यर्मिया 2:11 - लिम्बु11 वेॽ आत्तिन् सुवाङ्ङिल्ले़आङ् आबाङे साम्माङ्हाॽ आप्फाल्ले़आङ् मे़न्ले़क्के कत्तुसिरो, हे़क्केसाङ् खे़न् साम्माङ्हाॽ से़क्खाबा माङ् मेःन्छिरो॥ कर आङ्गाॽ आमनाहाॽरे़ हे़क्तङ्बा साम्माङ्हाॽनु आङ्गाॽ मे़ले़क्ताङ्लो, खे़ङ्हाॽरे़ खुन्छिॽ मिमिदिङ्ङिन् खे़न् हने़बा साम्माङ्हाॽनु मे़ले़क्तुरो॥ Gade chapit la |
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
यहवे दाङ्बे़ल्ले़ अक्खे पाःत्तुरो— “के़धाःक्थे़बाहाॽरे़ आङ्गाॽ आदक्ले़ङ्वाओ ताप्फे़ःम्बा पान् थे मे़घोसुबे? थे़मा पाःन्निल्ले़ चोगुल्ले़ खे़ङ्हाॽ आङ्गाॽलाम्बा माःङ्घा मे़बोःक्खे़बे? खे़ङ्हाॽरे़ थेनाधेबा नावाइत्लाहाॽ से़वा मे़मे़त्तुसिरो हे़क्क्याङ् आबाङेआङ् हने़बा मे़बोःक्खे़रो॥
इस्राइलए, खे़ने़ॽ मुॽइसाबाने़रो! यहवे दाङ्बालाम् से़न्लप् के़घोबा सुवाङ्, खे़ने़ॽ हे़क्तङ्बा हात् वाॽआङ्बे? खुने़ॽग खे़ने़ॽ के़घो नु के़भाॽबाङ्लो हे़क्क्याङ् खे़ने़ॽ के़हाङ्वा के़माङ्वा ताभेरो॥ खे़ने़ॽ के़निङ्मिहाॽ के़दगि मे़नःम्सिङ्ङाङ् मे़दारो खम्भ्याङ् खे़ङ्हाॽरे़ खुन्छिॽ चन्जम्बादे़न्हाॽ के़लाःक्तुरो॥”
कर थे हारुने़ल्ले़ कुधाःक्कोबा यहवे दाङ्बे़ल्ले़ कुनिङ्वाॽफुसाम्बाहाॽ नु ले़बिहाॽ खिनिॽ के़लःत्तुम् के़देसुम्सिम्माङ् वेॽ लाजेॽबा थिम् कुइसिक् खिनिॽ आप्फेक् निङ्वाॽफुसाम्बाहाॽ युक्तिङ् के़जोगुम्सिम्माङ् मे़न्वाॽने़म्बि? कुभा मनाधिक् खुने़ॽ तोःन्छिङ्मारे़ लागि पित्सात् थिक् नु नुसि थुःम्बाहाॽ तारुसिआङ् ताःल्ले़ थे खे़न् माङ् मेःम्बान् माङ्ङिल्ले़ कुनिङ्वाॽफुसाम्बा फाॽआङ् खिनिॽ के़दाःक्तुम्बि?
यहवे दाङ्बान् पाःन्सेःन्दोरो, “थेआङ् आङ्गाॽ खिनिॽ ले़प्मि पिनिङ्बाबे? खिनिॽ साहाॽरे़ आङ्गाॽ लाप्मे़भुसाङ्ङाङ् वाॽरो हे़क्क्याङ् खे़ङ्हाॽ इङ्ले़क्पा माङ्हाॽओ माङ्मे़हे़क्सिङ्ङाङ् वाॽरो॥ खे़ङ्हाॽ मे़ङ्घाए थारिक् चाःत्तुङ्सिङ्लो, कर खे़ङ्हाॽरे़ याम्बोःप्मा याःम्बक् मे़जोगुआङ् मे़वये़रो हे़क्क्याङ् खे़ङ्हाॽ ये़म्बा हङ्जेना के़त्निमान्नु यरिक् ये़म् मे़देसुरो॥
“कल्ले़चोगुल्ले़, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—आङ्गाॽ आइङ्जाङ्हाॽ नु आधिम्हाॽ के़न्इःत्तुम्मिन् के़न्नाःत्तुम्मिन्नाङ् खिनिॽ हिम्बेसाङ्बाहाॽनुःल्ले़आङ् साॽरिक् खिनिॽ मनाहाॽ कुॽइगे़भे़रिआङ् के़वयिॽ॥ खिनिॽ कब्रिङ् पिसाङ्बा मे़न्छाम् सुवाङ्हाॽ यारिक्काङ् खिनिॽ खे़म्दु लाॽरुर के़न्वयिन्ॽ॥
खे़न् माङ् मे़ःन्बाल्ले़ चोगुल्ले़ खे़ङ्हाॽरे़ कुनागे़हे़म्बा मे़जोगाङ्लो, खे़ङ्हाॽरे़ खुन्छिॽ हने़बा नावाइत्लाहाॽरे़ चोगुल्ले़ खे़ङ्हाॽरे़ आङ्गाॽ आसिक् मे़भोःक्खुरो॥ लत्छा सुवाङ्ङे के़होप्पा मनाहाॽलाम् आङ्गाॽ खे़ङ्हाॽ कुना के़हे़म्बा चोगुङ्सिङ्लो, खासिङ् मे़न्निःप्मनाबा लत्छा सुवाङ्लाम् आङ्गाॽ खे़ङ्हाॽरे़ खुन्छिॽ साक्के़न् फोःक्खुङ्लो॥
आङ्गाॽ कन् चोगुङ्ॽ, थेआङ्भे़ल्ले़ आङ्गाॽ मे़नाॽराङ्ङाङ् वाॽ, हे़क्क्याङ् सिदोनिहाॽरे़ खुन्छिॽ अस्तोरेत माङ्ङिन्, मोआबबा माङ् कमोसे़न् नु अम्मोनिहाॽरे़ खुन्छिॽ माङ् मोलेखे़न् खे़ङ्हाॽरे़ से़वा मे़मे़त्तुआङ् वाॽ, हे़क्क्याङ् आङ्गाॽ आलाम्मो खे़ङ्हाॽ लाङ्मे़ङ्घेःक्ने़न् आङ्गाॽ आनिमो आत्तिन् पाःन्निन् कुदोःप्मा चोक् खे़न्नाङ् मे़न्जोगुन्ॽ, सोलोमनरे़ कुम्बा दाउदरे़ चोगुबा हे़क्के आङ्गाॽ आसाम्योबा थिम्हाॽआङ् मे़न्इःत्तुन् मे़न्नाःत्तुन्॥