कर यहवे दाङ्बाल्ले़ सामुए़ले़न् मे़त्तु, “नुबादाबा नु केःम्बा चोःक्साङ् खे़न् ओमे़मे़त्ते़न्ने़ॽ, थेआङ्भे़ल्ले़ आङ्गाॽ खे़न् नाॽरुङ्ङाङ् वाॽ॥ यहवे दाङ्बाल्ले़ मना हे़क्के ओमे़मे़त्तुसिन्॥ मनाहाॽरे़ नारा ओमे़मे़त्तुआङ् निङ्वाॽ मे़इःत्तु, कर यहवे दाङ्बाल्ले़ सिक्लुङ्मे़न् ओमे़त्तुआङ् याःम्बक् चोगु॥”
यर्मिया 17:10 - लिम्बु10 आङ्गाॽ यहवे दाङ्बे़ल्ले़ मनाहाॽरे़ खुन्छिॽ निङ्वान् कोःत्तुङ्लो, खे़ङ्हाॽरे़ खुन्छिॽ सिक्लुङ्मान् आङ्गाॽ साॽरुङ्लो॥ खे़ङ्हाॽ के़रे़क्ले़ मे़जोगुबा याःम्बक् कुइसिक् खुन्छिॽ हिङ्मन्नो खोमा मे़यारुबा तुम्घोःन् आङ्गाॽ खे़ङ्हाॽ पिरुङ्सिङ्लो॥” Gade chapit la |
यर्मिया 17:10
39 Referans Kwoze
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
हे़क्क्याङ् आङ्गाॽ अक्खेलॽरिक् पेलिगे़न् तुवा चोगुङ्लो, “मुक्साम्दाङ्बा यहवे दाङ्बाए, खे़ने़ॽ मनाहाॽ खासे़न् के़जोगुसिरो॥ खे़ने़ॽ मनाहाॽरे़ खुन्छिॽ सिक्लुङ्मान् नु निङ्वान् के़साॽरुरो॥ खे़ने़ॽ खे़ङ्हाॽ खुम्दिङ् के़बिरुसिबान् निमा खोसुङ्लरो॥ थेआङ्भे़ल्ले़ आङ्गाॽ आबाःन्निन् खे़ने़ॽ के़हुक्को तोःन्दुङ्ङाङ् वाॽरो॥
मुक्साम्दाङ्बा यहवे दाङ्बाए, साम्योबाहाॽ के़साॽरुसिरो हे़क्क्याङ् मनाहाॽरे़ खुन्छिॽ निङ्वाॽ के़गोःत्तुरो, खे़ङ्हाॽरे़ खुन्छिॽ सिक्लुङ्मान् नु निङ्वाॽओ थे वाॽ, खे़न् के़निसुरो॥ खे़ल्ले़चोगुल्ले़ आनिङ्मिहाॽ खुम्दिङ् के़बिरुसिबान् ओमे़प्मा खोसुङ्लरो थेआङ्भे़ल्ले़ आबाःन्निन् खे़ने़ॽ के़हुक्को हुक्सुप्ने़आङ् वाॽरो॥
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
हे़क्क्याङ् इङ्गाॽ यम्बा चुक्पा काक् के़सिबाहाॽ खे़न् हाङ्युक्ना तगि मे़ये़बे़बा निसुङ्सिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिबाहाॽरे़ मे़जोगुबा खुनिॽ याःम्बक् कुइसिक् खुनिॽ खासे़न् पोःक्खे़रो॥
आङ्गाॽ आनिङ्वाॽफुमाङ्ङे, आदाङ्बारे़ सिक्कुम् निङ्वाॽ के़साॽरु फाॽआङ् आङ्गाॽ निसुङ्ॽ, हे़क्क्याङ् कुदोःप्मा निङ्वाॽ के़गप्पालाम् आदाङ्बारे़ के़निङ्वाॽ तारो॥ से़क्खाबा निङ्वाःल्ले़ आङ्गाॽ आप्फेक् आनिङ्वाॽओलाम् कन् के़रे़क् हुक्वाहाॽ आङ्गाॽ आसिक्लुङ्मोलाम् आदाङ्बारे़ॽओ तोःन्दुङ्ङाङ् वाॽ॥ हे़क्क्याङ् आल्ल कप्मो के़वाॽबा आदाङ्बारे़ के़मनाहाॽरे़ खुन्छिॽ आप्फेक् निङ्वाॽओलाम् हुक्वा मे़दोन्दुबा निसुङ्ङिल्ले़ आङ्गाॽ आनिङ्वाॽओ सःत्तारो॥
हे़क्क्याङ् खे़ङ्हाॽरे़ अक्खेलॽरिक् मे़बाःत्तुर तुवा मे़जोगु, “आदाङ्बे, खे़ने़ॽग मे़न्छाम्गे़न् याप्मिरे़ खुनिॽ सिक्लुङ्मोबा पाःन्निन् के़निसुॽरो॥ कन् सेःक्युक्मिबा माङ्से़वा लक्किन् चोःक्मा फाॽआङ् यहुदाःल्ले़ कुले़क्वा कन् ने़प्फुओ के़सेगुबा मनान् ओसेःन्दाङ् चोगे़ॽओ, थेआङ्भे़ल्ले़ यहुदाःल्ले़ खे़न् ले़रुआङ् लाॽरुबा कुलाम्मो पेरो॥”
के़रे़क्ले़ तॽयाःन्निन् लत्छा परिक्पा चोक् हे़क्क्याङ् कन्नाङ् इक्सादिङ् खाम्बेःक्मो के़बोङ्बार के़बप्पा याःम्बक्हाॽ हे़क्केए ताप्फे़ःम्बा चोक्॥ खाम्बेःक्मो मनान् वाॽर थारिक् खे़ल्ले़ कुनिङ्वान् कुॽइभे़म्मा नु नाङ्नाङ् थाप्थाप् के़लॽबा चोक् खे़ब्याङ् खे़न् हक्चघत् सिघे़त्लो॥
आङ्गाॽ आमनाहाॽरे़ सि मे़हेॽरुरो, कर खे़ङ्हाॽरे़ कुदिङ् के़बप्पा याःन्हाॽ मे़सुप्सुरो॥ खे़ङ्हाॽरे़ स्याङ्मे़न्दाङ् याःम्बक् मे़जोगुरो कर खुन्छिॽ हुक्को थेआङ् मे़ध्ये़ने़न्लो॥ आङ्गाॽ साॽरिक् किप्मा के़घुबा आसिक्किल्ले़ हे़क्के पोःक्खे़बारो खे़ङ्हाॽरे़ खुन्छिॽ पोगुगे़न् कुजा मे़धोःक्ते़म्बाल्ले़ खे़ङ्हाॽ सिरिङ्ममो मे़ध्ये़रो॥”
यहवे दाङ्बे़ल्ले़ कुयाम्साम्मिन् आङ्गाॽओ थ्ये़, हे़क्क्याङ् खे़ल्ले़ अक्खे पाःत्ते़ॽ मे़त्ताङ्, “यहवे दाङ्बे़ल्ले़ इस्राइलबा मनाहाॽ अक्खे मे़त्तुसिॽ—खिनिॽ थे के़बाःत्तुम्ल के़वयिॽ खे़न् आङ्गाॽ कुसिङ् निःत्तुङ्ॽ, थेआङ्भे़ल्ले़ खिनिॽ निङ्वाॽओ के़इःत्तुम्बा के़रे़क् पाःन्हाॽ आङ्गाॽ निसुङ्ॽ॥
खे़ल्ले़चोगुल्ले़ यहवे दाङ्बा इस्राइलबा निङ्वाॽफुमाङ्ङिल्ले़ कुमनाहाॽ कम्ब्राङ् के़मे़प्पा मे़ल्लुक्कम्बाहाॽरे़ खुन्छिॽ याःम्बेओ खुने़ॽ अक्खे पाःत्तुॽ, “खिनिॽ आङ्गाॽ आमनाहाॽ कम्ब्राङ् के़म्मे़त्तुम्सिम्मिन्, खिनिॽ खे़ङ्हाॽ फुत्छिङ्ज्याङ् के़जोगुम्सिम्माङ् पुबेलाप्सा के़नाःत्तुम्सिम्॥ आल्ल खिनिॽ ताप्फे़ःम्बा याःम्बक्हाॽरे़ लागि खिनिॽ खुम्दिङ् पिनिङ्ॽ॥
Piblisite