यर्मिया 15:7 - लिम्बु7 लाजेॽबा के़रे़क् ये़क्यक्को खिनिॽ चासिप् हे़क्के सुरिःत्तो फे़निङ्लो॥ आङ्गाॽ आमनासे, आङ्गाॽ खिनिॽ मे़म्भै चोःक्निङ्लो, खिनिॽ साएहाॽ तेॽरुङ्सिङ्लो थेआङ्भे़ल्ले़ ताप्फे़ःम्बा याःम्बक्हाॽ के़न्ले़रुम्मिन्लो॥ Gade chapit la |
यर्मिया 15:7
21 Referans Kwoze
खे़ल्ले़चोगुल्ले़ आल्ल खे़ङ्हाॽरे़ खुन्छिॽ साहाॽ साक्मे़न्जाए मे़सिररो, खे़ङ्हाॽग हयङ् ते़न्धङ्ङो मे़से़रुसिररो, मे़न्छुमाहाॽरे़ खुन्छिॽ ये़म्बाहाॽ नु साहाॽ मे़मासुसिररो, ये़म्बित्छाहाॽ तुक्मा लाःक्मा मिङ्देल्ले़ मे़सिररो हे़क्क्याङ् नालिगे़न् थाङ्बे़न्हाॽ थङ्ङो मे़से़रुसिररो॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
खे़ब्याङ् यहवे दाङ्बे़ल्ले़ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, खे़ल्ले़ याःन्दिक्, खे़ङ्हाॽरे़ खुन्छिॽ के़धुम्बा हाङ्यक्किन्, खुन्छिॽ निङ्वाॽ ये़ये़ लॽमान् नु मिमिदिङ्ङिन्, खुन्छिॽ निङ्वाॽरे़ नाःक्तुबा पाःन्निन्, खुन्छिॽ साॽरिक् सिराॽ के़धाङ्बा याङ्साकुन्धेन् आङ्गाॽ तेॽरुङ्ॽ, हे़क्क्याङ् खे़ङ्हाॽरे़ खुन्छिॽ ये़म्बित्छासाहाॽ नु मे़न्छुमा साहाॽआङ् आङ्गाॽ तेॽरुङ्सिङ्ङाङ् पेःक्का॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥
Piblisite