यर्मिया 17:27 - लिम्बु27 “कर खे़ङ्हाॽ आङ्गाॽ आइङ्जाङ्ङिन् इःप्मा नाःप्मा मे़न्दे़न्ने़न् हे़क्क्याङ् खे़न् ये़न्नो खे़ङ्हाॽ कुभा के़लिःप्पा कक् मे़गुःत्छिङ्ङाङ् यरुसले़ःम्मोबा मा लाम्धेःप्पाहाॽओलाम् सिगाङ् नु लाःक्कात् मे़लॽ हे़क्क्याङ् खे़ङ्हाॽरे़ नाःम्सिङ्मा ये़न्निन् सेसे ये़न् फाॽआङ् मे़न्ने़त्तुन्ने़भग्र आङ्गाॽ यरुसले़ःम्मोबा मालाम्धेःत्हाॽओ मि केःत्तुङ्ॽ॥ यरुसले़ःम्मोबा हाङ्यक्हाॽ मिःल्ले़ खाप्पुथ्यःङ् पोङ्ॽ हे़क्क्याङ् मिन् आत्तिल्ले़आङ् से़प्मा मे़सुक्तुन्लो॥” Gade chapit la |
यर्मिया 17:27
43 Referans Kwoze
खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥
हे़क्क्याङ् बेबिलोन्बाहाॽ लुङ्धाक् लाःक्कात् कब्रिङ् मे़ये़प्, खे़ङ्हाॽ मे़लाःत्ताङ् कन् ये़क्यक्किन् खा मि फुल्लुम् मे़याक्तुॽ॥ मनाहाॽरे़ खुन्छिॽ हिम्मोबा आःम्भोॽओ बाल साम्माङ्हाॽओ ससिङ् सुक्पा मे़हाःन्दु हे़क्क्याङ् वेॽ साम्माङ्हाॽओ सेजःङ्वा सिदुङ्जभा मे़दोन्दुआङ् आङ्गाॽ आसिक् मे़भोक्खुआङ् वये़॥ खे़ल्ले़चोगुल्ले़ खे़न् हिम्हाॽआङ् कन् ये़क्यक्किन्नु सोरिक् बेबिलोनबा थक्सुबाहाॽरे़ मिमे़धिक्खुआङ् खाप्पुथ्यःङ् मे़जोगु॥
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
खुने़ॽ माङ्से़वा मे़प्मा साःङ्गाहिम्मिन् इक्ताप्पोबा तक्तक्वा हिम् कुइसिक् थ्यःङ् यन्छुदेसुरो, खुने़ॽ कुदुम्मादे़न्निन् खाप्पुथ्यःङ् चोगुरो॥ यहवे दाङ्बे़ल्ले़ सियोनओ निःन्धो के़बोङ्बा तङ्नाम् नु सबाथहाॽ के़रे़क् निङ्वाॽसोक्किल्ले़ कुमिङ् मासुरो॥ खुने़ॽ चाॽरिक् किप्मागे़घुबा कुसिक् पोःक्मो खुने़ॽ हाङ्ङिन् नु निङ्वाॽफुसाम्बे़न् ने़प्माङ् नाॽरुसिरो॥
इस्राइलरे़ कुनावा चइःत्दाङ्बे़न् निङ्वाॽ फेःत्छुआङ् वाॽरो हे़क्क्याङ् पयम् यम्बा हिम्हाॽ चोगुसिआङ् युङ्लो, यहुदाःल्ले़ यरिक् ये़क्यक्हाॽओ हाङ्यक्हाॽ चोगुसिआङ् ने़रो॥ कर खे़ङ्हाॽरे़ खुन्छिॽ ये़क्यक्हाॽओ मि केःत्तुङ्लो, हे़क्क्याङ् खे़ल्ले़ खुन्छिॽ हाङ्यक्हाॽ खाप्पुथ्यःङ् चोगुरो॥”
Piblisite