हे़क्केःल्ले़ आङ्गाॽ खिनिॽ कन् लाजेॽलाम्बा लःत्निङ्ङाङ् वेॽ अक्तङ्बा लाजेॽओ युङ्निङ्, खे़ल्ले़ कुयाःम्बेओ खिनिॽ नु खिनिॽ पाधे़बाहाॽरे़ थेआङ् कुसिङ् मे़न्निःत्ते के़वयिॽ॥ हे़क्क्याङ् खे़प्मो खिनिॽ से़न्दिक् ले़न्दिक् कुसिङ् मे़न्निःत्तेबा साम्माङ्हाॽ से़वा के़मे़त्तुम्सिम् थेआङ्भे़ल्ले़ आङ्गाॽ खिनिॽ आलुङ्माॽ स्याःत् के़न्लॽरिन्लो॥’”
यर्मिया 15:14 - लिम्बु14 आङ्गाॽ खे़निॽ कुसिङ् के़न्निःत्तुम्सिम्मे़म्बा लाजेॽओ खे़निॽ निङ्मिहाॽरे़ खुन्छिॽ याःम्बक् चोःक्मा पाङ्निङ्लो थेआङ्भे़ल्ले़ आङ्गाॽ आसिक्के़न् मि हे़क्के तिरे़आङ् वाॽरो हे़क्क्याङ् खे़न् खिनिॽ तक्ले़ङ्वाओ सदादिङ् हुरुरु तिःत्ल ने़रो॥” Gade chapit la |
यर्मिया 15:14
18 Referans Kwoze
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
आङ्गाॽ इक्ताप्पो पेःक्काने़भग्र, खे़प्मो थङ्ङो के़सिबाहाॽरे़ खुन्छिॽ चेहाॽ निसुङ्लो॥ आङ्गाॽ ये़क्यक्को लाःत्ताने़भग्र, खे़ॽयो मनाहाॽ साक्मे़न्जाए मे़सिर मे़बप्पा निसुङ्सिङ्लो॥ माङ्निङ्वाॽपान् के़बाःप्पाहाॽ नु निङ्वाॽफुसाम्बा के़रे़क्ले़ आबाङे याःम्बक्किन् मे़जोगुर मे़बत्लो॥ कर खे़ङ्हाॽरे़ थे़मा याःम्बक् मे़जोगुर मे़बत्, खे़न् खे़ङ्हाॽरे़ थेआङ् मे़न्निसुन्लो॥”
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
खे़ल्ले़चोगुल्ले़, खे़ङ्हाॽरे़ खुन्छिॽ सम्धाङ् मि हे़क्तङ्बा खुने़ॽ कुसिक्के़न् थासुरो हे़क्क्याङ् ते़न्धङ्ङो खे़ङ्हाॽ मे़क्खुसिरो॥ खे़ल्ले़चोगुल्ले़ खे़ङ्हाॽरे़ खुन्छिॽ के़रे़क् पिसाङ् मि तिरे़रो, हम्भसाङ् खे़ङ्हाॽरे़ कुसिङ् मे़न्निःत्तुल्लो॥ खे़न् मिःल्ले़ खे़ङ्हाॽ मे़क्खुसिरो, हे़क्केसाङ् खे़न् पाःन्निन् खे़ङ्हाॽरे़ खुन्छिॽ निङ्वाॽओ मे़न्युक्खुल्लो॥”
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
Piblisite