिम्बाबे?’ हे़क्केसाङ् खिनिॽ तःक्ने़त् के़युङिबा ये़न्नो खिनिॽ आबाङे चोःक्मा निङ्वाॽ के़जोगुम्बा पाःन्निन्लक् के़जोगुम्लो॥ खे़म्ब्याङ् खिनिॽ याःम्बक् के़जोःक्पा के़बिबाहाॽ के़रे़क् के़घुम्सुम् के़से़रुम्सिम्लो॥
“खे़ने़ॽ कन् सुवाङ्बा मनाहाॽ कन् के़रे़क् पाःन्हाॽ के़मे़त्तुसिॽ, हे़क्केःल्ले़ खे़ङ्हाॽरे़ खे़ने़ॽ अक्खेलॽरिक् सेःन्के़म्लाप्, ‘थेआङ् यहवे दाङ्बे़ल्ले़ आनिगे सम्धाङ् अक्तङ्बा के़साक्पा खुम्दिङ् पिमा निःन्धो चोगुबाबे? आनिगे थे फे़न्याःम्बक् चोगुम्बे़आङ् वये़बे? यहवे दाङ्बा आनिगे निङ्वाॽफुमाङ्ङिल्ले़ कुदक्ले़ङ्वाओ आनिगे थे लायो चोगुम्बे़आङ् वयिगे़बे?’
Piblisite