यर्मिया 15:15 - लिम्बु15 हे़क्क्याङ् आङ्गाॽ अक्खे मे़त्तुङ्लो, “यहवे दाङ्बाए, खे़ने़ॽ के़रे़क् पाःन्हाॽ के़निसुरो॥ आङ्गाॽ निङ्वाॽ इःत्ताङ्ङे़ॽआङ् कुभाॽ पिराङ्ङे़ॽओ॥ आङ्गाॽ तुक्खे के़जाःप्पाहाॽ खुम्दिङ् पिरे़से़ॽओ॥ खे़ङ्हाॽ ले़प्माङ्बा खे़ने़ॽ के़नासि थःप्माल्ले़ चोगुल्ले़ आङ्गाॽ आयाम्साम्मिन् मामा मे़बोङ्ने़न्लरो॥ के़लागि आङ्गाॽ सिरिङ्ममा पोःक्खे़बा पाःन्निन् निङ्वाॽ इःत्ते़ॽओ॥ Gade chapit la |
यर्मिया 15:15
42 Referans Kwoze
मुक्साम्दाङ्बा यहवे दाङ्बाए, साम्योबाहाॽ के़साॽरुसिरो हे़क्क्याङ् मनाहाॽरे़ खुन्छिॽ निङ्वाॽ के़गोःत्तुरो, खे़ङ्हाॽरे़ खुन्छिॽ सिक्लुङ्मान् नु निङ्वाॽओ थे वाॽ, खे़न् के़निसुरो॥ खे़ल्ले़चोगुल्ले़ आनिङ्मिहाॽ खुम्दिङ् के़बिरुसिबान् ओमे़प्मा खोसुङ्लरो थेआङ्भे़ल्ले़ आबाःन्निन् खे़ने़ॽ के़हुक्को हुक्सुप्ने़आङ् वाॽरो॥
आङ्गाॽ ले़बिहाॽ आबाङे सुत्थो पोङ्मा, पेःक्माआङ् यम्बा लाम्धेःप्पान् कोमा नु नाःम्सिङ्मा ये़न्निन् सेसे कप्मा थिम्मिन् नुरिक्काङ् नाःप्मा इङ्जाङ् पिरुङ्सिङ्॥ आनिङ्वाॽफुमाङ्ङे, आङ्गाॽ आलागि कन् निङ्वाॽसोओ कत्ते़ॽओ हे़क्क्याङ् खे़ने़ॽ पयम् यम्बा के़मिःम्जिःल्ले़ आङ्गाॽ लुङ्माॽ तुक्ताङ्ङे़ॽओ॥
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
खे़ल्ले़चोगुल्ले़ आनिगे़ग दाङ्बाल्ले़ कुमिङ्सो इङ्धाङ्ङिन् कुसिङ् निःत्तुम्बे़बाल्ले़ चोगुल्ले़ मनाहाॽ खुने़ॽ ले़प्माङ् मे़नुःङ्ल फाॽआङ् हाङ्हाङ् मे़त्तुम्सिम्बे़ॽरो॥ निङ्वाॽफुमाङ्ङिल्ले़ आनिगे आक्तङ्बा चोगिगे़ॽ के़लॽबान् नुःरिक्काङ् निसुॽरो, हे़क्क्याङ् खिनिॽआङ् खे़न् कुसिङ् के़निःत्तुम् के़लॽबान् निङ्साङ् चोगुम्बे़ॽरो॥
आमिःम् आन्जुम्से, फे़न् पाःन्निल्ले़ कुले़क्वा आप्फाल्ले़आङ् ताप्फे़ःम्बा मे़जोगे़म्मिन्ने़ॽओ, कर निङ्वाॽफुमाङ्ङिल्ले़ कुसाक्के़न्नो ले़रे़म्मे़ॽओ, थेआङ्भे़ल्ले़ साम्योसाप्लाओ अक्खे साप्ते़आङ् पत्, “ताप्फे़ःम्बा याःम्बक् के़जोक्पे़न् खुम्दिङ् पिमाग आलक्लो॥ इङ्गाॽए कुले़क्वा नुःक्तुङ् पिरुङ् लॽरिक् यहवे दाङ्बाल्ले़ पाःत्तुरो॥”
खे़ब्याङ् आङ्गाॽ मे़त्तुङ्लो, “चिःत्ताङ् स्याङ्लो! चिःत्ताङ् स्याङ्लो! आङ्गाॽ आम्मारे़ थेआङ् कत्ताङ्बाइरो? लाजेॽओबा के़रे़क् मनाहाॽनु आङ्गाॽ पाःन्धङ् नु खे़माॽ चोःक्मा पोङ्लो॥ आङ्गाॽ हाःत्ताङ् कुभा सिङ्नात् मे़म्बिए वाॽआरो, वेॽहाॽलाम्बा थे़माआङ् सिङ्नात् मे़न्दाःत्ते वाॽआरो हे़क्केसाङ् के़रे़क्ले़ माङ्दे साङ्ग्रा मे़मे़त्तारो॥”
“यहवे दाङ्बाए, खे़ने़ॽ के़दगि आङ्गाॽ आक्खे़न् नसानिबा पोःक्खाङ्ङाङ् के़रे़क् आनिङ्वाःल्ले़ के़से़वा याःम्बक् चोगुङ्ल लाङ्घेगाङ्ङाङ् वाॽआ, हे़क्क्याङ् खे़ने़ॽ ओगे़मे़त्तुल्ले़ थेःन् नुबा चोक् आङ्गाॽ हाबा खे़न् चोगुङ्ङाङ् वाॽआ, खे़न् निङ्वाॽ इःत्ते़ॽओ॥” हे़क्क्याङ् हिजकियान् उःक्काङ् उःक् हाबे़॥
खे़ब्याङ् सिमसोनरे़ यहवे दाङ्बे़न् पेलि फाक्तुआङ् मे़त्तु, “यहवे दाङ्बा निङ्वाॽफुमाङ्ङे, आङ्गाॽ निङ्वाॽ इःत्ताङ्ङे़ॽओ! निङ्वाॽफुमाङ्ङे, आङ्गाॽ आल्लसाङ् याम्मो थिक्ले़ङ्धिक् मुक्साम् पिराङ्ङे़ॽओ, हे़क्क्याङ् आङ्गाॽ आमिक्हाॽ मे़लःत्तु मे़देसु मे़बिराङ्बाल्ले़ लागि कन् पलिस्तिहाॽओ थिक्ले़ङ्माल्ले़ कुले़क्वा नुःक्मा सुक्तुङ्लरो॥”
कर के़धुम्बा नु मुक्साम्दाङ्बा यहवे दाङ्बाए, खे़ने़ॽ आङ्गाॽ ले़प्माङ् के़वाॽरो हे़क्क्याङ् आङ्गाॽ के़घुम्बाहाॽ मे़दोःक्काङ् मे़गे़ङ्लो॥ हे़क्क्याङ् खे़ङ्हाॽ सदादिङ् सिरिङ्ममो मे़धारो थेआङ्भे़ल्ले़ खे़ङ्हाॽ कुलिङ्दो के़गे़प्पा पोङ्मा मे़न्छुक्ने़न्लो हे़क्क्याङ् खे़ङ्हाॽरे़ खुन्छिॽ नाधामान् आप्फाल्ले़आङ् निङ्वाॽ मे़म्भेःत्छुन्लो॥
कर यहवे दाङ्बाए, आङ्गाॽ से़प्मारे़ लागि खे़ङ्हाॽरे़ चे़म्भन् मे़जोगुरो खे़न् के़रे़क् खे़ने़ॽ के़दगि नुरिक्काङ् थाबे़आङ् वाॽरो॥ खे़ङ्हाॽरे़ खुन्छिॽ कुॽइभे़म्मान् ले़प्मि मे़बिरे़से़न्ने़ॽओ हे़क्क्याङ् खे़ङ्हाॽरे़ खुन्छिॽ लायोन् मे़घे़त्ते़न् मे़बिरे़से़न्ने़ॽओ॥ खे़ङ्हाॽ हारिमे़दार याःन्दे़से़ॽआङ् सोःन्दे़से़ॽओ हे़क्क्याङ् खे़ने़ॽ के़साक्के़न् पोःक्पा हे़क्केए खे़ङ्हाॽरे़ खोमा मे़यारुबा खुम्दिङ् पिरे़से़ॽओ॥”
Piblisite