खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
यर्मिया 2:29 - लिम्बु29 खिनिॽ लुङ्हाःप्मा पान् थे़मा वाॽबे? खिनिॽ थेआङ् आङ्गाॽ आदक्ले़ङ्वाओ पिफ्युङ् के़जोगुम्बाबे? Gade chapit la |
यर्मिया 2:29
8 Referans Kwoze
यहवे दाङ्बे़ल्ले़ अक्खे पाःत्तुरो, “यरुसले़ःम्बा माराम्माहाॽओ थो नु यो पेगे़ॽओ, हे़क्क्याङ् के़रे़क् पिसाङ् ओमये़ॽआङ् निङ्वाॽ इःत्ते़ॽओ॥ कोःत्ते़ॽर लाम्दोहाॽओ ओमये़ॽओ, कुदोःप्मा याःम्बक् के़जोःक्पा नु से़क्खान् के़हङ्बा लत्छा कोःत्ते़ॽओ हे़क्तङ्बा मनाधिक् खे़ने़ॽ के़घोसुने़भग्र आङ्गाॽ खे़न् ये़क्यक्किन् ले़प्मि पिरुङ्लो॥
मुरे़क् खारे़क्पा कोःक्मा फाङ्जङ् थे़गु माङ्वाहाॽओ ओमे़त्ते़ॽओ॥ खे़ने़ॽ के़धाङ्बे़न्हाॽनु के़इप्से़म्बादे़न्निन् आत्ति ने़बे? लत्छा फाःन्दान् मुरे़क् खारे़क्पा ये़ःङ्घादे़न्नो मनाहाॽ नाप्मासि फाॽआङ् मना सुक्पा हे़क्केए खे़ने़ॽ लाम्बेसाङ् के़ये़प्पाङ् के़धाङ्बे़न्हाॽरे़ खुन्छिॽ लाम्मिन् ओगे़मे़त्तुरो॥ खे़ने़ॽग ताप्फे़ःम्बा फे़न्याःम्बक् के़जोःक्लो के़त्निमा के़जोःक्मारे़ लाजेन् के़जिःन्दुरो॥
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
Piblisite