यर्मिया 19:4 - लिम्बु4 “‘थेआङ्भे़ल्ले़ कन् मनाहाॽरे़ आङ्गाॽ लाप्मे़भुसाङ्ङाङ् मे़वाॽ हे़क्क्याङ् आप्फेक् नु आबाङे खुन्छिॽ पाधे़बाहाॽरे़ इग्र याम्मो यहुदाबा हाङ्हाॽरे़ कुसिङ् मे़न्निःत्तुन्छिन्बा साम्माङ्हाॽओ सिदुङ्जभा मे़दोन्दुआङ् कन् ते़न्निन् एयाङ्बा साम्माङ्हाॽरे़ खुन्छिॽ माङ्धाःन् मे़जोगुआङ् ने़॥ खे़ङ्हाॽरे़ कन् ते़न्निन् आप्तिक् मेःन्नेबा माक्खिॽइल्ले़ हे़ःत्ताङ्बा मे़जोगुआङ् ने़॥ Gade chapit la |
यर्मिया 19:4
49 Referans Kwoze
कन्नुःल्ले़ वेॽ यरुसले़ःम्मिन् थिक् कुसुक्पोलाम् वेॽसमा कुसुक्पो थारिक् माक्खिल्ले़ तिम्से़आङ् ने़स्से़र थारिक् मनस्सेःल्ले़ यरिक् कुदोःप्मा मनाहाॽरे़ खुन्छिॽ माक्खिॽ से़सुआङ् वये़॥ हे़क्क्याङ् खुने़ॽ यहुदान् लायो चोःक्मा पाङ्घुआङ् वये़, खम्भ्याङ् खे़ङ्हाॽरे़ यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोक्, हाबा खे़न्ने मे़जोगु॥
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥”
लाम्दिःप्पाङ्, ये़त्छाबा ये़त्छामा हे़क्क्याङ् मेमेदुमाहाॽलाम् यरिक् याङ्साकुन्धे थक्मालाम् मे़जोगे़म्मिन्ने़ॽ॥ कन् लाजेॽओ फोत्या मे़ःन्नेबाहाॽरे़ खुन्छिॽ माक्खिॽ मे़से़से़म्मिन्ने़ॽ॥ कुसिङ् मे़न्निःत्तेबा साम्माङ्हाॽओ से़वा चोःक्मा ले़रे़म्मे़ॽ, खे़ङ्हाॽरे़ खिनिॽ के़म्मे़क्खि के़म्से़रिरक्॥
यहवे दाङ्बे़ल्ले़ अक्खे पाःत्तुॽ—आङ्गाॽ यहवे दाङ्बे़ल्ले़ खिनिॽ कुदोःप्मा खासे़न् लोःम्मा नु के़लाॽबा याःम्बक् चोःक्मा इङ्जाङ् पिनिङ्ल पत्ता॥ मे़नाप्तुसिबाहाॽ के़घुम्बाहाॽरे़ खुन्छिॽ हुक्कोलाम्बा से़ःप्ते़म्सिम्मे़ॽ॥ वेॽ लाजेॽबा मे़न्छाम् सुवाङ्, ये़त्छाबासाहाॽ हे़क्क्याङ् मेमेदुमाहाॽ ताप्फे़ःल्लिक् नु मे़न्वाॽमना मे़मे़त्ते़म्सिम्मिन्ने़ॽ॥ कन् सेसेबादे़न्नो फोत्या मे़ःन्नेबाहाॽ मे़से़रे़म्सिम्मिन्ने़ॽ॥
आङ्गाॽ खे़ङ्हाॽ पिरुङ्सिङ्ङाङ् वये़बा मिक्तोक् पर्धाःम्हाॽरे़ए खुन्छिॽ आबाङे आसुत्थो पोङ्मा फाःक्तुङ्सिङ्, हे़क्केलॽरिक् खे़ङ्हाॽ मे़ङ्मासि नु आङ्गाॽए यहवे दाङ्बाआ के़लॽबा पाःन्निन् निङ्वाॽसुम् तारुङ् पिरुङ्सिङ्ल फाॽआङ् खे़ङ्हाॽरे़ खुन्छिॽ तुम्बा साहाॽ वयागे़न् सिदुङ्जभा कुइसिक् खुन्छिॽ माङ्हाॽओ तोःम्मा फाःक्तुङ्सिङ्॥
सापानरे़ कुस्सा याजन्याहःन् कुलुम्मो मे़ये़प्सुआङ् नुबोङ् इस्राइलि लाम्लोबाहाॽ खे़प्मो सोरिक् मे़ये़बे़॥ के़रे़क्ले़ सुक्पा हाःम्मा साङ्ते़रे़ःङ् थिक्थिक् हुक्को मे़बक्खु, खम्भ्याङ् साङ्ते़रे़ःङ्हाॽलाम् सुक्पा मिक्खुॽइन् खे़ङ्हाॽरे़ खुन्छिॽ थे़गेःक्हाॽरे़ थाःङ् ले़प्माङ् सुःङ्गु सुःङ्गु पोगे़र पत्छे़॥
Piblisite