कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
यर्मिया 2:15 - लिम्बु15 खे़ङ्हाॽ खुने़ॽ कुसम्धाङ् खिरिङ्बान् हे़क्के मे़हुःक्काङ् मे़वाॽरो हे़क्क्याङ् खे़ल्ले़ लाजेन् चिजि खक्खक् पोःक्खे़आङ् वाॽरो॥ खे़ल्ले़ कुये़क्यक्हाॽ खाप्पुथ्यःङ् मे़जोगुरो हे़क्क्याङ् मे़नाॽरुआङ् ने़रो॥ Gade chapit la |
यर्मिया 2:15
35 Referans Kwoze
तुङ्गोदिङ् वरःङ्ङिल्ले़ कुयाओ के़युङ्बा करेति सुवाङ्से, खिनिॽ के़जिःत्ते़ के़स्ये़ॽइरो! पलिस्तिहाॽरे़ खुन्छिॽ लाजेॽ कनाने, यहवे दाङ्बे़ल्ले़ कुबाःन्जाक्किन् के़दक्ले़ङ्वाओ वाॽरो॥ खुने़ॽ पाःत्तुॽ, “आङ्गाॽ खे़ने़ॽ खाप्पुथ्यःङ् मे़ङ्ने़रो, हे़क्क्याङ् खे़ने़ॽओ आत्तिन्नाङ् मे़युङ्ने़न्लो॥”
यहवे दाङ्बे़ल्ले़ अक्खे पाःत्तुरो— “मे़ल्लुक् कम्बाल्ले़ थे़रिङ्बे़ल्ले़ कुम्ब्राओलाम् लाङ्ङोबा कुआत् ने़त्छि साये़त् इग्र ने़भाक्कोबा कुमुल्ला थिक्लक् थे़रिङ्बे़न् नाप्मा सुक्तुबा कुइसिक् सामरियाओ के़युङ्बा इस्राइलिहाॽ ने़त्नाःल्ले़ कुयाःन्नु युक्नाःल्ले़ कुसुक्पे़न्नु ताङ्मे़से़ःप्लो॥
थेआङ्भे़ल्ले़ आङ्गाॽ एफ्राइमरे़ कुलागि खिरिङ्बा नु यहुदाःल्ले़ कुहिम्सयङ्ङिल्ले़ लागि यम्बा खिरिङ्बा हे़क्तङ्बा पोङ्ङारो॥ आङ्गाॽए खे़ङ्हाॽ ताराक् ताराक् साःक्सुङ्सिङ्लो खम्भ्याङ् आङ्गाॽ आलाम्मो थासिङ्ङारो, आङ्गाॽ खे़ङ्हाॽ पक्खुङ् तेॽरुङ्सिङ्लो हे़क्क्याङ् खे़ङ्हाॽ के़से़ःप्पा हाःत्ताङ् मे़होप्लो॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“यहवे दाङ्बे़ल्ले़ अक्खे पाःत्तुॽ, खिनिॽ के़बाःत्तुम्माङ् वाॽ, ‘कन् ते़न्निन् मुरे़क् खारे़क्पा ये़ःङ्घादे़न् पोःक्खे़आङ् ने़ःॽ, कॽयो लत्छा मना इग्र लत्छा थक्सा थिक्काङ् याङ्मे़धोःक्ने़न्॥’ यहुदाबा ये़क्यक्हाॽ नु यरुसले़ःम्मोबा लाम्हाॽ चिजि खक्खक् पोःक्खे़आङ् ने़ःॽ हे़क्क्याङ् कुभा मना इग्र थक्साहाॽ खे़प्मो याङ्मे़न्धोःक्ने़न्छाङ् कन् ते़न्नो खिनिॽ याम्मो
कन् माङ्हिम्मिन् सिलोःन् हे़क्के पोङ्ॽ हे़क्क्याङ् कन् ये़क्यक्किन् खाप्पुथ्यःङ् पोङ्ॽ खे़म्ब्याङ् कप्मो हाःत्ताङ् मे़युङ्ने़न् फाॽआङ् खे़ने़ॽ थेआङ् यहवे दाङ्बे़ल्ले़ कुमिङ्ङो माङ्निङ्वाॽपान् के़बाःत्तु?” खे़न् एगाङ् यहवे दाङ्बे़ल्ले़ कुहिम्मो के़रे़क् मनाहाॽरे़ खुने़ॽ किर्गप् मे़गबु॥
“यर्मियाए, आङ्गाॽ पाःत्तुङ्बा के़रे़क् पाःन्हाॽ खे़ङ्हाॽरे़ मे़घे़प्सुर के़याःन्दुसिर पोङ्ॽ॥ खे़ने़ॽ कन् मनाहाॽ अक्खे मे़प्मासि पोङ्लो, “‘यहवे दाङ्बान् साङ्ग्राम्पेदाङ्लाम्बा हुःक्लो, साङ्ग्राम्पेदाङ्बा के़रे़क्नुःल्ले़ थाःङ्धाक्पा युङ्नादे़न्लाम्बा खुने़ॽ कुलाजेःल्ले़ कुदक्ले़ङ्वाओ आगिगिबा इक्ला लःत्तुरो, खुने़ॽ खाम्बेःक्मोबा मनाहाॽरे़ खुन्छिॽ तक्ले़ङ्वाओ हुःक्लो, चे़ल्ले़क्सेॽ के़दोॽबा मना कुइसिक् खुने़ॽ ने़भाक्वा फिङ्ल अःक्लो॥ इक्सादिङ् खाम्बेःक्मोबा के़रे़क् मनाहाॽरे़ खुने़ॽ कुइक्लान् मे़घे़प्सुरो॥
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
हे़क्क्याङ् आङ्गाॽ मे़त्तुङ्, “आदाङ्बाए, आक्खे़न् ये़म् थारिक् कन् याःम्बक्किन् आङ्गाॽ चोगुङ्बाबे!” हे़क्केःल्ले़ खुने़ॽ मे़त्ताङ्, “पाङ्जुम्हाॽ खाप्पुथ्यःङ् पोङ्ङाङ् मे़न्छाम् याप्मि मेःन्ने चिजि खक्खक् मे़म्बोङ्ङे थारिक् नु हिम्धाःङ्हाॽ मनामे़ःन्ने कुघाले़म् मे़म्बोङ्ङे थारिक्, हे़क्क्याङ् प्याङ्सिगे़न् इक्ताप्पोबा चाहाॽ खाप्पु थ्यःङ् पोङ्ङाङ् मे़म्मे़क्के थारिक्,
कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
Piblisite