खे़ङ्हाॽरे़ खुन्छिॽ आबाङे नाराःल्ले़ए खे़ङ्हाॽरे़ खुन्छिॽ तक्ले़ङ्वाओ तोःन्दि पिरुरो॥ सदोम ये़क्यक्को के़युङ्बा मनाहाॽ कुइसिःक्के खे़ङ्हाॽरे़आङ् आबाङे खुन्छिॽ लायोन् ओसेःन्धाङ् मे़जोगुरो॥ खे़ङ्हाॽरे़ खे़न् खुन्छिॽ लायोन् मे़न्जिक्खुन्लो॥ खे़ङ्हाॽग मे़जिःत्ते़ मे़स्ये़रो! खे़ङ्हाॽरे़ आबाङे खुन्छिॽ सम्दाङ् मे़क्मासिमान् मे़दारुआङ् वाॽरो॥
यर्मिया 2:19 - लिम्बु19 खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥” Gade chapit la |
यर्मिया 2:19
40 Referans Kwoze
आङ्गाॽ खिनिॽ साम्योबा तङ्नाम्हाॽ मे़रिङ् थक्मो हे़क्क्याङ् के़रे़क् साम्लोहाॽ हाःप्मा चिङ्मो ले़क्खुङ् पिनिङ्लो॥ आङ्गाॽ खिनिॽ के़रे़क् सगितेत् के़जाक्खुम्ल चोःक्निङ्लो हे़क्क्याङ् खिनिॽ थे़गेःक्इःन् के़नःक्खुम्ल याःन्निङ्लो॥ लत्छारक् ये़म्बित्छासाःल्ले़ कुलागि मे़रिङ् थक्मनाबा हे़क्के आङ्गाॽ खे़न् ये़म्मिन् पोङ्ल चोगुङ्लो खे़ब्याङ् खे़ल्ले़ कुनुप्मा ये़न्निन् साॽरिक् कुजा के़भे़म्बा पोङ्लो॥”
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
आङ्गाॽ यहवे दाङ्बाआ, खिनिॽ आङ्गाॽनु किमा मे़बोङ्ने़न्बि? आङ्गाॽ आदगि थेआङ् थे़गक्कक्ना के़न्यक्खिन्बे? आङ्गाॽ वरःङ्ङिल्ले़ लागि ये़ःङ्घाःन् इःन्दो ने़स्सुङ् पिरुङ्ङाङ् ने़रो॥ खे़न् वरःङ्ङिल्ले़ काःक्मा मे़न्छुक्मना लत्छा तधप् मे़ल्लॽमनाबा कुधेःक्मा पोःक्खे़आङ् ने़रो॥ वरःङ्ङोबा वाभे़ल्ले़ङ्हाॽ पोःक्पिलारो कर खे़न् इःन्दोन् काःक्मा मे़सुक्तुन्लो॥ खे़न् वाभे़ल्ले़ङ्हाॽ यम्बा सःक्पिलारो कर खे़न् हमाआङ् काःक्मा मे़सुक्तुन्लो॥
यहवे दाङ्बे़ल्ले़ अक्खे पाःत्तुरो, “याम्बोःप्मा याःम्बक् के़जोःक्पासे! खिनिॽ के़रे़क् आङ्गाॽओ नुःक्खे़म्मे़ॽआङ् त्ये़म्मे़ॽओ, आङ्गाॽ खिनिॽ वेःन्ने़निङ्ॽ हे़क्क्याङ् खिनिॽ नसाःन्साबा चोःक्निङ्लो॥” खे़ङ्हाॽरे़ मे़बाःत्तुॽ, “ओरो, यहवे दाङ्बाए, आनिगे खे़ने़ॽओ नुःक्खिगे़ त्ये़ॽइगे़रो हे़नाङ्भे़ल्ले़ खे़ने़ॽ आनिगे निङ्वाॽफुमाङ्ने़रो॥
यहवे दाङ्बे़ल्ले़ अक्खे पाःत्तुरो, “आङ्गाॽ नाजङ्सक् साप्तुङ्पिरुङ्बाल्ले़ चोगुल्ले़ के़म्मा मे़बाङ्सु मे़देसुआङ् वये़बाबि? इग्र आङ्गाॽ आत्तिन् सिङ्नात्साबे़ल्ले़ कुहुक्को खे़निॽ सङ्निङ्बे? मेःन्लो, खे़निॽ लायोहाॽरे़ चोगुल्ले़ खे़निॽ के़म्सङ्सिबारो, हे़क्क्याङ् खे़निॽ माःन्नाङ् खे़निॽ लायोल्ले़ चोगुल्ले़ माःङ्घा मे़बाङ्सुबारो॥
आल्ल आङ्गाॽ आजे़ल्ले़क्सेॽ इक्किन् थे़मा चोगुङ्ॽ, आङ्गाॽ खे़ल्ले़ कुयाःम्बेओ खे़निॽ मे़त्निङ्लो— आङ्गाॽ खे़ॽयो फाङ्मनाआङ् के़बप्पा कुधेःक्माहाॽ हाॽयाक् वयाक् आःक्खुङ्देसुङ्लो, हे़क्क्याङ् खे़न् खाप्पुथ्यःङ् पोङ्लो॥ खे़न् चे़ल्ले़क्सेॽ इक्किन् थेःक्मारे़ लागि से़प्मनाबा लुङ्धाक्हाॽ लुःन्दुङ्देसुङ्लो, खे़म्ब्याङ् खे़न् चे़ल्ले़क्सेॽ इक्किन् चिराक् चिराक् मे़लाःक्तुरो॥
याकुबरे़ कुभे़न् याःम्बक्हाॽरे़ चोगुल्ले़ हे़क्क्याङ् इस्राइलरे़ कुहिम्सयङ्ङिल्ले़ कुलायोहाॽरे़ चोगुल्ले़ कन् के़रे़क् पाःन्हाॽ पोःक्खे़बारो॥ याकुबरे़ कुमुॽइदाङ्साहाॽरे़ आत्ति फे़न्याःम्बक् मे़जोगुबे? थे खे़न् सामरियाओ मेःम्बि? यहुदाबा मनाहाॽरे़ आत्तान् माङ्धाःन्हाॽ मे़युक्खुबे? थे खे़न् यरुसले़ःम्मो मेःन्बि?
खे़ब्याङ् रहबाम नु सिसकरे़ खुन्छिॽ ते़न्धङ्लाम् हिङ्मारे़ लागि यरुसले़ःम्मो के़जुम्बा यहुदाबा थाःक्लाम्लोबाहाॽ माङ्निङ्वाॽपान् के़बाःप्पा समायाहःल्ले़ मे़त्तुसि, “यहवे दाङ्बे़ल्ले़ अक्खे पाःत्तुॽ—‘खिनिॽ आङ्गाॽ आग्नाॽरे़आङ् वाॽ, कल्ले़चोगुल्ले़ आल्ल आङ्गाॽ सिसकरे़ कुहुक्को खिनिॽ हुक्सुःप्निङ्ॽ॥’”
खे़न् मनाःन् पारे़आङ् पत्छे़ल्ले़ अमस्याह हाङ्ङिल्ले़ खुने़ॽ मे़त्तु, “थे आनिगे खे़ने़ॽ हाङ्जुम्मोबा सुजासाबा युक्तिङ् चोःक्कासिगे़आङ् वये़बि? मे़म्बाःत्ते स्वाःत्! थेआङ् खे़ने़ॽ के़हिङ्मे़न् के़साक्पो के़धासु?” खे़न् माङ्निङ्वाॽपान् के़बाःप्पे़न् पाःप्मा नाॽमानुःल्ले़ तगि अक्खे लॽरे़, “आदाङ्बारे़ अक्खे के़जोगुआङ् आङ्गाॽ आसुजान् के़ङ्घे़प्सुम्बे़ल्ले़ चोगुल्ले़ निङ्वाॽफुमाङ्ङिल्ले़ आदाङ्बा मे़ङ्मा निःन्धो चोगुआङ् वाॽ के़लॽबा आङ्गाॽ निसुङ्ङाङ् वाॽरो॥”
आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥”
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
Piblisite