यर्मिया 2:32 - लिम्बु32 थे मे़न्छ्याःल्ले़ आबाङे कुसामा कुभुमा वाःत्तिहाॽ निङ्वाॽ फेःत्छुबि? इग्र सिसामेःत्तिल्ले़ ते़न्धाम्गे़न् कुमेःक्खिम् कुजाङ्हाॽ निङ्वाॽ मुःत्छुबि? कर आमनाहाॽरे़ आङ्गाॽ यरिक् ये़म्माङ्धो निङ्वाॽ मे़भेःत्छाङ्लो, खे़न् ये़म्हाॽग निःप्माए सुक्मे़दे़त्ने़न्लो॥ Gade chapit la |
यर्मिया 2:32
24 Referans Kwoze
वेॽ आत्तिन् सुवाङ्ङिल्ले़आङ् आबाङे साम्माङ्हाॽ आप्फाल्ले़आङ् मे़न्ले़क्के कत्तुसिरो, हे़क्केसाङ् खे़न् साम्माङ्हाॽ से़क्खाबा माङ् मेःन्छिरो॥ कर आङ्गाॽ आमनाहाॽरे़ हे़क्तङ्बा साम्माङ्हाॽनु आङ्गाॽ मे़ले़क्ताङ्लो, खे़ङ्हाॽरे़ खुन्छिॽ मिमिदिङ्ङिन् खे़न् हने़बा साम्माङ्हाॽनु मे़ले़क्तुरो॥
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
इस्राइलरे़ कुनावा चइःत्दाङ्बे़न् निङ्वाॽ फेःत्छुआङ् वाॽरो हे़क्क्याङ् पयम् यम्बा हिम्हाॽ चोगुसिआङ् युङ्लो, यहुदाःल्ले़ यरिक् ये़क्यक्हाॽओ हाङ्यक्हाॽ चोगुसिआङ् ने़रो॥ कर खे़ङ्हाॽरे़ खुन्छिॽ ये़क्यक्हाॽओ मि केःत्तुङ्लो, हे़क्क्याङ् खे़ल्ले़ खुन्छिॽ हाङ्यक्हाॽ खाप्पुथ्यःङ् चोगुरो॥”
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
यहवे दाङ्बे़ल्ले़ पाःत्तुरो, “खिनिॽ यङ्मा किमाओ के़धाबा कन् माङ्हाॽ हाःत्छिआङ् आङ्गाॽ इङ्ले़क् पान् याप्मि के़मे़त्ति खे़ब्याङ् सगप् याप्मि निङ्वाॽ के़भेःत्छिबाबे? थे आङ्गाॽ कन् पाःन्हाॽरे़ कुयाःम्बेओ यरिक् ये़म् थारिक् स्वाःत् युङ्ङाबाल्ले़ चोगुल्ले़ आङ्गाॽ मिङ्सो इङ्धाङ् पिमा याप्मि के़ले़रे़बाबि?
कर यसुरुन मे़ॽरुआङ् लाङ्गे़धिक्पा पोःक्खे़रो, नुरिक् चामा मे़घोसुआङ् मनाहाॽ चाप्मे़ॽ मे़ॽरुसिरो हे़क्क्याङ् वरे़ङ्ले़ङ्बा मे़बोःक्खे़बारो॥ खे़ब्याङ् खे़ङ्हाॽरे़ खुनिॽ नावागे़न् चइःत् के़जोःक्पा आबाङे खुन्छिॽ निङ्वाॽफुमाङ्ङिन् मे़ले़रु मे़देसुरो, हे़क्क्याङ् खे़ङ्हाॽरे़ खुन्छिॽ से़न्लप्दाङ्बा याक्पेॽइन् हने़ मे़न्जोबा मे़मे़त्तुरो॥
Piblisite