यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
यर्मिया 2:28 - लिम्बु28 “आङ्गाॽ यहवे दाङ्बे़ल्ले़ मे़त्निङ् खिनिॽ आबाङे लागि के़जोगुम्सिम्बा साम्माङ्हाॽ आत्तान् मे़वाॽबे? ये़त्तुक्खेओ खिनिॽ के़ध्ये़ॽइल्ले़ खे़ङ्हाॽरे़ मे़सुक्तुने़भग्र खिनिॽ ताङ्के़म्से़ःप्तिररो॥ यहुदाए, खे़ने़ॽ के़ये़क्यक्हाॽ यरिक् मे़ने़रो, खे़म्म्याक्के यरिक् खे़ने़ॽ के़माङ् साम्माङ्हाॽआङ् मे़वाॽरो॥ Gade chapit la |
यर्मिया 2:28
16 Referans Kwoze
“खे़निॽ के़रे़क् चुप्साम्मे़ॽआङ् त्ये़म्मे़ॽओ, सोसोरिक् निःत्ताङ् त्ये़म्मे़ॽओ, इक्सादिङ् खाम्बेःक्मोबा के़दाङ्बा के़याःक्पा सुवाङ्से! सिङ्मुःत् नावाइत्लाहाॽ के़बङ्बाआङ् के़वाॽबाहाॽ, हे़क्क्याङ् याप्मि ताङ्से़ःप्मा मे़न्छुक्मनाबा माङ्हाॽ पेलि के़भाक्पाहाॽ थेआङ् मे़न्निम्नाबा मे़जोक्लो॥
खे़ङ्हाॽरे़ खे़न् खुन्छिॽ फक्ताङ्ङो मे़बक्खुआङ् मे़देॽरुरो, हे़क्क्याङ् खे़न् कुयुक्नाओ मे़युक्खुरो, खे़ब्याङ् खे़न् खे़ॽयो तक्पे़त् ये़प्लो॥ खे़ॽयोनु खे़न् आबाङे चत्छिङ्मा पेःक्मा मे़सुक्ने़ल्लो, कुभारे़ खे़न् पेलि फाक्तुसाङ् खे़ल्ले़ नुगप् मे़बिरुल्लो, हे़क्क्याङ् कुदुक्खे कुलाक्खेलाम् खे़ल्ले़ से़ःप्माआङ् मे़सुक्तुल्लो॥
इस्राइले़ङ्ग हुम्बे़त् के़दाप्पा चे़ल्ले़क्सेल्ले़ कुबुङ्लो, खे़ल्ले़ आप्फेक् लागि कुजाॽ थोःक्ते़र याःन्दुरो॥ आक्ख्यारिक् यरिक् कुजाॽहाॽ थोःक्ते़ खे़म्म्याक्के यरिक् ले़त्ति तोःम्मादे़न्हाॽ चोगुरो, लाजेन् आक्ख्यारिक् नुबा पोःक्खे़रबे खे़म्भ्यारिक् यरिक् सेसे लुङ्हाॽ के़घे़म्सिङ्बा चोगुरो॥
एलिसाःल्ले़ इस्राइलबा हाङ्ङिन् मे़त्तु, “आनिॽ लुम्मो थे सक्सक्काङ्बे? आदाङ्बारे़ के़म्बारे़ कुमाङ्निङ्वाॽपान् के़बाःप्पाहाॽ नु आदाङ्बारे़ के़म्मारे़ कुमाङ्निङ्वाॽपान् के़बाःप्पाहाॽओ पेगे़म्मे़ॽबा॥” इस्राइलबा हाङ् योरामरे़ खुने़ॽ नुगप् पिरु, “मेःन्, यहवे दाङ्बे़ल्ले़ आनिगे सुम्भुए हाङ्हाॽ मोआबिहाॽरे़ खुन्छिॽ हुक्को याप्मि थामारे़ लागि खुने़ॽ उःत्तिगे़बारो॥”
आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥”
“साप्चोबेल्ले़ हिबु, लक्तु खोःन्दुआङ् चोगुबा नावाइत्लाःल्ले़ कुयाःम्बक् थे़मा वाॽआङ्बे? इग्र इङ्ले़क् के़हुॽबा नावाइत्लाःल्ले़ कुयाःम्बक् थे वाॽबे? थेआङ्भे़ल्ले़ खे़न् नावाइत्ला के़जोःक्पा चोबेगुःल्ले़ आप्फेक् कुहुक्किल्ले़ चोगुबा चइःत्ते़न् नासाॽरुरो, खुने़ॽ चोगुसिबा नावाइत्लाहाॽ पाःप्मा मे़न्छुक्ने़न्लो॥
Piblisite