यर्मिया 2:20 - लिम्बु20 यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥ Gade chapit la |
यर्मिया 2:20
50 Referans Kwoze
हुम्बे़त् के़दाप्पा सरेःक्याःप्पा के़रे़क् सिङ्बुङ्हाॽरे़ कुबेसाङ्बा हे़क्क्याङ् केःम्ब केःम्बा कोःक्मा फाङ्जङ् थे़गु माङ्वाहाॽओ खे़ङ्हाॽरे़ खुन्छिॽ ले़त्ति तोःम्मादे़न्हाॽ हे़क्क्याङ् असेरा साम्माङ्ङिल्ले़ कुसित्लाङ्हाॽ खे़ङ्हाॽरे़ खुन्छिॽ साएहाॽरे़आङ् से़वा मे़मे़त्तुरो॥
मुक्साम्दाङ्बा यहवे दाङ्बे़ल्ले़ पाःत्तुरो, “हे़क्क्याङ् खे़न् ये़न्निन् ताःल्ले़ खे़न् खे़ःप्सिङ्ङिन् खे़ङ्हाॽरे़ खुन्छिॽ सित्लाओलाम् ए़क्खुङ् पिरुङ्सिङ्लो, खे़ब्याङ् खे़ङ्हाॽरे़ खुन्छिॽ इघेःङ्ङिन् फे़न्दुङ् पिरुङ्सिङ्लो॥ खे़ङ्हाॽ आफाल्ले़आङ् याम्मो वेॽ लाजेॽबाहाॽरे़ खुन्छिॽ योक् मे़म्बोङ्ने़न्लो॥
खे़ङ्हाॽरे़ खुन्छिॽ माःल्ले़ इङ्ले़क् चोगुआङ् वाॽरो हे़क्क्याङ् सिरिङ्ममो खे़ङ्हाॽ साप्पोःक्को कुयुसिआङ् वाॽरो॥ खुने़ॽ पाःत्तु, ‘आङ्गाॽ लुङ्माॽ हिःप्तुसिङ्बाहाॽ तिम्दुङ्सिङ्लो, खे़ङ्हाॽरे़ आजामा खरे़ःङ् आधुङ्मा च्वाःत्, से़मुरिक्, नैनासुत् चिरिक्, चैतुन निःङ्गेॽ नु चे़ल्ले़क्सेॽ थि मे़बिआरो॥’
खे़ङ्हाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेॽओ खे़ङ्हाॽ फे़त्तुङ्सिङ्ङिल्ले़, खे़ङ्हाॽरे़ मे़निसुबा के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् सरेःक्याःप्पा हुम्बे़प्पा सिङ्बुङ्हाॽरे़ कुसिगाङ् खे़ङ्हाॽरे़ सिदुङ्जभा मे़दोन्दु! खे़ङ्हाॽरे़ सिदुङ्जभा मे़दोन्दुआङ् आङ्गाॽ आत्ति आत्ति साॽरिक् आसिक् मे़भोःक्खु॥ खे़ङ्हाॽरे़ खुन्छिॽ आत्तारहाॽ नु सुक्पा मे़दारु हे़क्क्याङ् खुन्छिॽ वदुम्बक्वा सिदुङ्जभाहाॽरे़ खे़ङ्हाॽ मे़ले़ःक्तुसि॥’
के़रे़क् माराम्हाॽरे़ कुसुक्पाहाॽओ वेॽ के़माङ्हाॽरे़ माङ्धाःन्हाॽ नु के़रे़क् इलाम्हाॽओ नावाइत्लाहाॽरे़ लागि ले़त्ति तोःम्मादे़न्हाॽ के़जोगु॥ से़क्खाःल्ले़, खे़ने़ॽग साॽरिक् लायो चोःक्मा कुसिराॽ के़धाङ्मा, के़त्निमा याःम्बक्किल्ले़ कुमे़न्नाङ् मे़न्नाःक्मनामा के़त्निमानुःल्ले़आङ् साॽरिक् ताप्फे़ःम्मा के़बोक्खे़आङ् के़वाॽ॥
थेआङ्भे़ल्ले़ खे़ने़ॽ खे़ङ्हाॽरे़ खुन्छिॽ के़लिःप्पा खे़ःप्सिङ्ङिन् के़ए़क्खु के़बिरुसिरो हे़क्क्याङ् ते़ःम्भुक्किन् स्याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्यान लाजेॽबा थक्सुबाहाॽ के़नाःन्दुसिबा हे़क्केए खे़ने़ॽ के़मनाहाॽ के़युक्पा नु तुक्खे के़जाःप्पा सुवाङ्हाॽ के़नाःन्दुसिआङ् वाॽरो॥
हे़क्क्याङ् यारोबामरे़ ये़त्छिगेःक् लाओबा थिबोङ्ङाङ् ङासिगेक्पा ये़न्नो यहुदाओ के़दाबा तङ्नाम् हे़क्के बेथेलओ लत्छा तङ्नाम् निःन्धो चोगु, खम्भ्याङ् ले़त्ति तोःम्मादे़न्नो सिदुङ्जभाहाॽ तोःन्दु॥ बेथेलओ खुने़ॽ चोगुसिबा पित्सात्हाॽरे़ लागि खुने़ॽ सिदुङ्जभा तोःन्दु॥ बेथेलओ खुने़ॽ चोगुबा कोःक्मा थे़गुहाॽओबा से़वा चोःक्मा माङ्धाःन्हाॽओ निङ्वाॽफुसाम्बाहाॽआङ् खुने़ॽ युक्तिङ् चोगुसि॥
हे़क्क्याङ् खे़निॽ पाधे़बा इस्राइलिहाॽरे़ से़क्खा निस्सेरे़ लागि यहवे दाङ्बान् पेलि मे़भाक्तुआङ् मे़बाःत्तु, ‘आनिगे लायो चोःक्मना, आनिगे यहवे दाङ्बे़न् ले़रुम्बे़आङ् बाल माङ्ङिन् नु अस्तोरेत माङ्हाॽ से़वा मे़त्तुम्सिम्बे़॥ कर आल्ल आनिगे निङ्मिहाॽरे़ खुनिॽ हुक्को थामालाम् आसे़ःप्ते़ॽ, हे़क्क्याङ् आनिगे खे़ने़ॽओ माङ्से़वा चोगुम्बे़॥’
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
हे़क्क्याङ् खोर्याहाॽ के़गप्पा खे़न् नुसि माङ्लाइङ्बाहाॽओ थिक्पा फे़रे़आङ् अक्खे मे़त्ताङ्, “फे़रे़ॽ, इङ्गाॽ खे़ने़ॽ खे़न् कुइङ् कुनाम् के़से़मा के़त्निमाल्ले़ खोमा के़बोङ्बा खुम्दिङ्ङिन् ओसेःन्धाक्ने़ॽरो॥ खे़न् के़त्निमान् यरिक् च्वाःत्तिल्ले़ कुबेसाङ् के़ने़बा यम्बा ये़क्यक्किन्लो॥
कन् थाःक्कोबा इस्राइलबा मनासे, यहवे दाङ्बे़ल्ले़ कन् कुइङ्घङ्ङिन् निङ्वाॽ इःत्ताम्मे़ॽओ॥ थे आङ्गाॽ खिनिॽ लागि लत्छा मुरे़क् खारे़क्पा ये़ःङ्घादे़न् पोःक्खाङ्बि? इग्र थे खागे़माक्पा लाजेॽ कुसिङ्बा पोःक्खाङ्बि? हे़क्केःल्ले़ थेआङ् खिनिॽ आनिगे आप्फेक् निङ्वाॽ तादा चोगुम्बे़ खे़ब्याङ् याम्मो खे़ने़ॽओ मे़द्ये़इगे़न् के़बाःत्तुम्बाबे?
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
खे़ल्ले़चोगुल्ले़ आङ्गाॽ लाम्लोबाहाॽरो पेःक्काआङ् खे़ङ्हाॽनु ताॽजे़ङ्ङारो॥ से़क्खासाङ् खे़ङ्हाॽलाम्बा निङ्वाॽफुमाङ्ङिल्ले़ कुभा पाःन्हाॽ चोःक्मा निङ्वाॽ के़जोगुरो खे़न् पाःन्हाॽ खे़ङ्हाॽरे़ निङ्वाॽ मे़घोसुररो॥ यहवे दाङ्बे़ल्ले़ निङ्वाॽ के़जोगुबा काक् पाःन्हाॽ कुसिङ् मे़निःत्तुरो॥” कर के़रे़क्ले़ यहवे दाङ्बे़ल्ले़ के़युक्किन् ते़न्दिङ् चोःक्मा मे़न्दे़न्दे़न्लो हे़क्क्याङ् खे़ने़ॽ के़इङ्जाङ्ङिन् इःप्मा नाःप्मा मे़नाॽरुरो॥
आङ्गाॽ चिःत्तुङ्बा पाःन्निन् खे़ने़ॽ के़जोगुर के़वाॽरो खे़न् आङ्गाॽए निसुङ्ङाङ् वाॽरो॥ खे़ने़ॽ कोःक्मा फाङ्जङ् नु ने़ने़बादे़न्नो याम्गे़सिङ्बा याःम्बक्हाॽ के़जोगुरो, खे़ने़ॽ चाराम्मा, याम्बोःप्मा याःम्बक् हे़क्क्याङ् के़त्निमान्नु के़गाम्सिङ्बान् निसुङ्ङाङ् वारो॥ यरुसले़ःम्मो के़युङ्बासे, के़जिःत्ति के़स्ये़ॽइरो, खिनिॽ से़क्खाए के़मे़गिरो, खिनिॽ आप्फाल्ले़ थारिक् आसुत्थो के़बोःक्खिबाबे?”
खे़ङ्हाॽरे़ कोःक्माहाॽरे़ कुसम्हाॽओ वयागे़न् सिदुङ्जभा मे़दोन्दुरो, हे़क्क्याङ् थे़गु माङ्वाहाॽओबा सुसु के़लॽबा नाम्इःक्खङ् आबिबिबा यहिबा, हुम्बे़त् के़दाप्पा पिपोर नु पोरोःक्सिङ्माहाॽरे़ कुसिङ्गाङ् सुक्पा मे़हाःन्दुरो॥ “कल्ले़चोगुल्ले़ खिनिॽ मे़न्छुमासाहाॽरे़ के़त्निमा याःम्बक् मे़जोगुरो, हे़क्क्याङ् खिनिॽ पाङ्लिमाहाॽरे़ चाराम्मा याःम्बक् मे़जोगुरो॥
याम्मो इस्राइलिहाॽरे़ अराम, सिदोन नु मोआब हे़क्क्याङ् अम्मोनिहाॽ नु पलिस्तिहाॽरे़ खुन्छिॽ माङ्साम्माङ्हाॽ खे़ब्याङ् बाल नु अस्तोरेत माङ्हाॽ से़वा मे़मे़त्तुसिआङ् यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोगे़ हाबा खे़न्ने मे़जोगु॥ खे़ङ्हाॽरे़ यहवे दाङ्बे़न् मे़ले़रुआङ् खुने़ॽ माङ्से़वा मे़म्मे़त्तुन्॥
आल्ल यहवे दाङ्बान् होसेःन्लाम् पाःप्मा हेःक्ते़ल्ले़, यहवे दाङ्बे़ल्ले़ खुने़ॽ अक्खे मे़त्तु, “कन् लाजेःल्ले़ यहवे दाङ्बे़न् नाॽरुआङ् साॽरिक् याम्बोःप्मा आप्तिक्को थ्ये़आङ् वाॽ, खे़ने़ॽ पेगे़ॽआङ् चागे़राम्मा के़त्निमाधिक् ते़न्धाम् मेःक्खिम् मे़त्ते़ॽ, खे़ब्याङ् खे़ल्ले़ चाराम्मा के़त्निमा याःम्बक् चोगुबालाम् कत्तुसिबा साहाॽ सा चोगे़से़ॽ॥”
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
Piblisite