यर्मिया 19:7 - लिम्बु7 “‘आम्भा कन् ते़न्नो आङ्गाॽ यहुदा नु यरुसले़ःम्मोबा यक्युङ्बाहाॽरे़ चोःक्मा मे़गोःत्तुबान् कुसुम् मे़न्दम्मनाबा चोगुङ्ॽ, खे़ङ्हाॽ खुन्छिॽ निङ्मिहाॽरे़ मे़नाःन्दुसिर याःन्दुङ्सिङ् खे़ब्याङ् खे़ङ्हाॽ आङ्गाॽ ते़न्धङ्ङो मे़क्खुङ्सिङ् हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽ कुजा चामारे़ लागि पिरुङ्सिङ्ॽ॥ Gade chapit la |
यर्मिया 19:7
32 Referans Kwoze
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
नुसि साहाॽरे़ खुन्छिॽ माःन् कुधना ले़क्खे़आङ् वाॽरो हे़क्क्याङ् सक्मा सोःम्मा के़साक्पा तुमुआङ् वाॽरो॥ खे़ल्ले़ ले़न्दिक्पा कुघाओःप्मान् खागे़धाम्बा पोःक्खे़आङ् वाॽरो, खे़ल्ले़ कुनामे़न्छाॽ पोःक्खे़आङ् वाॽरो खे़न् साॽरिक् निङ्वाॽ तुक्मो थ्ये़आङ् वाॽरो॥ खे़ङ्हाॽ आल्ल थारिक् मे़हिङे़आङ् मे़वाॽरो, खे़ङ्हाॽ निङ्मि हुक्को पिरुङ्सिङ्ङाङ् से़प्मा पाङ्घुङ्सिङ्लो॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो॥”
खे़ङ्हाॽरे़ खे़ने़ॽ ‘आनिगे आत्तान् पेगिगे़बा’ फाॽआङ् से़ःन्के़म्दोने़भग्र आङ्गाॽ अक्खे पाःत्तुङ्ङाङ् वाॽ फाॽआङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुरो— “‘आत्तिन्हाॽ मिङ्देॽलाम्बा मे़सि, खे़ङ्हाॽ मिङ्देॽओ मे़बेःक्लरो! आत्तिन्हाॽ थङ्ङो मे़सि, खे़ङ्हाॽ थङ्ङो मे़बेःक्लरो! आत्तिन्हाॽ साक्मे़न्जाए मे़सि, खे़ङ्हाॽ साक्वाःन्नो मे़धाररो! हे़क्क्याङ् आत्तिन्हाॽ मे़दे़म्सु मे़देॽरुसि, खे़ङ्हाॽ मे़दे़म्सु मे़देॽरुसिररो!’
खे़ल्ले़चोगुल्ले़ आल्ल खे़ङ्हाॽरे़ खुन्छिॽ साहाॽ साक्मे़न्जाए मे़सिररो, खे़ङ्हाॽग हयङ् ते़न्धङ्ङो मे़से़रुसिररो, मे़न्छुमाहाॽरे़ खुन्छिॽ ये़म्बाहाॽ नु साहाॽ मे़मासुसिररो, ये़म्बित्छाहाॽ तुक्मा लाःक्मा मिङ्देल्ले़ मे़सिररो हे़क्क्याङ् नालिगे़न् थाङ्बे़न्हाॽ थङ्ङो मे़से़रुसिररो॥
“आमनासे, खिनिॽ आभेलॽरिक् अक्खे पाःप्मा के़सुक्तुम्बाबे? ‘आनिगे़ग सिक्कुम्दिङ् निङ्वाॽसाबा चोगिगे़रो हे़क्क्याङ् यहवे दाङ्बे़ल्ले़ कुसाम्योथिम् इङ्जाङ्ङिन् कत्तुम्बे़रो॥’ से़क्खाबा पाःङ्ग खिनिॽ ओमे़त्ते़म्मे़ॽओ, कुनिङ्वाॽ के़जिःप्पा साम्योथिम्साम्बाहाॽरे़ साम्योइङ्जाङ्ङिन् ताङ्ग्राक्चि वक्रात्चि मे़जोगुआङ् वाॽरो॥
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
आइन्बा ये़न्नो यहवे दाङ्बाल्ले़ खे़ने़ॽ आहुक्को के़धासे़आङ् वाॽ, हे़क्क्याङ् आङ्गाॽ से़त्ने़आङ् के़धेगेःक्किन् खक्तुङ्ॽ॥ आइन्बा कन् ये़न्नो पलिस्तिहाॽरे़ खुनिॽ कुसिवे़त् थक्हाॽ ताङ्साङ्बोबा पुहाॽ नु खाम्बेःक्कोबा थक्साहाॽ चामा पिरुङ्सिङ्ॽ, हे़क्क्याङ् इस्राइलओ निङ्वाॽफुमाङ् वाॽरे़छ फाॽआङ् इक्सादिङ् खाम्बेःक्मो के़रे़क् पिसाङ्बा मनाहाॽरे़ कुसिङ् मे़निःत्तुरो॥
कल्ले़चोगुल्ले़ आङ्गाॽ याम्मो थिक्ले़ङ् कन् मनाहाॽरे़ खुन्छिॽ लुम्मो निङ्वाॽ के़माबा नु निङ्वाॽ के़ले़ङ्बा याःम्बक् चोगुङ्ङाङ् निङ्वाॽ ने़हि मार चोगुङ्लो॥ हे़क्क्याङ् सिक्कुम्साबाहाॽरे़ खुन्छिॽ सिक्कुम्निङ्वान् मे़क्लो, हे़क्क्याङ् खे़ङ्हाॽरे़ खुन्छिॽ के़रे़क्नुःल्ले़आङ् चाःत्चाःप्पा मनाःल्ले़ कुचाःत्चाःत् लॽमान् माबेःक्लो॥”
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
Piblisite