यर्मिया 18:8 - लिम्बु8 कर खे़न् सुवाङ्ङिन् लायोलाम् हिःन्ने़भग्र आङ्गाॽ थे़मा चोगुङ् फाॽआङ् पाःत्तुङ्ङाङ् वयाङ्, हे़क्के मे़जोक्कान्॥ Gade chapit la |
यर्मिया 18:8
32 Referans Kwoze
“एफ्राइमए, आङ्गाॽ खे़ने़ॽ आक्खेलॽरिक् ले़प्मा सुक्ने़ग! इस्राइलए, आक्खेलॽरिक् निङ्मिहाॽरे़ खुन्छिॽ हुक्को थामा सुक्ने़बे? खे़ने़ॽ आभेलॽरिक् अदमान् हे़क्के ले़प्मा सुक्ने़बे? आङ्गाॽ आभेलॽरिक् सबोयिमे़न् हे़क्तङ्बा चोःक्मा सुक्ने़बे! आङ्गाॽ आसिक्लुक्मे़न् आङ्गाॽ आसिगाङ्ङे नुःक्तुङ्ङाङ् वाॽरो॥ आङ्गाॽ साॽरिक् आलुङ्माॽ स्याःत् के़लॽबा पोःक्खाङ्ङाङ् वाॽआरो॥
आप्फाल्ले़साङ् यहवे दाङ्बे़ल्ले़ खे़ङ्हाॽरे़ खुन्छिॽ लागि खासे़न्लोःम्बाहाॽ फोःक्खुसिल्ले़, यहवे दाङ्बे़न् खे़न् खासे़न्लोःम्बान्नु वये़, हे़क्क्याङ् खे़न् कुहिङ्हिङ् खुने़ॽ खे़ङ्हाॽ निङ्मिहाॽरे़ खुन्छिॽ हुक्कोलाम् ताङ्से़ःप्तुसिआङ् पत्छे़॥ आभे़ल्ले़साङ् खे़ङ्हाॽरे़ खुन्छिॽ निङ्मिहाॽरे़ ताप्फे़ःल्लिक् मे़मे़त्तुसि हे़क्क्याङ् तुक्खे मे़जाःत्तुसिआङ् खे़ङ्हाॽ मे़यारे़ल्ले़ यहवे दाङ्बे़ल्ले़ खे़ङ्हाॽ लुङ्माॽ तुक्तुसि॥
मिस्रबा मनाहाॽरे़ थेआङ् अक्खे पाःप्मा लाम् मे़घोसुर पोङ्बाबे? ‘ताप्फे़ःम्बा निङ्वाॽ इःत्तुआङ् कोःक्माहाॽओ खे़ङ्हाॽ से़त्छे़, हे़क्क्याङ् खे़ङ्हाॽ इक्सादिङ् खाम्बेःक्मोलाम् मे़ङ्से़ खुने़ॽ खे़ङ्हाॽ तेॽरुसि॥’ आदाङ्बारे़ साॽरिक् के़सिक् पोःक्मान् चिःक्तुर चोगे़ॽ, खे़ब्याङ् आबाङे के़मनाहाॽ हान्ति चोःक्मासिलाम् खे़ने़ॽ के़निङ्वान् नुःक्ते़ॽ॥
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
साम्योबा मनाहाॽ मे़हिङ् फाॽआङ् आङ्गाॽ पाःत्तुङ्ॽ, कर खुन्छिॽ तगिबा साम्योबा याःम्बक्किल्ले़ से़ःप्मा निङ्वाॽ मे़जोगुआङ् खे़ङ्हाॽरे़ लायो मे़जोगुने़भग्र, खे़ङ्हाॽरे़ खुन्छिॽ आत्तिन् साम्योबा याःम्बक्हाॽआङ् निङ्वाॽसुम् लॽरिक् इःप्मा मे़बोङ्ने़न्ॽ॥ आङ्गाॽ खे़ङ्हाॽ खुन्छिॽ लायोहाॽरे़ चोगुल्ले़ मे़क्खुङ्सिङ्ॽ॥
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
“हे़क्केःल्ले़ थे हिजकिया हाङ्ङिन् नु यहुदाओ के़युङ्बाहाॽरे़ मिकान् मे़से़रुबि? मे़न्छे़रुन्, खे़ल्ले़ कुले़क्वाग हिजकियान् यहवे दाङ्बान्नु किसे़ हे़क्क्याङ् खुने़ॽ कुलुङ्गुम् खोमा तम्सिङ् चोगु॥ खे़ब्याङ् यहवे दाङ्बे़ल्ले़ तारुङ् फाॽआङ् खे़ङ्हाॽ मे़त्तुसिबा मे़क्मासिमा पाःन्निल्ले़ कुयाःम्बेओ कुनिङ्वाॽ नुःक्तु॥ कर आल्लो यम्बा ये़त्तुक्खेन् आबाङे आनिॽ सम्धाङ् ताःप्मा आइःत्तुम्माङ् आवाॽ॥”
थिक्ले़ङ् आङ्गाॽ आमनाहाॽ खे़ङ्हाॽरे़ बाल साम्माङ्ङिन् माङ्से़वा मे़प्मा मे़हुॽरुसि कर आल्ल खे़ङ्हाॽरे़ ‘से़क्खाए यहवे दाङ्बे़न् कुहिङ्वे़त् वाॽबा कुइसिक्’ माङ्मे़हे़क्सिङ् हे़क्क्याङ् आमनाहाॽरे़ खुन्छिॽ सुत्नाःन् नुरिक्काङ् मे़हुॽसिङ्ने़भग्र खे़ङ्हाॽ आङ्गाॽ आमनाहाॽरे़ खुन्छिॽ लुम्मो मे़युक्खुसि॥
“आल्ल नासिगे़न् थक्ला के़गप्पा मे़न्छाम् याप्मिए, कन् इङ्घङ्ङिन् खे़ने़ॽ के़मनाहाॽ मे़त्ते़से़ॽ—‘साम्योबा मनाहाॽ लायोओ मे़नुःङ्ने़भग्र खुन्छिॽ साम्योबा ये़प्ले़क्किल्ले़ खे़ङ्हाॽ मे़से़ःप्तुसिन्ॽ, ताक्के़भे़ॽबा मनाहाॽ खुन्छिॽ लायोहाॽलाम् मे़नुःङ् हे़क्क्याङ् लायोलाम् मे़हिन्ने़भग्र खे़ङ्हाॽआङ् खुन्छिॽ फे़न्याःम्बक्किल्ले़ मे़मे़क्खुसिन्ॽ॥ कुभा साम्योबा मनाःल्ले़ लायो चोगुने़भग्र, खे़न् तगिबा साम्योबा कुयाःम्बक्किल्ले़ खे़न् वाॽमा मे़भाःक्तुन्॥’
Piblisite