यर्मिया 15:3 - लिम्बु3 “खे़न्हाॽरे़ खुन्छिॽ सम्धाङ् लिसि परिक्ले़न् मे़क्मासिमा तारुङ्ॽ फाॽआङ् आङ्गाॽ यहवे दाङ्बे़ल्ले़ पाःत्तुङ्ॽ॥ खे़ङ्हाॽ थङ्ङो मे़से़रुसिॽ, खे़ङ्हाॽरे़ खुन्छिॽ के़सिबा थक्हाॽ ख्याबाहाॽरे़ मे़जसिॽ हे़क्क्याङ् पुहाॽरे़ मे़अगु मे़जसिॽ खे़ब्याङ् के़नम्बा के़याःक्पाहाॽ ताम्भुङ् थक्साहाॽरे़ मे़हाॽरु मे़जसिॽ हे़क्क्याङ् मे़मे़क्खुसिॽ॥ Gade chapit la |
यर्मिया 15:3
21 Referans Kwoze
आङ्गाॽ खिनिॽ लुम्मो ताम्भुङ् थक्साहाॽ पाङ्घुङ् तासुङ्सिङ्ॽ, खे़ङ्हाॽरे़ खिनिॽ अङे़ःक्वा साहाॽ मे़जसिॽ, हे़क्क्याङ् खिनिॽ पित्थक्साहाॽ मे़मे़क्खुसिॽ, खम्भ्याङ् खे़ङ्हाॽरे़ खिनिॽ साॽरिक् के़सुःन्दिर के़म्जोगिआङ् खिनिॽ लाम्हाॽए चिजि खक्खक् पोङ्ल यारिक् खे़ङ्हाॽ साॽरिक् यरिक् मे़बोःन्ॽ॥
आङ्गाॽ खिनिॽ लुम्मो किमा यङ्मा पोङ्ल चोगुङ्ॽ, खम्भ्याङ् थक्किन् के़मे़ङ्बार के़देॽबा, मिक्किन् मार के़जोःक्पा नु सक्मा मे़न्याक्मनाबा के़जोःक्पार के़देॽबा साॽरिक् किप्मा के़घुबा तुक्माहाॽ पाङ्घुङ् तासुङ्ॽ॥ खिनिॽ के़लेःत्तुम्बा याॽरिःम्बाहाॽ थेनाधेबा पोङ्ॽ, थेआङ्भे़ल्ले़ खिनिॽ निङ्मिहाॽरे़ कुजा के़दुम्बान् मे़जमे़देसु के़म्बिरिॽ॥
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
हे़क्क्याङ् खे़ङ्हाॽरे़ माङ्निङ्वाॽपान् मे़मे़त्तुसिबा मनाहाॽरे़ खुन्छिॽ चेहाॽ साक् नु ताभेःल्ले़ चोगुल्ले़ यरुसले़ःम्बा लाम्हाॽओ ने़गन् हे़क्क्याङ् खे़न् के़लुप्पा मना थिक्काङ् मे़वाॽने़न्॥ खे़ङ्हाॽ के़रे़क्ले़ खुन्छिॽ मेःत्हाॽ नु साहाॽरे़आङ् हाबा हे़क्तङ्बाए मे़दुमुॽ॥ आबाङे खुन्छिॽ ताप्फे़ःम्बा याःम्बक्किल्ले़ तुम्घोःन् खे़ङ्हाॽ आबाङे खोमा पाङ्घुङ्सिङ्ॽ॥”
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
“खे़ने़ॽ खे़ङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—आङ्गाॽ कुहिङ्वे़त् वाॽआबा कुइसिक्, खे़न् खाप्पुथ्यःङ् के़बोङ्बा ये़क्यक्हाॽओ के़युङ्बाहाॽ ताभेःल्ले़ मे़सिरो॥ हे़क्क्याङ् खे़न् ये़क्यक् लाःक्कात् खाम्बाङ्हाॽओ के़युङ्बाहाॽ चामासिरे़ लागि आङ्गाॽ ताम्भुङ् थक्साहाॽ पाङ्घुङ्सिङ्ॽ॥ खे़न् यक्हाॽओ नु लुङ्फुक्कोहाॽओ के़जिङ्सिङ्बाआङ् के़युङ्बाहाॽ मिङ्देल्ले़ मे़सिरो॥
आङ्गाॽ खे़ङ्हाॽरे़ खुन्छिॽ तक्ले़ङ्वाओ आमे़ङ्मे़ङ्बा साक्वाःन्, मिआदिक्तिक्पा यङ्दुङ्बा हे़क्क्याङ् आसिसिबा तुक्माहाॽ पाङ्घुङ् तासुङ्लो॥ खे़ङ्हाॽरे़ खुन्छिॽ तक्ले़ङ्वाओ ताम्भुङ् थक्साहाॽरे़ खुन्छिॽ केःङ्हाॽ नु खाम्बाङ्ङो के़उःङ्सिङ्बा के़आःप्पा कुनिङ् के़याक्पा असेःक्हाॽ पाङ्घुङ् तासुङ्सिङ्लो॥
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
Piblisite