यर्मिया 18:21 - लिम्‍बु

²¹ खे़ल्‍ले़चोगुल्‍ले़ आल्‍ल खे़ङ्‌हाॽरे़ खुन्‍छिॽ साहाॽ साक्‍मे़न्‍जाए मे़सिररो, खे़ङ्‌हाॽग हयङ् ते़न्‍धङ्‌ङो मे़से़रुसिररो, मे़न्‍छुमाहाॽरे़ खुन्‍छिॽ ये़म्‍बाहाॽ नु साहाॽ मे़मासुसिररो, ये़म्‍बित्‍छाहाॽ तुक्‍मा लाःक्‍मा मिङ्‌देल्‍ले़ मे़सिररो हे़क्‍क्‍याङ् नालिगे़न् थाङ्‌बे़न्‍हाॽ थङ्‌ङो मे़से़रुसिररो॥

यर्मिया 18:21 Referans Kwoze

आमोस 4:10

“आङ्‌गाॽ खिनिॽ लुम्‍मो मिस्र लाजेॽओ चोगुङ्‌बा हे़क्‍के मिङ्‌देॽहाॽ पाङ्‌घुङ्‌लो॥ खिनिॽ थाङ्‌बे़न् मनाहाॽ ताभेःल्‍ले़ स्‍ये़रुङ्‌सिङ्‌लो, खिनिॽ अन्‍हाॽ तेॽरुङ्‌सिङ्‌ङाङ् पाङ्‌घुङ्‌देसुङ्‌सिङ्‌लो, हे़क्‍क्‍याङ् खिनिॽ थक्‍सुबा ने़त्‍ना साःङ्‌गाहिम्‍हाॽओबा कुगिःक्‍किन् खिनिॽ ने़बोओ थारिक्‍के थिम्‍सुङ्‌लो, हे़क्‍केसाङ् खिनिॽ आङ्‌गाॽ ले़प्‍माङ् मे़न्‍नुःङ्‌ङे के़वयिरो,” यहवे दाङ्‌बे़ल्‍ले़ उवा चोगुरो॥

मे़रिङ् साप्‍पन् 5:3

आनिगे ये़त्‍छाबा नु पानुदिङ् पा मेःन्‍नेबा पोःक्‍खिगे़आङ् वयिगे़रो, आनिगे माहाॽ मेमेदुमा हे़क्‍तङ्‌मा मे़बोःक्‍खे़आङ् मे़वाॽरो॥

यर्मिया 15:8

वरःङ्‌ङोबा ये़ःङ्‌घानुःल्‍ले़आङ् यरिक् खिनिॽ मेमेदुमाहाॽ मे़बोङ्‌लो॥ खिनिॽ थाङ्‌बे़न्‍हाॽ आङ्‌गाॽ से़रुङ्‌सिङ्‌लो हे़क्‍क्‍याङ् खिनिॽ माहाॽ मे़रिङ्‌ङो थासुङ्‌सिङ्‌लो॥ हक्‍चघत् तुक्‍मा नु किमान् खे़ङ्‌हाॽओ तारुङ्‌लो॥

यर्मिया 9:21

लाम्‍लाम्‍मो साहाॽ से़रुसिर, पाङ्‌जुम्‍मोबा लाम्‍दोहाॽओ थाङ्‌बे़न्‍हाॽ सोःन्‍दुसिर आनिगे पेधाःप्‍लाम्‍बा सिमे़न् हिम्‍मो लासे़रो, आनिॽ यक्‍हाॽओआङ् लासे़रो॥”

साम्‌योथिम् इङ् 32:25

माराम्‍हाॽओ ताभेःल्‍ले़ खे़ङ्‌हाॽ लिगुक् मे़क्‍खुङ्‌सिङ्‌लो, खे़ङ्‌हाॽरे़ खुन्‍छिॽ हिम्‍हाॽ किमा यङ्‌मा इसेःङ् पोङ्‌लो॥ नालिगे़न् थाङ्‌बे़न् सिसागे़न् मे़न्‍छ्‌या सोसोरिक्, नुगे़धुङ्‌बा आम्‍ब्रे़ःङ्‌वा अङे़ःक्‌वा नु कुधे़गेक् के़भुप्‍पा काप्‍पो तुम्‍साहाॽआङ् मे़मे़क्‍लो॥

लाम्‍दिक् 22:24

हे़क्‍क्‍याङ् आङ्‌गाॽ आयाःक्‍ले़ॽआङ् खिनिॽ मे़ङ्‌निङ्‌ॽ॥ खिनिॽ मेःत्‍हाॽआङ् मेमेदुमा मे़बोङ्‌ॽ, खे़ब्‍याङ् खिनिॽ साएहाॽआङ् ये़त्‍छाबा ये़त्‍छामा मे़बोङ्‌ॽ॥

२ तिमोथि 4:14

फे़न् के़धक्‍पा अलेक्‍जेन्‍दरले़ इङ्‌गाॽ साॽरिक् तुक्‍खे चाःत्ताङ्‌लो॥ दाङ्‌बाल्‍ले़ हाराॽ कुयाःम्‍बक् कुइसिक् पिरुनिरो॥

यर्मिया 12:3

कर यहवे दाङ्‌बाए, खे़ने़ॽ आङ्‌गाॽ के़निआरो, हे़क्‍क्‍याङ् आङ्‌गाॽ आनिङ्‌वाॽओबा पाःन्‍हाॽ कोःत्ते़ॽओ कन् कुॽइगे़भे़म्‍बा मनाहाॽ से़त्‍छे़ तेॽमनासिबा मे़ल्‍लुक्‍हाॽ हे़क्‍के तेॽरे़से़ॽओ खे़ब्‍याङ् से़प्‍मासि ये़न् थारिक् खे़ङ्‌हाॽ से़न्‍दे़ युक्‍खे़से़ॽओ॥

२ साप्‍मुःन्‍धुम् 36:17

खुने़ॽ खे़ङ्‌हाॽरे़ खुन्‍छिॽ तक्‍ले़ङ्‌वाओ बेबिलोनबा हाङ्‌ङिन् फे़त्तु, खे़ल्‍ले़ सेसेदे़न्‍नोए खे़ङ्‌हाॽरे़ खुन्‍छिॽ थाङ्‌बे़न् मनाहाॽ ताभेःल्‍ले़ च्‍ये़प्‍तु स्‍ये़रुसि, हे़क्‍क्‍याङ् नालिगे़न् थाङ्‌बे़न्, सिसागे़न् मे़न्‍छ्‌या, काप्‍पोबा इग्र तुम्‍भाक्‍सा आत्तिन्‍हाॽआङ् मे़दाङ्‌घुसिन्॥ निङ्‌वाॽफुमाङ्‌ङिल्‍ले़ खे़ङ्‌हाॽ खक्‍पे़त् नबुकदनेसरे़ल्‍ले़ कुहुक्‍को थासुसि॥

१ सामुए़ल 15:33

कर सामुए़लरे़ अक्‍खे पाःत्तु, “खे़ने़ॽ के़दाभेःल्‍ले़ मना के़से़रुसिआङ् मे़न्‍छुमाहाॽ सा मेःन्‍ने मे़बोःक्‍खे़बा हे़क्‍के आङ्‌गाॽ खे़ने़ॽ से़त्‍ने़आङ् के़म्‍मा सा मेःन्‍ने पोङ्‌लो॥” हे़क्‍क्‍याङ् सामुए़लरे़ अमाले़कि हाङ् अगागे़न् यहवे दाङ्‌बाल्‍ले़ कुदगि गिलगालओ से़रुरो॥

निङ्‌वाॽफु साम्‍लोसुम् 63:10

खे़ङ्‌हाॽ ताभेःल्‍ले़ मे़से़रुसिरो, हे़क्‍क्‍याङ् खुन्‍छिॽ थक्‍हाॽ स्‍यालाहाॽरे़ मे़जरो॥

यसैया 9:17

खे़ल्‍ले़चोगुल्‍ले़ दाङ्‌बान् नालिगे़न् थाङ्‌बे़न्‍हाॽनु मे़सःत्‍ने़न्‍लो, हे़क्‍क्‍याङ् मेमेदुमाहाॽ नु चुङ्‌जिगे़न् ये़त्‍छाबा ये़त्‍छामाहाॽआङ् लुङ्‌माॽ मे़दुक्‍तुसिन्‍लो॥ थेआङ्‌भे़ल्‍ले़ खे़ङ्‌हाॽ के़रे़क् निङ्‌वाॽफुमाङ् कुसिङ् मे़न्‍निःप्‍मनाबा मे़जोक्‍लो, खे़ब्‍याङ् ताप्‍फे़ःम्‍बा पान् नु इङ्‌ले़क्‍के पान् मे़बाःत्‍लो॥ आल्‍लसाङ् यहवे दाङ्‌बे़ल्‍ले़ कुसिक्‍के़न् मे़न्‍जिप्‍पे वाॽबाल्‍ले़ चोगुल्‍ले़ खे़ङ्‌हाॽ खुम्‍दिङ् पिमासिरे़ लागि खुने़ॽ कुहुक्‍किल्‍ले़ हाबा साःप्‍सुसिआङ् पत्‍लो॥

यसैया 13:18

खे़ङ्‌हाॽरे़ खुन्‍छिॽ लि नु तोःङ्‌ङिल्‍ले़ नालिगे़न् थाङ्‌बे़न्‍हाॽ मे़आबुसिआङ् मे़से़रुसिरो॥ हे़क्‍क्‍याङ् खे़ङ्‌हाॽरे़ नुयाम्‍मोबा अङे़ःक्‌वाहाॽ लुङ्‌माॽ मे़न्‍दुक्‍तुसिन्‍लो, खे़ङ्‌हाॽरे़ हिन्‍जाॽ पित्‍छाहाॽ ओमे़मे़त्तुसिआङ् खुन्‍छिॽ लुङ्‌माॽ स्‍याःत्ताङ् मे़लॽने़न्‍लो॥”

यर्मिया 14:16

हे़क्‍क्‍याङ् खे़ङ्‌हाॽरे़ माङ्‌निङ्‌वाॽपान् मे़मे़त्तुसिबा मनाहाॽरे़ खुन्‍छिॽ चेहाॽ साक् नु ताभेःल्‍ले़ चोगुल्‍ले़ यरुसले़ःम्‍बा लाम्‍हाॽओ ने़गन् हे़क्‍क्‍याङ् खे़न् के़लुप्‍पा मना थिक्‍काङ् मे़वाॽने़न्॥ खे़ङ्‌हाॽ के़रे़क्‍ले़ खुन्‍छिॽ मेःत्‍हाॽ नु साहाॽरे़आङ् हाबा हे़क्‍तङ्‌बाए मे़दुमुॽ॥ आबाङे खुन्‍छिॽ ताप्‍फे़ःम्‍बा याःम्‍बक्‍किल्‍ले़ तुम्‍घोःन् खे़ङ्‌हाॽ आबाङे खोमा पाङ्‌घुङ्‌सिङ्‌ॽ॥”

यर्मिया 15:7

लाजेॽबा के़रे़क् ये़क्‌यक्‍को खिनिॽ चासिप् हे़क्‍के सुरिःत्तो फे़निङ्‌लो॥ आङ्‌गाॽ आमनासे, आङ्‌गाॽ खिनिॽ मे़म्‍भै चोःक्‍निङ्‌लो, खिनिॽ साएहाॽ तेॽरुङ्‌सिङ्‌लो थेआङ्‌भे़ल्‍ले़ ताप्‍फे़ःम्‍बा याःम्‍बक्‍हाॽ के़न्‍ले़रुम्‍मिन्‍लो॥

यर्मिया 50:30

खे़ल्‍ले़ थाङ्‌बे़न् कुमनाहाॽ माराम्‍हाॽओ मे़जोन्‍लो, खे़न् ये़न्‍नो खे़ल्‍ले़ कुधक्‍सुबाहाॽ मे़से़रुसिरो,” यहवे दाङ्‌बे़ल्‍ले़ पाःत्तुरो॥

मे़रिङ् साप्‍पन् 1:15

“दाङ्‌बे़ल्‍ले़ के़रे़क् आधक्‍सुबाहाॽ नाॽरुसिआङ् वाॽरो, आङ्‌गाॽ थाङ्‌बे़न् आमनाहाॽ तरःम्‍दरःम् लःम्‍मासिरे़ लागि आङ्‌गाॽ आदक्‍ले़ङ्‌वाओ के़धुम्‍बाहाॽ फुक्‍खुसिआङ् वाॽरो॥ खुने़ॽ चे़ल्‍ले़क्‍सेॽ एःम्‍मादे़न्‍नो, चे़ल्‍ले़क्‍सेॽ एःप्‍मनाबा हे़क्‍के यहवे दाङ्‌बे़ल्‍ले़ यहुदाःल्‍ले़ सिसागे़न् कुस्‍सा मे़न्‍छ्‌यान् युःत्तुआङ् वाॽरो॥

इजकिएल 16:38

आङ्‌गाॽ खे़ने़ॽ चाराम्‍मा याःम्‍बक् के़जोगुबा नु मना के़से़रुसिबाल्‍ले़ कुले़क्‌वा खुम्‍दिङ् पिने़॥ आङ्‌गाॽ आनाहे़म्‍मा आसाक्‍के़न्‍निल्‍ले़ खे़ने़ॽ माक्‍खिॽफुमाल्‍ले़ ले़ःक्‍ने़॥

इजकिएल 22:25

हुरुम्‍लुम्‍बा फाप्‍ताप्‍पो के़हुःक्‍पार सानाःत् के़धे़ःङ्‌बा खिरिङ्‌बाहाॽ कुइसिक् खे़ने़ॽ के़लाम्‍लोबाहाॽ चे़म्‍भन् मे़जोक्॥ मे़सुप्‍सु मे़युक्‍खुबाहाॽ मे़नाप्‍तुसिॽ हे़क्‍क्‍याङ् याङ्‌साकुन्‍धेहाॽ मे़घुःत्तुआङ् खे़ङ्‌हाॽरे़ मनाहाॽ मे़लरुसिॽ॥ खे़ङ्‌हाॽरे़ लाजेॽओ यरिक् मेमेदुमा मे़जोगुसिॽ॥

निङ्‌वाॽफु साम्‍लोसुम् 63:11

कर हाङ्‌ङिङ्‌ग निङ्‌वाॽफुमाङ्‌ङिल्‍ले़ थङ् नाःम्‍मा फाॽरुबाल्‍ले़ चोगुल्‍ले़ सःत्‍लो, निङ्‌वाॽफुमाङ्‌ङिल्‍ले़ कुमिङ्‌ङो माङ्‌गे़हेक्‍सिङ्‌बाॽरे़ग खुने़ॽ कुनारा मे़भोसुरो, कर इङ्‌ले़क् के़बाःप्‍पाहाॽरे़ खुनिॽ मुरान् निङ्‌वाॽफुमाङ्‌ङिल्‍ले़ सुबु पिरुसिरो॥

यसैया 9:16

थेआङ्‌भे़ल्‍ले़ लाम्‍लोबाहाॽरे़ मनाहाॽ लाम् मे़भोःत्तुसिआङ् वाॽरो॥ खे़ङ्‌हाॽरे़ मनाहाॽ मे़क्‍मासिमा लाम्‍मो लाम्‍मे़लोसुसिआङ् मे़वाॽरो॥