यर्मिया 16:15 - लिम्बु15 कर खे़ङ्हाॽरे़ मे़बाःत्तुॽ, ‘इस्राइलिहाॽ थो पिसाङ्बा लाजेॽ नु वेॽ के़रे़क् लाजेॽहाॽलाम्बा हे़क्क्याङ् आत्तान् आत्तान्लाम्बा खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पाआङ् के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा आबाङे खुन्छिॽ लाजेॽओ खे़ङ्हाॽ नुःक्तुङ् तारुङ्सिङ्ॽ॥” Gade chapit la |
यर्मिया 16:15
26 Referans Kwoze
लाजेॽलाम् मे़लःत्तु मे़देॽरुसिबा आमना इस्राइलिहाॽ आङ्गाॽ याङ्ना नुःक्तुङ् फे़त्तुङ्सिङ्लो॥ के़लुःम्बा के़बेःक्पा ये़क्यक्हाॽ खे़ङ्हाॽरे़ याम्मो मे़जोगुरो हे़क्क्याङ् खे़ङ्हाॽ खे़प्मो मे़वाॽ मे़युङ्लो॥ खे़ङ्हाॽरे़ चे़ल्ले़क्सेॽ इक्ताप्हाॽ मे़लेःत्तुरो खे़ब्याङ् खे़ङ्हाॽरे़ चे़ल्ले़क्सेॽ थि मे़धुङुरो॥ खे़ङ्हाॽरे़ सिङ्सेॽ सिङ्बुङ्हाॽ मे़लेःत्तुरो हे़क्क्याङ् खे़ङ्हाॽरे़ खे़न् सिङ्सेॽहाॽ मे़जरो॥
खे़ब्याङ् आङ्गाॽ यहवे दाङ्बा खुन्छिॽ निङ्वाॽफुमाङ्आ फाॽआङ् आङ्गाॽ आमनाहाॽरे़ निङ्वाॽ मे़घोसुॽ, थेआङ्भे़ल्ले़ आङ्गाॽ खे़ङ्हाॽ लाजेॽलाम् लःत्तुसिङ्ङाङ् माःङ्घा पाङ्घुङ्देसुङ्सिङ् हे़क्क्याङ् हिम्मो याम्मो नुःक्तुङ् तारुङ्सिङ्ॽ॥ आङ्गाॽ आत्तिन् आमनाहाॽआङ् एगाङ् मे़ले़रुङ् मे़धाङ्सिङ्ङिन्ॽ॥
आङ्गाॽ खे़ङ्हाॽ थाङ्गे़त्लाम् युरुङ्सिङ्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओलाम्बा सुप्सुङ्सिङ्लो॥ खे़ङ्हाॽरे़ खुन्छिॽ लुम्मो मिक्फःम्बा नु लाङ्सक्पा, हे़क्क्याङ् मे़न्छुक्मा के़वाॽमा नु सागप्मा यारिप् के़बोङ्माहाॽआङ् मे़वाॽरो॥ लत्छा यम्बा चुम्भो मे़बोङ्ङाङ् खे़ङ्हाॽ मे़नुःङ् मे़दारो॥
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
कर खे़ङ्हाॽरे़ मे़बाःत्तुॽ, ‘इस्राइलिहाॽरे़ खुन्छिॽ थाःक्हाॽ थाङ्गे़त् पिसाङ्बा लाजेॽ नु वेॽ के़रे़क् लाजेॽहाॽलाम् आत्तान् आत्तान् खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पा के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ खे़ब्याङ् खे़ङ्हाॽ आबाङे खुन्छिॽ लाजेॽओ मे़युङ्लो॥”
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
Piblisite