कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
यर्मिया 16:12 - लिम्बु12 कर खिनिॽ पाधे़बाहाॽनुःल्ले़आङ् यरिक् ताक्के़भे़ॽबा याःम्बक् के़जोगुम्॥ खिनिॽ के़रे़क् आधिङ्गानि के़बोःक्खिआङ् खिनिॽ आबाङे फे़न्याःम्बक्किन् के़नाःत्तुम् हे़क्क्याङ् आइङ्जाङ्ङिन् इःप्मा नाःप्मा के़न्दे़न्दिन्॥ Gade chapit la |
यर्मिया 16:12
22 Referans Kwoze
के़रे़क्ले़ तॽयाःन्निन् लत्छा परिक्पा चोक् हे़क्क्याङ् कन्नाङ् इक्सादिङ् खाम्बेःक्मो के़बोङ्बार के़बप्पा याःम्बक्हाॽ हे़क्केए ताप्फे़ःम्बा चोक्॥ खाम्बेःक्मो मनान् वाॽर थारिक् खे़ल्ले़ कुनिङ्वान् कुॽइभे़म्मा नु नाङ्नाङ् थाप्थाप् के़लॽबा चोक् खे़ब्याङ् खे़न् हक्चघत् सिघे़त्लो॥
थेआङ्भे़ल्ले़ मे़न्छाम्गे़न् याप्मि निङ्वाॽ सिगाङ्लाम् फे़न्निङ्वाॽ, याम्बोःप्मा, खुःम्मा, मनासे़प्मा, चाराम्मा याःम्बक्, खिःम्मा, ताप्फे़ःम्बा निङ्वाॽ चोःक्मा, इङ्ले़क् चोःक्मा, चे़ल्ले़क्ले़क् लॽमा, नाहे़म्मा, चे़ॽया इङ्दो पाःप्मा, आङ्दिङ् लॽमा, अदङ्पान् चोःक्मा, हे़क्तङ्बा फे़न् पाःन्हाॽ लःन्लो॥
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
खुने़ॽ कुइङ्जाङ् इःप्मा नाःप्मा मे़न्दे़म्माग कित्चाक् चोःक्मा हे़क्तङ्बा लायोरो, हे़क्क्याङ् आङ्दिङ् लॽमाग लुङ् नावाइत्ला से़वा मे़प्नाबान्नुःल्ले़आङ् ताप्फे़ःम्बारो॥ थेआङ्भे़ल्ले़ खे़ने़ॽ यहवे दाङ्बाल्ले़ कुबाःन्जाःक्लाम् माःङ्घा के़बोःक्खे़, खे़ल्ले़चोगुल्ले़ यहवे दाङ्बाल्ले़आङ् खे़ने़ॽ हाङ् पोङ्मालाम् के़ले़रे़आङ् वाॽरो॥”
कर खे़न् खासे़न्लोःम्बान् मासिङ्नुमे़ःन्ने एयाङ्बा साम्माङ्हाॽ मे़दिम्दुसि हे़क्क्याङ् खे़ङ्हाॽरे़ खुन्छिॽ तगि साम्बोन् मे़भन्छिङ्ङाङ् से़वा मे़मे़त्तुसिर खे़ङ्हाॽ खुन्छिॽ पाधे़बाहाॽनुःल्ले़ आल्लसाङ् यरिक् फे़त्मे़लाॽरे़॥ खे़ङ्हाॽरे़ खुन्छिॽ ताप्फे़ःम्बा ये़प्ले़क्किन् नु हादिङ् थक्मा सुत्नाःन् ले़प्मा मे़न्दे़न्दे़न्॥
आल्ल हे़क्तङ्बा मनाःल्ले़ कन् माङ्हे़क्कोबा पाःन्जाःक्हाॽ खे़प्सुल्ले़ खे़न् आप्फेक् मुॽइसाम् पिसिङ् हे़क्क्याङ् अक्खेलॽरिक् निङ्वाॽ इःत्छिङ्ॽ, “आङ्गाॽ आप्फेक् आलाम्मो लाङ्घेःक्काआङ् पत्तासाङ् आङ्गाॽ ताप्थेक् याम्धेक् वाॽआ॥” कन् मनाःल्ले़ च्वाःत्तिल्ले़ वारक्खुबा लाजेॽ सम्धाङ्नु सोसोरिक् कुसे़ङ्ग्रा लाजेॽओआङ् तुक्खे लाक्खे तारुॽ॥
यहवे दाङ्बाल्ले़ खे़न् कुनाम्गे़नुॽबा सिदुङ्जभा मिःक्खुॽइन् नाम्सुआङ् कुनिङ्वाॽओ पाःत्तु, “मे़न्छाम् याप्मिःल्ले़ कुनिङ्वाॽओबा पाःन्हाॽ खुने़ॽ चुःक्काङ्धोसा ताप्फे़ःम्बा चोक्, हे़क्केसाङ् ताप्फे़ःम्बा मे़न्छाम् याप्मिःल्ले़ चोगुल्ले़ आङ्गाॽ याम्मो आभे़ल्ले़आङ् इक्सादिङ् खाम्बेःक्मान् साक्मुरा मे़मे़त्तान्॥ आल्लो चोगुङ्बा कुइसिक् के़रे़क् थक्सापुसाहाॽ याम्मो आभे़ल्ले़आङ् मे़मे़ङ्ङासिङिन्॥
“खे़ल्ले़चोगुल्ले़ खे़ने़ॽ इस्राइलबा मनाहाॽ मे़त्ते़ॽसे़ॽ—‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ थाःक्थे़बाहाॽरे़ मे़जोगुबा कुइसिक् खिनिॽ आप्फेक् आसुत्थो चोःक्सिङ्मा निङ्सेक् के़जोगुम्बि? चिःन्जिःन्गे़घुबा चइःत्हाॽ से़वा के़मे़त्तुम्सिम्माङ् खिनिॽ आप्फेक् चक्मे़ल्लॽए के़त्निमा याःम्बक् चोःक्मा निङ्वाॽ के़जोगुम्बि?
यहवे दाङ्बे़ल्ले़ अक्खे पाःत्तुरो, “यहुदाःल्ले़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ यहवे दाङ्बे़ल्ले़ कुसाम्योथिम् इङ्जाङ्ङिन् खे़ङ्हाॽरे़ इःप्मा नाःप्मा मे़नाॽरुबाल्ले़ चोगुल्ले़, खम्भ्याङ् खुने़ॽ कुधिम्हाॽ मे़न्इःत्तुन् मे़न्नाःत्तुम्बाल्ले़ चोगुल्ले़ हे़क्क्याङ् खे़ङ्हाॽरे़ खुन्छिॽ पाधे़बाहाॽरे़ मे़दिम्दुसिबा इङ्ले़क्पा माङ्हाॽरे़ खे़ङ्हाॽ इङ्मे़ले़क्तुसिबाल्ले़ चोगुल्ले़,
खे़निॽ पाधे़बाहाॽरे़ खुन्छिॽ ये़म्माङ्धोए खे़निॽ आङ्गाॽ चोगुङ्बा उवाहाॽ खे़म्मा के़न्दे़न्दिन्नाङ् के़नुःक्खि के़बेगिआङ् के़वयि हे़क्क्याङ् खे़न् साम्योथिम्हाॽ मे़न्इःत्ते मे़न्नाःत्ते के़वयि॥ खे़निॽ आङ्गाॽ ले़प्माङ् नुःक्खे़म्मे़ॽ हे़क्क्याङ् आङ्गाॽ खे़निॽ ले़प्माङ् नुःङ्ङाॽ॥ “कर खे़निॽ याप्मि पान् से़ःन्गे़लाप्तिॽ, ‘आनिगे आक्खेलॽरिक् नुःक्खिगे़बे?’
Piblisite