यर्मिया 2:22 - लिम्‍बु

²² नुरिक् मॽवा के़देॽबा फिःम्‍भ्रिक्‍पाल्‍ले़ साॽरिक् वागे़हप्‍सिङ्‌लो हे़क्‍क्‍याङ् माक्‍से़न्‍निन् यरिक् ओगप्‌ के़जोगुरो हे़क्‍केसाङ् माक्‍के़धक्‍पा खे़ने़ॽ के़लायोन् आङ्‌गाॽ आमिक् तगिए वाॽरो॥

यर्मिया 2:22 Referans Kwoze

यर्मिया 17:1

यहवे दाङ्‌बे़ल्‍ले़ पाःत्तुॽ, “यहुदाबा मनासे, खिनिॽ लायोन् फे़न्‍जेॽ नाक्‍चाःल्‍ले़ साप्‍सिङ्‌ङाङ् वाॽरो॥ खे़न् खिनिॽ सिक्‍लुङ्‌मो लुङ्‌से़रुङ्‌बाल्‍ले़ कुसम्‍मिल्‍ले़ लक्‍मनाआङ् पत्‍लो हे़क्‍क्‍याङ् ले़त्ति तोःम्‍मादे़न्‍नोबा हासोःक्‍सोःक्‍पाहाॽओ कुभुङ् मे़लक्‍तुआङ् पत्‍लो॥

अयुब 14:17

मनाःल्‍ले़ चिगक्‌वान् सुक्‌वाओ चिक्‍खुबा कुइसिक् आलायोन् के़जिक्‍खुरो॥

होसे 13:12

“एफ्राइमरे़ कुआप्‍तिक्‍किन् लुम्‍मनाआङ् वाॽरो, खे़ल्‍ले़ कुलायोहाॽ साप्नाआङ् ने़रो॥

यर्मिया 16:17

आङ्‌गाॽ खे़ङ्‌हाॽरे़ खुन्‍छिॽ याःम्‍बक्‍किन् नुरिक्‍काङ् निसुङ्‌ॽ॥ आङ्‌गाॽलाम्‍बा थे़माःन्‍नाङ् मे़जिङ्‌सिङ्‌ङिन्॥ खे़ङ्‌हाॽरे़ खुन्‍छिॽ लायोन् आङ्‌गाॽ आनिमोलाम्‍बा मे़जिङ्‌सिङ्‌ङिन्॥

निङ्‌वाॽफु साम्‍लोसुम् 130:3

यहवे दाङ्‌बाए, आनिगे लायोरे़ खाराःत्तिन् के़युक्‍खुबा होःप्‍ते़रो, मेःन्‍निल्‍ले़ग हाःत्ताङ् खुम्‍दिङ् मे़ङ्‌घोए खे़त्‍छिङ्‌मा मे़सुक्‍ते़म्‍बारो॥

आमोस 8:7

याकुबरे़ कुहे़न्‍छिङ्‌मो यहवे दाङ्‌बे़ल्‍ले़ पाःत्तुरो हे़क्‍क्‍याङ् खुने़ॽ अक्‍खेलॽरिक् माङ्‌हे़क्‍सिङ्‌ङाङ् वाॽरो— “खे़ङ्‌हाॽरे़ मे़जोगुआङ् वाॽबा आत्तिन् याःम्‍बक्‍किन्‍नाङ् आङ्‌गाॽ आप्‍फाल्‍ले़आङ् निङ्‌वाॽ मे़भेःत्‍छुङ्‌ङिन्‍लो॥

निङ्‌वाॽफु साम्‍लोसुम् 90:8

आनिगे लायोन्‍ग के़दगाङ् के़ने़स्‍सुरो, आनिगे स्‍वाःत्ताङ् चोःक्‍मनाबा फे़न्‌याःम्‍बक्‍हाॽ निगे़दे़प्‍पादे़न्‍नो ओसेःन्‍दाङ् के़जोगुरो॥

साम्‌योथिम् इङ् 32:34

यहवे दाङ्‌बे़ल्‍ले़ अक्‍खे पाःत्तुरो, “थे कन् आङ्‌गाॽ याङ्‌घोःत्तुङ् युक्‍खुङ्‌बा होःप्‍पि, हे़क्‍क्‍याङ् चाधाःङ्‌ङो एःप्‍साप् एःप्‍तुङ्‌बा होःप्‍पि?

यर्मिया 4:14

यरुसले़ःम्‍मे, ताप्‍फे़ःम्‍बा पाःन्‍हाॽ खे़ने़ॽ सिक्‍लुङ्‌मोलाम्‍बाए वाहप्‍ते़ॽआङ् लाप्‍फुसे़ॽओ हे़क्‍क्‍याङ् खे़ने़ॽ ताङ्‌गे़से़ःप्‍सिङ्‌लो॥ आभे़ल्‍ले़ थारिक् खे़ने़ॽ के़सिक्‍लुङ्‌मो ताप्‍फे़ःम्‍बा निङ्‌वाॽ के़गत्तुबाबे?

२ सामुए़ल 11:12

हे़क्‍केःल्‍ले़ दाउदरे़ उरियान् मे़त्तु, “हे़क्‍केग्र आइन् कप्‍मोए युङे़ॽ हे़क्‍क्‍याङ् ताःन्‍दिक् खे़ने़ॽ पाङ्‌ने़॥” खे़ल्‍ले़चोगुल्‍ले़ उरियान् खे़न् ये़न्‍नो नु कुदाःन्‍दिक्‍मा थारिक् यरुसले़ःम्‍मोए युङे़॥

इजकिएल 24:6

“आल्‍ल आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुङ्‌लो— चिःत्ते़स्‍ये़रो मना के़से़प्‍पाहाॽरे़ खुन्‍छिॽ ये़क्‌यक्, यरुसले़ःम्‍मिन् आक्‍तङ्‌बा तुक्‍खेःल्‍ले़ हाङ्‌घुबे, खे़ङ्‌ग लत्‍छा कुधोःक्‍मा खप्‍प्‍यारो खे़ल्‍ले़ कुभे़त्‍लाॽमान् इःङ्‌मा सुक्‍मे़दे़त्‍ने़न्‍लो॥ सामुल्‍लाःन् लत्‍छा लत्‍छा लाःक्‍कात् लःत्ते़ॽओ, थेआङ्‌भे़ल्‍ले़ आत्तिन् सामुल्‍लाःन्‍नाङ् वेॽसमान्‍नुःल्‍ले़ नुबा मे़जोक्‍ने़न्‍लो॥