यर्मिया 17:4 - लिम्बु4 आङ्गाॽ खे़निॽ खोमा लक् हे़क्के पिनिङ्बा लाजेन् खे़निॽ ले़प्मा पोङ्लो हे़क्क्याङ् कुसिङ् के़न्निःत्तुम्मिन्बा लाजेॽओ खे़निॽ निङ्मिहाॽरे़ खुन्छिॽ याःम्बक् चोःक्मा पाङ्निङ्लो थेआङ्भे़ल्ले़ आङ्गाॽ आसिक्के़न् मि पोःक्खे़आङ् वाॽरो हे़क्क्याङ् खे़न् हुरुहुरुना सदादिङ् तिःत्लो॥” Gade chapit la |
यर्मिया 17:4
34 Referans Kwoze
खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
हे़क्केःल्ले़ आङ्गाॽ खिनिॽ कन् लाजेॽलाम्बा लःत्निङ्ङाङ् वेॽ अक्तङ्बा लाजेॽओ युङ्निङ्, खे़ल्ले़ कुयाःम्बेओ खिनिॽ नु खिनिॽ पाधे़बाहाॽरे़ थेआङ् कुसिङ् मे़न्निःत्ते के़वयिॽ॥ हे़क्क्याङ् खे़प्मो खिनिॽ से़न्दिक् ले़न्दिक् कुसिङ् मे़न्निःत्तेबा साम्माङ्हाॽ से़वा के़मे़त्तुम्सिम् थेआङ्भे़ल्ले़ आङ्गाॽ खिनिॽ आलुङ्माॽ स्याःत् के़न्लॽरिन्लो॥’”
“कप्मोलाम् के़बोङ्बाआङ् के़बेःक्पा लाम्दिःक्पाहाॽ के़रे़क्ले़ लागि थे आङ्गाॽ थे़माआङ् मे़ःन्नाबि? के़रे़क् पिसाङ् ओमे़त्ते़म्मे़ॽआङ् ओमुये़म्मे़ॽओ॥ यहवे दाङ्बे़ल्ले़ किप्मागे़घुबा कुसिक् पोःक्मा ये़न्नो खुने़ॽ आङ्गाॽ तुमुङ्बा आदुक्खेन् हे़क्के वेॽ आत्तिन् मनाःल्ले़ आभे़ल्ले़ ये़त्तुक्खे तुमुआङ् वाॽबि?
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
“सनारुङ् पोःक्खे़आङ् खे़ङ्हाॽरे़ खे़ने़ॽ के़निमो लायो मे़जोगुरो हे़क्क्याङ् याम्मो खे़ङ्हाॽ खुनिॽ निङ्मिहाॽरे़ मे़नाःन्दुसिआङ् युक्को मे़गत्तुसिर के़जोगुरो॥ कर खे़ङ्हाॽ याम्मो लायो चोःक्मा मे़हिन्दे़रो, हे़क्क्याङ् खे़ङ्हाॽ मे़हाबे़ मे़भिःक्ते़बान् साङ्ग्राम्पेदाङ्ङो खे़ने़ॽ के़घे़प्सुरो हे़क्क्याङ् खे़ने़ॽ साॽरिक् याप्मि लुङ्माॽ आदुक्तुक्पा के़जोःक्पाल्ले़ चोगुल्ले़ खे़ङ्हाॽ ये़त्ले़ङ् ये़त्ले़ङ् ताङ्गे़से़ःप्तुसिरो॥
कर यहवे दाङ्बाए, आङ्गाॽ से़प्मारे़ लागि खे़ङ्हाॽरे़ चे़म्भन् मे़जोगुरो खे़न् के़रे़क् खे़ने़ॽ के़दगि नुरिक्काङ् थाबे़आङ् वाॽरो॥ खे़ङ्हाॽरे़ खुन्छिॽ कुॽइभे़म्मान् ले़प्मि मे़बिरे़से़न्ने़ॽओ हे़क्क्याङ् खे़ङ्हाॽरे़ खुन्छिॽ लायोन् मे़घे़त्ते़न् मे़बिरे़से़न्ने़ॽओ॥ खे़ङ्हाॽ हारिमे़दार याःन्दे़से़ॽआङ् सोःन्दे़से़ॽओ हे़क्क्याङ् खे़ने़ॽ के़साक्के़न् पोःक्पा हे़क्केए खे़ङ्हाॽरे़ खोमा मे़यारुबा खुम्दिङ् पिरे़से़ॽओ॥”
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
कर आल्ल खिनिॽ के़रे़क् आत्तिन्हाॽरे़ मि के़हाःन्दुम् हे़क्क्याङ् हुरुरु लॽरिक् के़हाॽबा मिजोःत्ते़न् के़गाप्पासि, खिनिॽ पेगे़म्मे़ॽओ, खिनिॽ के़हाःन्दुम्बा मि नु मिजोःत्ते़ल्ले़ ओःत्तिओ लाङ्घेगे़म्मे़ॽओ॥ खे़निॽ आङ्गाॽ आहुक्कोलाम् हाबा कन् के़दुमुम्लो— खिनिॽ के़साक्पा तुक्खेलाक्खेओ के़ध्ये़ॽइरो॥
हे़क्क्याङ् मनाहाॽरे़ निङ्वाॽफुमाङ्ङिल्ले़ थेआङ् आनिगे़नु अक्तङ्बा चोगु फाॽआङ् खे़ने़ॽ सेःन्के़म्लाप्, खे़ने़ॽ खे़ङ्हाॽ अक्खे मे़त्ते़से़ॽ, आक्खेलॽरिक् खिनिॽ यहवे दाङ्बान् के़नाॽरुम्माङ् आबाङे लाजेॽओ वेॽ साम्माङ्हाॽ से़वा के़मे़त्तुम्सिम्, हे़क्केलॽरिक्के खिनिॽआङ् वेॽ लाजेॽओ वेॽ लाजेॽबा याप्मिहाॽ से़वा के़मे़त्तुम्सिम्लो॥”
Piblisite