यर्मिया 17:16 - लिम्बु16 यहवे दाङ्बाए, के़मनाहाॽ ओमे़प्मासि आयाःम्बक्किन् मे़ल्ले़त्ते कत्तुङ्लो॥ आङ्गाॽ आप्फाल्ले़आङ् मे़क्मासिमे़न् तारे़ॽ फाॽआङ् पेलि मे़भाक्ने़न्लो॥ खे़ङ्हाॽओ तुक्खे चामा ये़न्निन् तार के़लॽबा निङ्वाॽ मे़न्जोःक्पान्लो॥ यहवे दाङ्बाए, आङ्गाॽ हे़न् पाःत्तुङ्, खे़न् खे़ने़ॽ के़निसुरो॥ Gade chapit la |
यर्मिया 17:16
21 Referans Kwoze
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
कर “आङ्गाॽ निङ्वाॽफुमाङ्ङिल्ले़ कुमिङ् मे़लोःङ्ङाल्लो हे़क्क्याङ् खुने़ॽ कुमिङ्ङो आङ्गाॽ मे़बाःत्तान्लो” हे़क्के लॽआने़भग्र खुने़ॽ कुबाःन्जाक्किन् मि हे़क्के हुरुरु तिःत्लो खे़ब्याङ् खे़ल्ले़ आसिक्लुङ्मे़न् हाम्हाम् मे़त्तुरो॥ आङ्गाॽ सदादिङ् खे़न् साक्मा तम्सिङ् चोगुङ्लो कर खे़न् आङ्गाॽ थम्मा मे़सुक्कान्लो॥
नुबा याःम्बक्किल्ले़ हाङ्से़म्मिन् थे ताप्फे़ःम्बा पोङ्बि? कर खे़ङ्हाॽरे़ग आङ्गाॽ पाःन्नो थामा फाॽआङ् लत्छा लुम्बात् मे़दयुआङ् ने़रो॥ खे़ने़ॽ के़साक्के़न्निन् खे़ङ्हाॽओ मे़धाने़न्ल के़लॽबा निङ्वाॽ इःत्तुङ्लो हे़क्क्याङ् खे़ङ्हाॽ ले़प्माङ् पेलि फाक्कि पाराङ्लो, खे़न् निङ्वाॽ इःत्ते़ॽओ॥
हे़क्क्याङ् आङ्गाॽ अक्खे मे़त्तुङ्लो, “यहवे दाङ्बाए, खे़ने़ॽ के़रे़क् पाःन्हाॽ के़निसुरो॥ आङ्गाॽ निङ्वाॽ इःत्ताङ्ङे़ॽआङ् कुभाॽ पिराङ्ङे़ॽओ॥ आङ्गाॽ तुक्खे के़जाःप्पाहाॽ खुम्दिङ् पिरे़से़ॽओ॥ खे़ङ्हाॽ ले़प्माङ्बा खे़ने़ॽ के़नासि थःप्माल्ले़ चोगुल्ले़ आङ्गाॽ आयाम्साम्मिन् मामा मे़बोङ्ने़न्लरो॥ के़लागि आङ्गाॽ सिरिङ्ममा पोःक्खे़बा पाःन्निन् निङ्वाॽ इःत्ते़ॽओ॥
यहवे दाङ्बाए, खे़ने़ॽग आङ्गाॽ इङ्गे़ले़क्ताङ्लो हे़क्क्याङ् आङ्गाॽ इङ्ले़क्को सरम् थ्याङ्लो॥ खे़ने़ॽ आङ्गाॽनुःल्ले़आङ् के़धुम्बा के़जोःक्लो हे़क्क्याङ् खे़ने़ॽ आङ्गाॽ के़नाःन्दाङ्लो॥ के़रे़क्ले़ आङ्गाॽ येःप्मालाम् मे़जोःक्कारो खे़ब्याङ् ले़न्दिक् नाम्धाधा किनाःन्दि मे़बिआरो॥
Piblisite