यर्मिया 16:9 - लिम्‍बु

⁹ थेआङ्‌भे़ल्‍ले़ आङ्‌गाॽ मुक्‍साम्‍दाङ्‌बा यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ थे पाःत्तुङ्‌ॽ, खे़प्‍से़ॽ॥ सःप्‍मा नु निङ्‌वाॽ तामा हयङ् किल्‍लिङ् नु ते़न्‍धाम् मेःक्‍खिम् साभःङ्‌जाःल्‍ले़ ससाङ्‌स्रोत्ते़न् आङ्‌गाॽ चिजि खक्‍खक् पोङ्‌ल चोगुङ्‌ॽ॥ कन् लाजेॽओबा मनाहाॽरे़ आप्‍फेक् खुन्‍छिॽ सिमानुःल्‍ले़ तगि खे़न् के़प्‍पा मे़निसुॽ॥

यर्मिया 16:9 Referans Kwoze

होसे 2:11

आङ्‌गाॽ खे़ल्‍ले़ के़रे़क् कुसोसोत् लराङ्‌हाॽ, खे़ल्‍ले़ कुलादुप्‍पोबा तङ्‌नाम्‍हाॽ, खे़ल्‍ले़ के़रे़क् कुनाःम्‍सिङ्‌मा ये़न्‍हाॽ नु निःन्‍धो के़बोङ्‌बा खे़ल्‍ले़ के़रे़क् कुसाभःङ्‌जाहाॽ साक्‍तुङ् पिरुङ्‌लो॥

इजकिएल 26:13

आङ्‌गाॽ खे़ने़ॽ के़साम्‍लो साम्‍मे़प्‍माहाॽ साक्‍तुङ् पिने़॥ खे़ने़ॽ के़मनाहाॽरे़ खुन्‍छिॽ लुम्‍मो आल्‍लआङ्‌धो तुःङ्‌गेहाॽ लाइक्‍पा इक्‍ला खे़म्‍मे़दे़त्‍ने़न्॥

यर्मिया 7:34

यहुदाबा ये़क्‌यक्‍हाॽओ हे़क्‍क्‍याङ् यरुसले़ःम्‍बा माराम्‍हाॽओ आङ्‌गाॽ ये़ये़लॽमा नु सःप्‍मा इक्‍लान् खे़ब्‍याङ् ते़न्‍धाम् मेःक्‍खिम्‍बा साभःङ्‌जाःल्‍ले़ हयङ् किल्‍लिङ्‌ङिन्‍नाङ् माबेःक्‍ल चोगुङ्‌ॽ थेआङ्‌भे़ल्‍ले़ लाजेन् चिजि खक्‍खक् पोङ्‌लो॥’”

यर्मिया 25:10

आङ्‌गाॽ खे़ङ्‌हाॽरे़ खुन्‍छिॽ सःप्‍मा नु ये़ये़लॽमा इक्‍लान् हे़क्‍क्‍याङ् ते़न्‍धाम् मेःक्‍खिम्‍बा साभःङ्‌जाःल्‍ले़ सिराॽथाङ्‌मा इक्‍लान् साक्‍तुङ् पिरुङ्‌सिङ्‌ॽ॥ खे़ङ्‌हाॽरे़ खुन्‍छिॽ सेमिओ ओःत्ति होप् हे़क्‍क्‍याङ् लुङ्‌सुम् लाइक्‍पान् खे़म्‍मे़दे़त्‍ने़न्॥

निङ्‌वाॽफु साम्‍लोसुम् 78:63

नालिगे़न् थाङ्‌बे़न्‍हाॽ खुने़ॽ मिःल्‍ले़ खाप्‍पुथ्‍यःङ् चोगुसिरो, हे़क्‍क्‍याङ् सिसागे़न् मे़न्‍छ्‌याहाॽ मेःक्‍खिम् चोःक्‍माए मे़ङ्‌घोसे़ल्‍लो॥

इजकिएल 12:25

थेआङ्‌भे़ल्‍ले़ आङ्‌गाॽ यहवे दाङ्‌बाआ! आङ्‌गाॽ कन् पाःत्तुङ्‌ने़भग्र, खे़न् के़त्॥ इस्राइलबा पिप्‍फ्युङ्‌बासे, आल्‍ल आक्‍ख्‍यारिक्‍काङ् मे़सुने़न्॥ खिनिॽ के़हिङिआङ् के़वयिरए आङ्‌गाॽ खिनिॽ मे़क्‍मासिमे़न् के़त्तुङ्‌ॽ॥ आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुङ्‌ङाङ् वाॽ!”