यर्मिया 16:16 - लिम्बु16 यहवे दाङ्बे़ल्ले़ पाःत्तुॽ, “कर आङ्गाॽ यरिक् योःङ् के़ले़प्पाहाॽ पाङ्घुङ्सिङ्ॽ हे़क्क्याङ् खे़ङ्हाॽरे़ कन् मनाहाॽ मे़दे़म्सुसिॽ॥ खे़न् एगाङ्, आङ्गाॽ यरिक् सावागे़म्बाहाॽ पाङ्घुङ्सिङ् हे़क्क्याङ् खे़ङ्हाॽरे़ कन्हाॽ के़रे़क् नाङ्जङ्लुङ्, कोःक्मा फाङ्जङ् नु याक्पेॽओबा लुङ्भुक्कोहाॽलाम् मे़गोःत्तु मे़लःत्तुसिॽ॥ Gade chapit la |
यर्मिया 16:16
21 Referans Kwoze
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
आम्बौ, आङ्गाॽ आहुक्को कत्तुङ्बा के़देःप्फे़राःन् ओमे़त्ते़ॽओ! आङ्गाॽ से़प्मा सुक्ने़मे़न् कर के़देःप्फे़राःन्लक् खक्तुङ्॥ कन्लाम्बाए आङ्गाॽ खे़ने़ॽ के़दक्ले़ङ्वाओ ताप्फे़ःम्बा निङ्वाॽ मे़इःत्तान् इग्र से़प्मा मे़गोःत्ने़म्बा पाःन्निन् निङ्वाॽ के़घोसुरो॥ आङ्गाॽ थेआङ् ताप्फे़ःम्बा मे़मे़त्ने़न्छाङ् खे़ने़ॽग आङ्गाॽ से़प्मा निङ्वाॽ के़जोगुआङ् के़नाःत्तार के़वाॽ॥
अन् के़युक्पा नु तोङ् के़आप्पाहाॽरे़ खुन्छिॽ इक्लान् मे़घे़प्सुरो हे़क्क्याङ् ये़क्यक्कोबाहाॽ अक्ले़क् मे़घे़त्छिङ् मे़बेःक्लो॥ कुभा ताम्भुङ् याक्ला ले़प्माङ् मे़बिन् मे़घे़त्लो, वेॽहाॽरे़ सियाक्पेॽ थे़याक्पेॽ लुङ् सम्धाङ् मे़लिङुरो, ये़क्यक्हाॽ के़रे़क् चिजि खक्खक् पोङ्लो, याम्मो खे़प्मो आत्तिन्हाॽआङ् मे़न्वाॽने़न्लो॥
मुक्साम्दाङ्बा यहवे दाङ्बे़ल्ले़ आङ्गाॽ अक्खे मे़त्ताङ्लो, “के़रे़क् सिङ्सेॽहाॽ चे़ल्ले़क्सेॽ इक्ताप्लाम्बा लत्थिक्काङ् मे़ल्ले़त्ते तुप्मा पोङ्लो हे़क्केलॽरिक्के इस्राइलबा के़हिङ्बाआङ् के़वाॽबाहाॽ मे़मे़क्लो॥ खे़ल्ले़चोगुल्ले़ ये़म् वाॽरए खे़ने़ॽ के़दुमुसिबाहाॽ खक्पे़त् साम्दिङ् पिरे़से़ॽओ॥”
मुक्साम्दाङ्बा यहवे दाङ्बे़ल्ले़ अक्खे पाःत्तुरो, “कर ओमे़त्ते़म्मे़ॽ, खिनिॽ लुम्मो आङ्गाॽ किमा यङ्मा तारुङ्लो॥ खिनिॽ हिम्बेसाङ्बाहाॽरे़ आप्फेक् लाजेॽलाम् खिनिॽ के़म्नाःत्ति के़म्देसिरो, हे़क्क्याङ् खे़ङ्हाॽ मे़घे़त्छिङ्ङिल्ले़ खे़न् मे़दे़म्सु मे़देॽरुसिबाहाॽ हाःत्ले़आङ् मे़भुक्खुन् मे़दारुसिन्लो॥
खे़न् ये़म्मो सेमि हाःन्दुङ्ङाङ् यरुसले़ःम्मिन् कोःत्तुङ्लो, हे़क्क्याङ् निङ्वाॽ याःन्दिक् के़दाबाआङ् के़युङ्बाहाॽ, कुयुःन्दाङ्वा के़दाङ्सिङ्बा चे़ल्ले़क्सेॽ थि हे़क्के के़युङ्बाआङ् ‘यहवे दाङ्बे़ल्ले़ नुबाआङ् मे़जोगुन्ॽ ताप्फे़ःम्बाआङ् मे़जोगुन्’ लॽरिक् निङ्वाॽ के़इःप्पा मनाहाॽ आङ्गाॽ खुम्दिङ् पिरुङ्सिङ्लो॥
Piblisite