यर्मिया 17:11 - लिम्बु11 फे़न्याःम्बक्लाम् याङ्साकुन्धे के़धक्पा मनाःङ्ग पु हे़क्तङ्बारो, खे़न् पुःल्ले़ वेॽइल्ले़ कुधिःन्नोलाम्बा कुस्सा लःत्तुसिरो॥ खुने़ॽ कुहिङ्मन् कुभ्रे़ःङ् के़त्तिल्ले़ खे़न् याङ्साकुन्धेःल्ले़ खुने़ॽ ले़रुरो हे़क्क्याङ् खुने़ॽ कुसिसि थारिक् खे़न् अदङ् पोङ्लो॥ Gade chapit la |
यर्मिया 17:11
39 Referans Kwoze
“चिःत्ते़ स्ये़ यहोयाकिमे़न् खाप्पुथ्यःङ् पोङ्लो, खे़ल्ले़ मे़न्वाॽमनाबा चोगुआङ् कुहिम्मिन् चोगुरो हे़क्क्याङ् फे़न् याःम्बक् चोगुआङ् कुहिम्मिन् थाःङ् चक्तुर तेॽरुरो, नाम्याक् मे़म्बिसे कुबाङ्भेॽसाबाहाॽ कुयाःम्बक्को फत्छुसिरो खे़ब्याङ् खे़ङ्हाॽरे़ खुन्छिॽ नाम्याक्किन् मे़बिरुन्सिन्लो॥”
खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
मुक्साम्दाङ्बा यहवे दाङ्बे़ल्ले़ उवा चोगुॽ, ‘आङ्गाॽ साक्मुरा माङ्दे पाङ्घुङ् तासुङ्ङाङ् वाॽ, हे़क्क्याङ् के़रे़क् खुःन्द्रिक्पाहाॽरे़ खुन्छिॽ हिम्मो नु आमिङ्ङो इङ्ले़क् माङ्गे़हे़क्सिङ्बाहाॽरे़ खुन्छिॽ हिम्मो खे़न् लाःत्, खम्भ्याङ् हिम्मो खे़न् याक् हे़क्क्याङ् खे़ल्ले़ खे़प्मोबा सिङ् नु लुङ्हाॽ ने़प्माङ् खाप्पुथ्यःङ् चोगुदेसुरो॥’”
ने़प्माङ् हुक्हाॽ फे़न्याःम्बक् चोःक्मा के़ले़बा चोक्लो, युक्साबाहाॽरे़ मिक्तोःक्हाॽ मे़नाःक्तुरो हे़क्क्याङ् खासे़न्लोःम्बाहाॽरे़ याङ् चामा मे़नाःक्तुरो॥ आयुक्युक्पाहाॽरे़ च्या चोःक्मा निङ्वाॽ मे़जोगुॽ हाबा खे़न्ने चोःक्मारे़ लागि इङ्जाङ् मे़जोगुरो, खे़ङ्हाॽ के़रे़क् मे़दङ्सिङ्ङाङ् चे़म्भन् मे़जोगुरो॥
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
Piblisite