यर्मिया 14:9 - लिम्बु9 थेआङ् खे़ने़ॽ के़नाक्पा के़बेःक्पा मना कुइसिक् के़बोःक्खे़बाबे? इग्र याप्मि फाॽमा मे़न्छुक्मनाबा मुक्के़गुबा थक्सुबा कुसिङ् थेआङ् के़बोःक्खे़बाबे? यहवे दाङ्बाए, खे़ने़ॽ से़क्खासाङ् आनिगे लुम्मो के़वाॽरो॥ आनिगे़ग खे़ने़ॽ के़मिङ् के़दक्पासिगे़ फाॽआङ् मे़निसिगे़रो, आनिगे याप्मि आन्नाॽरे़न्ने़ॽओ॥” Gade chapit la |
यर्मिया 14:9
31 Referans Kwoze
खे़ने़ॽ आङ्गाॽनु के़बारे़रो हे़क्क्याङ् के़रे़क् के़बाःन्जाःक्किन् कुजानुरे़र खे़प्सुङ्लो॥ यहवे दाङ्बा मुक्साम्दाङ्बा निङ्वाॽफुमाङ्ङे, आङ्गाॽ खे़ने़ॽ के़मिङ् तक्तुङ्लो हे़क्क्याङ् के़बाःन्जाःक्हाॽरे़ चोगुल्ले़ आसिक्लुङ्मान् सःत्ते़रो खे़ब्याङ् आङ्गाॽ साॽरिक् आनिङ्वाॽ त्ये़रो॥
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
हे़क्क्याङ् इङ्गाॽ हाङ्युक्नाओलाम् यम्बा इक्लाधिक् त्ये़बा खे़प्सुङ्लो, “आल्ल निङ्वाॽफुमाङ्ङिल्ले़ कुवाॽमा ते़न्निङ्ग मे़न्छाम् याप्मिहाॽनु सोरिक् पोःक्खे़आङ् वाॽ, हे़क्क्याङ् खुने़ॽ खे़ङ्हाॽनु वाॽ॥ हे़क्क्याङ् खे़ङ्हाॽग कुसेसे याप्मि मे़बोङ्लो॥ निङ्वाॽफुमाङ्ङिन् आबाङे खे़ङ्हाॽनु वाॽआङ् खुने़ॽ खे़ङ्हाॽरे़ खुनिॽ निङ्वाॽफुमाङ् पोङ्लो॥
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् खिनिॽ ताङ्से़ःप्मारे़ लागि नु निङ्मिहाॽ हुक्को थामासिरे़ लागि खिनिॽ साःङ्गाहिम्हाॽओ नाना कत्ना लाङ्घेःक्काङ् वाॽ॥ खिनिॽ लुम्मो आत्तिन् परिक्ले़न्नाङ् चिःन्जिःन् के़घुबा पाःन्हाॽ यहवे दाङ्बे़ल्ले़ कुदगि निमे़धाःप्ने़न्ल फाॽआङ् खिनिॽ थक्सुबा साःङ्गाहिम्मिन् सेसे पोङ्मा पोङ्ॽ, मेःन्ने़भग्र खुने़ॽ खिनिॽलाम् नुःङ्बेःक्लो॥
आप्फेक् आमिङ् के़बाःप्पा आङ्गाॽ आमनाहाॽरे़ चुङ्जिगे़न् पेलि मे़भाक्का, हे़क्क्याङ् आङ्गाॽ मे़गोःत्ताआङ् खुन्छिॽ फे़न्याःम्बक्लाम् मे़नुःङ्ने़भग्र आङ्गाॽ साङ्ग्राम्पेदाङ्लाम् खे़ङ्हाॽरे़ खुन्छिॽ पेलिगे़न् तुवान् खे़प्सुङ्ॽ, खम्भ्याङ् खे़ङ्हाॽरे़ खुन्छिॽ लायोन् ले़प्मि पिरुङ्सिङ्ङाङ् खुन्छिॽ लाजेन् नुॽदार चोगुङ्ॽ॥
Piblisite