यर्मिया 18:18 - लिम्बु18 हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥” Gade chapit la |
यर्मिया 18:18
37 Referans Kwoze
आङ्गाॽग से़त्छे़ तेॽमनाबा लत्छा कुदोःप्मा थुःम्बा हे़क्के वयाङ्॥ खे़ङ्हाॽरे़ आङ्गाॽ आदक्ले़ङ्वाओ चे़म्भन् मे़जोगुबा फाॽआङ् आङ्गाॽ निङ्वाॽ मे़ङ्घोए वयाङ्॥ खे़ङ्हाॽरे़ अक्खे मे़बाःत्तुर मे़वये़, “खे़न् सिङ्बुङ्मान् कुजाॽनुए ताङुम्माङ् सोःन्दुम्॥ कुहिङ्वे़त्हाॽरे़ खुन्छिॽ लाजेॽलाम्बा खे़न् मे़क्खुम् हे़क्क्याङ् खे़ल्ले़ कुमिङ्ङिन् आत्तिन्हाॽरे़आङ् याम्मो निङ्वाॽसोओ मे़न्इःत्तुन्लरो॥”
“खे़ल्ले़चोगुल्ले़ आल्ल यहुदा नु यरुसले़ःम्मोबा यक्युङ्बाहाॽ मे़त्ते़ॽसे़ॽ, ‘यहवे दाङ्बे़ल्ले़ हाबा कन् पाःत्तु—ओमे़त्ते़म्मे़ॽ, आङ्गाॽ खे़निॽ खाप्पुथ्यःङ् के़बोःक्खिर चोःक्मा नु खे़निॽ मे़ङ्मालाम् चोगुङ्ल वाॽआ॥ कल्ले़चोगुल्ले़ खिनिॽ लायोबा हिङ्मन् ले़रे़म्मे़ॽ हे़क्क्याङ् खिनिॽ ये़प्ले़क्किन् तोःन्दे़म्मे़ॽ॥’
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
खे़ब्याङ् निङ्वाॽफुसाम्बाहाॽ हे़क्क्याङ् माङ्निङ्वाॽपान् के़बाःप्पाहाॽरे़ खे़न् लाम्लोबाहाॽ नु मनाहाॽ अक्खे मे़मे़त्तुसि, “कन् मनाःल्ले़ सिमे़ल्ले़ खुम्दिङ् खोमा पोङ्ॽ थेआङ्भे़ल्ले़ कल्ले़ आनिगे ये़क्यक्किल्ले़ कुदक्ले़ङ्वाओ पाःत्तुआङ् वाॽ॥ खे़ल्ले़ कुबाःन्निन् खिनिॽ आबाङे ने़क्खोॽबाल्ले़ के़घे़प्सुम्माङ् के़वयिॽ॥”
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
“आमनासे, खिनिॽ आभेलॽरिक् अक्खे पाःप्मा के़सुक्तुम्बाबे? ‘आनिगे़ग सिक्कुम्दिङ् निङ्वाॽसाबा चोगिगे़रो हे़क्क्याङ् यहवे दाङ्बे़ल्ले़ कुसाम्योथिम् इङ्जाङ्ङिन् कत्तुम्बे़रो॥’ से़क्खाबा पाःङ्ग खिनिॽ ओमे़त्ते़म्मे़ॽओ, कुनिङ्वाॽ के़जिःप्पा साम्योथिम्साम्बाहाॽरे़ साम्योइङ्जाङ्ङिन् ताङ्ग्राक्चि वक्रात्चि मे़जोगुआङ् वाॽरो॥
के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥”
कर बेन्यामिन मा लाम्धेःप्पो के़रे़ल्ले़ खे़प्मो के़ये़प्पा लाम्धेत् के़गोबाल्ले़ खुने़ॽ ते़म्सुआङ् सेःन्दोसु, “खे़ने़ॽ के़घे़त्छिङ्ङाङ् बेबिलोनिहाॽ ले़प्माङ् के़बेःक्ल के़बत्॥” खे़न् लाम्धेत् के़गोबा यर्मिया के़दे़म्बे़न् हनन्याहरे़ कुम्मे़न्छाॽ नु सेलेम्याहरे़ कुस्सा यिरियाहःन् वये़॥
ये़त्तुक्खेःल्ले़ कुसम्धाङ् ये़त्तुक्खे तारो, हे़क्क्याङ् हयङ्किल्लिङ्ले़ कुजक् हयङ्किल्लिङ् पोङ्दारो॥ माङ्निङ्वाॽपान् के़बाःप्पाहाॽलाम् लत्छा सुफोरे़ लागि खे़ङ्हाॽरे़ थेनाधे लाम् ओमे़मे़त्तुरो॥ खे़ङ्हाॽरे़ निङ्वाॽफुसाम्बाहाॽलाम् निसाम् मे़ङ्घोसुन्लो हे़क्क्याङ् लाम्लोबाहाॽलाम् खे़ङ्हाॽरे़ सुजा मे़ङ्घोसुन्लो॥
Piblisite