यर्मिया 2:13 - लिम्बु13 थेआङ्भे़ल्ले़ आङ्गाॽ आमनाहाॽरे़ ने़त्छि लायो मे़जोगुआङ् मे़वाॽरो— खे़ङ्हाॽरे़ आहिङ्हिङ्बा के़बुम्बा च्वाःत्तिन् मे़नाॽरुआङ् मे़वाॽरो हे़क्क्याङ् वागे़युबा के़बेःक्पा च्वाःत्तिन् थुङ्मारे़ लागि वाबाक्हाॽ मे़दयुआङ् ने़रो॥’” Gade chapit la |
खरे़ःङ् मेःम्बा पाःन्नो थेआङ् याङ् चागे़सोःक्खुम्बाबे? हे़क्क्याङ् सिक्मे़न्एःप्मनाबा पाःन्नो थेआङ् स्याङ्मे़न्दाङ् याःम्बक् के़जोगिबाबे? नुरिक्काङ् खे़प्साम्मे़ॽ, सिङ्सिङ् ये़क्ये़क्काङ् आबाःन्निन् खे़प्साम्मे़ॽओ, खे़ब्याङ् आत्तिन् कुजान् नुबा चोक् आम्भा खे़न् चाम्मे़ॽओ, हे़क्केलॽरिक् कुजागे़नुॽबा कुजाहाॽ के़जाम्माङ् खिनिॽ सक्मासाम्मिन् कुनिङ्वाॽ तारो॥
सेसेमाङ्ङिन् नु सिसामेःत्तिल्ले़ पाःत्छुॽ, “ये़ॽओ!” हे़क्क्याङ् कन् पाःन्हाॽ के़घे़म्बाल्ले़आङ् “ये़ॽओ!” पाःत्तुरो॥ आत्तिन् आःङ्गुगे़न् वामिःक्माल्ले़ तरुआङ् वाॽ, खे़न् ताररो॥ आत्तिल्ले़ निङ्वाॽ चोगुॽ, हाराॽ खे़ल्ले़ कुमे़ल्लुङ् मेःन्नेए मे़न्नुप्मनाबा हिङ्मन् के़बिबा च्वाःत्तिन् थुङुररो॥
यहवे दाङ्बे़ल्ले़ अक्खे पाःत्तुरो, “आङ्गाॽ आमनाहाॽ अदङ् मे़जोक्लो खे़ङ्हाॽरे़ आङ्गाॽ कुसिङ् मे़न्निःत्तान्लो॥ खे़ङ्हाॽ ने़हिनिङ्वाॽ मेःन्नेबा अङे़ःक्वाहाॽ हे़क्के मे़लॽरो, खे़ङ्हाॽरे़ खुन्छिॽ खासिङ्निःप्मा साम्मिन्ने होप्लो॥ खे़ङ्हाॽ ताक्के़भे़ॽबा याःम्बक् चोःक्मा के़ले़बा मे़जोक्लो, कर खे़ङ्हाॽरे़ नुबा याःम्बक् चोःक्मा मे़ल्ले़सुन्लो॥”
वेॽ आत्तिन् सुवाङ्ङिल्ले़आङ् आबाङे साम्माङ्हाॽ आप्फाल्ले़आङ् मे़न्ले़क्के कत्तुसिरो, हे़क्केसाङ् खे़न् साम्माङ्हाॽ से़क्खाबा माङ् मेःन्छिरो॥ कर आङ्गाॽ आमनाहाॽरे़ हे़क्तङ्बा साम्माङ्हाॽनु आङ्गाॽ मे़ले़क्ताङ्लो, खे़ङ्हाॽरे़ खुन्छिॽ मिमिदिङ्ङिन् खे़न् हने़बा साम्माङ्हाॽनु मे़ले़क्तुरो॥
आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥”
आत्तिन् मनाःल्ले़ निङ्वाॽफुमाङ्ङिन् कुनिङ्वाॽ तासुॽ, खुने़ॽ खे़न्ने सिक्कुम् निङ्वाॽ, ने़हिनिङ्वाॽ नु निङ्वाॽ तामा पान् पिरुॽ॥ कर निङ्वाॽफुमाङ्ङिल्ले़ कुनिङ्वाॽ के़दाबा मनान् पिमा फाॽआङ् खुने़ॽ लायोबा मनान् याङ्साकुन्धे फुङ्मा नु लुम्मा याःम्बक् पिरुॽ॥ कन्नाङ् हने़ थेनाधे, साम्मिःत् केजङ्ङिन् नाःप्मनाबा हे़क्केरक्लो॥
हे़क्केसाङ् आहुक्किल्ले़ चोगुङ्बा काक् याःम्बक्हाॽ नु खोमारे़ लागि स्याङ्मे़न्दाङ् चोगुङ्बा के़रे़क् पाःन्हाॽ ले़प्माङ् आनारान् हिसुङ्ङिल्ले़ के़रे़क् पाःन्हाॽ हने़बा चोगे़रो॥ साम्मिःत् केजङ्ङिन् नाःप्मनाबा हे़क्के थेनाधे हने़रत्छ, नाम्मिल्ले़ कुसिगाङ् थेआङ् कुजक् मे़बोःक्खे़न्लो॥
हे़क्क्याङ् खे़निॽ पाधे़बा इस्राइलिहाॽरे़ से़क्खा निस्सेरे़ लागि यहवे दाङ्बान् पेलि मे़भाक्तुआङ् मे़बाःत्तु, ‘आनिगे लायो चोःक्मना, आनिगे यहवे दाङ्बे़न् ले़रुम्बे़आङ् बाल माङ्ङिन् नु अस्तोरेत माङ्हाॽ से़वा मे़त्तुम्सिम्बे़॥ कर आल्ल आनिगे निङ्मिहाॽरे़ खुनिॽ हुक्को थामालाम् आसे़ःप्ते़ॽ, हे़क्क्याङ् आनिगे खे़ने़ॽओ माङ्से़वा चोगुम्बे़॥’
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
तुम्म्याङ्हाङ्हाॽरे़ खुन्छिॽ से़वारोबाहाॽ च्वाःत् फाःत्छे़ मे़बाङ्घुसिरो॥ खे़ङ्हाॽ च्वाःत् याङ्घोःप्मा वाबाक्को मे़बेःक्लो कर खे़ङ्हाॽरे़ च्वाःत् मे़ङ्घोसुन्लो, खे़ङ्हाॽ कुघाले़म् खप्प्या मे़नुःङ् मे़दारो॥ खे़ङ्हाॽ खुन्छिॽ सक्माबुॽआङ् हाब् मे़ले़क्लो हे़क्क्याङ् खुन्छिॽ नारान् मे़जिक्खुरो॥
“‘थेआङ्भे़ल्ले़ कन् मनाहाॽरे़ आङ्गाॽ लाप्मे़भुसाङ्ङाङ् मे़वाॽ हे़क्क्याङ् आप्फेक् नु आबाङे खुन्छिॽ पाधे़बाहाॽरे़ इग्र याम्मो यहुदाबा हाङ्हाॽरे़ कुसिङ् मे़न्निःत्तुन्छिन्बा साम्माङ्हाॽओ सिदुङ्जभा मे़दोन्दुआङ् कन् ते़न्निन् एयाङ्बा साम्माङ्हाॽरे़ खुन्छिॽ माङ्धाःन् मे़जोगुआङ् ने़॥ खे़ङ्हाॽरे़ कन् ते़न्निन् आप्तिक् मेःन्नेबा माक्खिॽइल्ले़ हे़ःत्ताङ्बा मे़जोगुआङ् ने़॥
खे़न् मनाःल्ले़ आङ्गाॽ माङ्हिम्मो लाःप्मा लाम्धेःप्पो नुःक्ताङ् ताराङ्, हे़क्क्याङ् माङ्हिम्मोबा लाम्धाःत्पुङ्ङिल्ले़ कुसिगाङ्लाम् च्वाःत्तिन् नाङ्गे़न् पिसाङ् लःन्दे़र पत्छे़बा निसुङ् (थेआङ्भे़ल्ले़ माङ्हिम्मिन् नाङ्गे़न् पिसाङ् के़हिसिङ्बा चोगे़)॥ माङ्हिम्मिल्ले़ कुसिगाङ् लाङ्गे़त् ले़प्माङ्लाम्, ले़त्ति तोःम्मादे़न्निल्ले़ योहाङ् ले़प्माङ् च्वाःत्तिन् कुक्से़ ये़र पत्छे़॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥