यर्मिया 2:10 - लिम्बु10 नाम्धा पिसाङ् साइप्रस वागप्खाम्मो खे़ङ्हाॽ ओमुसे़ मे़बेःक्लरो, नाम्गे़न् ले़प्माङ् केदार लाजेॽओ आत्तिल्ले़इ कुगोःत्छे़ मे़बाङ्घुसिररो, अक्तङ्बा पान् तगि आप्फाल्ले़आङ् पोःक्खे़बा के़न्निसुम्मिन्लो॥ Gade chapit la |
यर्मिया 2:10
21 Referans Kwoze
नाम्धा कुया ले़प्माङ्बा लाजेॽहाॽलाम् खे़ल्ले़ कुदक्ले़ङ्वाओ वालाधाहाॽ मे़भे़न्ॽ, हे़क्क्याङ् खे़ल्ले़ कुसक्मा पुॽरो॥ खे़ब्याङ् नुःङ्ङाङ् सेसे माङ्हुप्पिल्ले़ कुदक्ले़ङ्वाओ खे़ल्ले़ कुसाक्के़न्निन् थासुॽ॥ खे़न् नुःङ्बेःक्काङ् खुने़ॽ सेसेमाङ्हुप् के़ले़प्पा के़देबाहाॽ लुङ्माॽ तुक्तुसिॽ॥
“मनाहाॽरे़ अक्तङ्बा नुगप् मे़बाःत्तुॽ, ‘थेआङ्भे़ल्ले़ खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिन् मे़ले़रुआङ् वाॽ, खुने़ॽ खे़ङ्हाॽरे़ खुन्छिॽ पाधे़बाहाॽ मिस्र लाजेॽलाम् लःत्तु थाक्तुसिआङ् वये़, हे़क्क्याङ् खे़ङ्हाॽरे़ वेॽ माङ्हाॽ से़वा मे़मे़त्तुसि हे़क्क्याङ् कन्हाॽ माङ्से़वा मे़मे़त्तुसिर मे़हे़प्तुसिआङ् वाॽ॥ कल्ले़चोगुल्ले़ यहवे दाङ्बे़ल्ले़ कन् के़रे़क् तुक्खे लाक्खेहाॽ खे़ङ्हाॽरे़ खुन्छिॽ सम्धाङ् तारुरो॥’”
यहवे दाङ्बे़ल्ले़ पाःत्तुरो, “सिदोने़ल्ले़ कुस्सा मे़न्छिन्से, आल्ल खे़निॽ ससाङ्स्रोत् लॽमे़न् मे़गे़आङ् वाॽरो॥ हे़क्क्याङ् ये़क्यक्को के़युङ्बा खिनिॽ मनाहाॽ तुक्खे मे़जाःत्तुसिआङ् मे़वाॽरो॥ खे़ङ्हाॽ मे़घे़त्छिङ्ङाङ् साइप्रस ले़प्माङ् मे़बेःक्साङ् खे़प्मोआङ् खुन्छिॽ तुक्खेन् चक्मे़लॽने़ल्लो॥”
“कल्ले़चोगुल्ले़, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—आङ्गाॽ आइङ्जाङ्हाॽ नु आधिम्हाॽ के़न्इःत्तुम्मिन् के़न्नाःत्तुम्मिन्नाङ् खिनिॽ हिम्बेसाङ्बाहाॽनुःल्ले़आङ् साॽरिक् खिनिॽ मनाहाॽ कुॽइगे़भे़रिआङ् के़वयिॽ॥ खिनिॽ कब्रिङ् पिसाङ्बा मे़न्छाम् सुवाङ्हाॽ यारिक्काङ् खिनिॽ खे़म्दु लाॽरुर के़न्वयिन्ॽ॥
तुरोस ये़क्यक्किल्ले़ कुयाःम्बेओ माङ्निङ्वाॽपान्— ले़ङ्हङ् के़जोःक्पा यम्बा वालाधाहाॽओ के़याक्पा मनासे, मे़रिङ् थक्ताम्मे़ॽओ, थेआङ्भे़ल्ले़ तुरोस ये़क्यक्किन् खाप्पुथ्यःङ् पोःक्खे़आङ् ने़रो, हे़क्क्याङ् खे़ॽयो हिम्धाःङ् नु वागप्खेःङ्हाॽ थेआङ् मे़याःक्ते़न्नाङ् मे़ने़ने़न्लो॥ खे़ङ्हाॽरे़ खुन्छिॽ लागि साइप्रसलाम् लत्छा इङ्घङ्धिक् त्ये़आङ् वाॽरो॥
Piblisite