यर्मिया 16:14 - लिम्‍बु

¹⁴ यहवे दाङ्‌बे़ल्‍ले़ पाःत्तुॽ, “खे़ल्‍ले़चोगुल्‍ले़ अक्‍तङ्‌बा ये़न्‍हाॽ तार पत्, हे़क्‍क्‍याङ् मनाहाॽरे़ माङ्‌हे़क् मे़जोगुल्‍ले़ आल्‍लआङ्‌धो अक्‍खे मे़म्‍बाःत्तुन्‌ॽ, ‘इस्राइलिहाॽ मिस्र लाजेॽलाम् के़लःप्‍पाआङ् के़धाक्‍पा, से़क्‍खाए यहवे दाङ्‌बे़न् कुहिङ्‌वे़त् वाॽबा कुइसिक्॥’

यर्मिया 16:14 Referans Kwoze

साम्‌योथिम् इङ् 15:15

मिस्रओ खिनिॽ योक् के़वयिल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ चोःक्‌युम्‍भो के़बिरिबा पाःन्‍निन् निङ्‌वाॽ इःत्ते़म्‍मे़ॽ॥ हाबा खे़ल्‍ले़चोगुल्‍ले़ आङ्‌गाॽ आइन् खिनिॽ कन् इङ्‌जाङ्‌ङिन् पिनिङ्‌ल पत्ता॥

लाम्‍दिक् 20:2

“आङ्‌गाॽ खिनिॽ यहवे दाङ्‌बा निङ्‌वाॽफुमाङ्‌आ, आङ्‌गाॽ खिनिॽ योःग्‍बा योःग्‍मा के़बोःक्‍खिआङ् के़युङिबा मिस्र लाजेॽलाम् खिनिॽ लःत्‍निङ् फे़त्‍निङ्॥

मिका 6:4

आङ्‌गाॽग मिस्र लाजेॽलाम् लःत्‍निङ् थाक्‍निङ्‌लो हे़क्‍क्‍याङ् आङ्‌गाॽ कुमे़ल्‍लुङ् हुङुङ्‌ङाङ् योक् लाजेॽलाम् खिनिॽ थे़ॽनिङ्‌लो॥ खिनिॽ लाम्‍लोबा पोङ्‌मारे़ लागि मोसान्, हारुने़न् नु मिरियम्‍मिन्‍नाङ् आङ्‌गाॽ खिनिॽ लुम्‍मो पाङ्‌घुङ्‌सिङ्‌लो॥

यर्मिया 32:37

आङ्‌गाॽ आसिक् पोःक्‍मो नु साॽरिक् आसाक्‍के़न् पोःक्‍मो के़रे़क् पिसाङ् मनाहाॽ से़सुङ्‌देसुङ्‌सिङ्, कर आल्‍ल खे़न् लाजेॽहाॽलाम्‍बा याम्‍मो कन् ते़न्‍नो नुःक्‍तुङ् तारुङ्‌सिङ्‌ॽ हे़क्‍क्‍याङ् कॽयो नुरिक् तारिक्‍काङ् वाॽमा पाङ्‌घुङ्‌सिङ्‌ॽ॥

साम्‌योथिम् इङ् 20:1

खिनिॽ ते़न्‍धङ्‌ङो के़बेगिल्‍ले़ निङ्‌मिहाॽरे़ अन्‍हाॽ, अन्‍लाधाहाॽ हे़क्‍क्‍याङ् खिनिॽनुःल्‍ले़ आत्तातान्‍ने यरिक् थक्‍सुबाहाॽ मे़गत्तुसिबा के़निसुम्‍मिल्‍ले़ मे़गिसे़म्‍मिन्‍ने़ॽ, थेआङ्‌भे़ल्‍ले़ मिस्रलाम् खिनिॽ के़लःप्‍पा के़भे़प्‍पा यहवे दाङ्‌बा खिनिॽ निङ्‌वाॽफुमाङ्‌ङिन् खिनिॽनु वाॽ॥

निङ्‌वाॽफु साम्‍लोसुम् 81:7

इनोगे़न् तुक्‍खेओ के़ध्‍ये़ॽइल्‍ले़ याप्‍मि पेलि के़भाक्‍तिआङ् से़ःप्‍निङ्‌लो, खाॽमित् नु मि के़इक्‍सिङ्‌बा मुन्‍धाङ्‌दिङ् सेरिलाम्‍बा आङ्‌गाॽ नुगप् पिनिङ्‌लो, हे़क्‍क्‍याङ् मेरिबाओ के़बुम्‍बा च्‍वाःत् पेसाङ् खिनिॽ निङ्‌वाॽ साॽरुङ्‌लो॥ सेला

निङ्‌वाॽफु साम्‍लोसुम् 81:11

“कर आङ्‌गाॽ आमनाहाॽरे़ आबाःन्‍निन् मे़ङ्‌घे़प्‍सुन्‍लो॥ इस्राइलबा मनाहाॽरे़ आइङ्‌जाङ्‌ङिन् इःप्‍मा नाःप्‍मा मे़न्‍दे़न्‍दे़ल्‍लो॥