इस्राइलए, वेॽ साम्माङ्हाॽरे़ खुन्छिॽ एगाङ् एगाङ् लाङ्घेगे़ॽआङ् के़लाङ्ङिन् तुक्ल मे़याःन्दे़न्ने़ॽओ, हे़क्क्याङ् कुजाबोःप्मे़न् सर्गे़ङ् हेर मे़जोगे़न्ने़ॽओ॥ कर खे़ने़ॽ के़बाःत्तुॽ, ‘मेःन्! आङ्गाॽ खे़न् ले़प्मा मे़सुक्कान्लो॥ आङ्गाॽ वेॽ सुवाङ्समा माङ्साम्माङ्हाॽ आसिराॽ मे़धाङे़आङ् मे़वाॽरो॥ आङ्गाॽग खे़ङ्हाॽ नाःप्मा तिम्मासिए पोङ्लो॥’”
यर्मिया 18:12 - लिम्बु12 “कर खे़ङ्हाॽरे़ अक्तङ्बा नुगप् के़म्बि, ‘आनिगे थेआङ् हे़क्के चोगुम्बे़? आहाॽ, आनिगे हे़क्के मे़जोगुम्बे़न्॥ आनिगे आबाङे निङ्वाॽ थाप्थाप् हादिङ् के़धक्पा नु ताक्के़भे़ॽबाए पोःक्खिगे़र वयिगे़रो॥’” Gade chapit la |
यर्मिया 18:12
18 Referans Kwoze
आल्ल हे़क्तङ्बा मनाःल्ले़ कन् माङ्हे़क्कोबा पाःन्जाःक्हाॽ खे़प्सुल्ले़ खे़न् आप्फेक् मुॽइसाम् पिसिङ् हे़क्क्याङ् अक्खेलॽरिक् निङ्वाॽ इःत्छिङ्ॽ, “आङ्गाॽ आप्फेक् आलाम्मो लाङ्घेःक्काआङ् पत्तासाङ् आङ्गाॽ ताप्थेक् याम्धेक् वाॽआ॥” कन् मनाःल्ले़ च्वाःत्तिल्ले़ वारक्खुबा लाजेॽ सम्धाङ्नु सोसोरिक् कुसे़ङ्ग्रा लाजेॽओआङ् तुक्खे लाक्खे तारुॽ॥
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
यहवे दाङ्बाल्ले़ खे़न् कुनाम्गे़नुॽबा सिदुङ्जभा मिःक्खुॽइन् नाम्सुआङ् कुनिङ्वाॽओ पाःत्तु, “मे़न्छाम् याप्मिःल्ले़ कुनिङ्वाॽओबा पाःन्हाॽ खुने़ॽ चुःक्काङ्धोसा ताप्फे़ःम्बा चोक्, हे़क्केसाङ् ताप्फे़ःम्बा मे़न्छाम् याप्मिःल्ले़ चोगुल्ले़ आङ्गाॽ याम्मो आभे़ल्ले़आङ् इक्सादिङ् खाम्बेःक्मान् साक्मुरा मे़मे़त्तान्॥ आल्लो चोगुङ्बा कुइसिक् के़रे़क् थक्सापुसाहाॽ याम्मो आभे़ल्ले़आङ् मे़मे़ङ्ङासिङिन्॥
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
Piblisite