यर्मिया 17:2 - लिम्बु2 हुम्बे़त् के़दाप्पा सरेःक्याःप्पा के़रे़क् सिङ्बुङ्हाॽरे़ कुबेसाङ्बा हे़क्क्याङ् केःम्ब केःम्बा कोःक्मा फाङ्जङ् थे़गु माङ्वाहाॽओ खे़ङ्हाॽरे़ खुन्छिॽ ले़त्ति तोःम्मादे़न्हाॽ हे़क्क्याङ् असेरा साम्माङ्ङिल्ले़ कुसित्लाङ्हाॽ खे़ङ्हाॽरे़ खुन्छिॽ साएहाॽरे़आङ् से़वा मे़मे़त्तुरो॥ Gade chapit la |
यर्मिया 17:2
15 Referans Kwoze
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
खुने़ॽ कुम्बा हिजकियाःल्ले़ लुःन्दुदेसुबा थुप्सुदेसुबा थे़गुहाॽओबा माङ्धाःन्हाॽ खुने़ॽ याम्मो चोगु॥ खुने़ॽ बाल माङ्हाॽरे़ लागि ले़त्ति तोःम्मादे़न्हाॽ चोगु हे़क्क्याङ् असेरा माङ्सित्लाङ्हाॽ ये़प्सु॥ खुने़ॽ ताङ्साङ्बोबा के़रे़क् खेसेबाहाॽ तगि साम्बोन् फन्छिङ्ङाङ् खे़ङ्हाॽ से़वा मे़त्तुसि॥
खे़ङ्हाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेॽओ खे़ङ्हाॽ फे़त्तुङ्सिङ्ङिल्ले़, खे़ङ्हाॽरे़ मे़निसुबा के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् सरेःक्याःप्पा हुम्बे़प्पा सिङ्बुङ्हाॽरे़ कुसिगाङ् खे़ङ्हाॽरे़ सिदुङ्जभा मे़दोन्दु! खे़ङ्हाॽरे़ सिदुङ्जभा मे़दोन्दुआङ् आङ्गाॽ आत्ति आत्ति साॽरिक् आसिक् मे़भोःक्खु॥ खे़ङ्हाॽरे़ खुन्छिॽ आत्तारहाॽ नु सुक्पा मे़दारु हे़क्क्याङ् खुन्छिॽ वदुम्बक्वा सिदुङ्जभाहाॽरे़ खे़ङ्हाॽ मे़ले़ःक्तुसि॥’
खुने़ॽ आप्फेक् नःम्नःम्बा चोःक्सिङ्मानुःल्ले़ तगि पेलि फाक्तुबा नु निङ्वाॽफुमाङ्ङिल्ले़ आक्खेलॽरिक् खुने़ॽ कुबेलिन् खे़प्सु, हे़क्क्याङ् खुने़ॽ के़रे़क् कुलायोहाॽ नु नसान् ले़क्खुआङ् चोगुबा याःम्बक्हाॽ, थे़गुहाॽओ खुने़ॽ चोगुबा माङ्धाःन्हाॽ नु असेरा माङ् सित्लाङ्हाॽ नु नावाइत्ला ये़प्सुसिबा कन् के़रे़क् पाःन्हाॽ खागे़इक्पाहाॽरे़ खुन्छिॽ साप्मुःन्धुम् साप्पन्नो साप्ते़आङ् पत्॥
योसियाहन् हाङ् वये़ल्ले़ यहवे दाङ्बे़ल्ले़ आङ्गाॽ मे़त्ताङ्, “याम्बोःप्मा याःम्बक् के़जोःक्मा मे़न्छुमाःल्ले़ हे़क्के इस्राइलरे़ थेधे चोगु, थे खे़ने़ॽ के़निसुबि? खे़ल्ले़ आङ्गाॽ ले़प्माङ् आबाङे कुएःक्थाःक्मान् हिसाङ् पिराङ् हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओ नु के़रे़क् सरेःक्याःप्पा सिङ्बुङ् सिगाङ् याम्बोःप्मा याःम्बक् चोगु॥
Piblisite