यर्मिया 14:7 - लिम्बु7 आङ्गाॽ आमनाहाॽरे़ अक्खे मे़बाःत्तुर पेलिगे़न् तुवा मे़जोःक्कारो, “आनिगे लायोल्ले़ आनिगे याप्मि फोत्याबाए लेःत्तिगे़रो, हे़क्केसाङ् यहवे दाङ्बाए, आबाङे के़मिङ्ङिल्ले़ चोगुल्ले़ आभाॽरे़ॽओ॥ यरिक्ले़ङ् आनिगे खे़ने़ॽनु लाःत्लाःत् पोःक्खिगे़आङ् वयिगे़रो, खे़ने़ॽ के़दक्ले़ङ्वाओ आनिगे लायो चोगुम्बे़आङ् वयिगे़रो॥ Gade chapit la |
यर्मिया 14:7
30 Referans Kwoze
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
करसाङ् मिस्रलाम् आङ्गाॽ इस्राइलिहाॽ लःत्तुङ् थाक्तुङ्सिङ्ङिल्ले़ आङ्गाॽ आमुक्साम्मिन् के़निबाआङ् के़वाॽबा मे़न्छाम् सुवाङ्हाॽरे़ खुन्छिॽ तगि आङ्गाॽ आमिङ्ङो सिरिङ्ममा मे़बोङ्ने़न्ल फाॽआङ् आङ्गाॽ आमिङ्सो आधाङ्सोन् से़ःप्मारे़ लागि खे़ङ्हाॽरे़ खुन्छिॽ तक्ले़ङ्वाओ आङ्गाॽ हे़क्के मे़न्जोःक्पा॥
कर आङ्गाॽ आमिङ्सो आधाङ्सोन् से़ःप्मारे़ लागि आङ्गाॽ मे़न्जोःक्पा॥ मिस्रलाम् आङ्गाॽ इस्राइलिहाॽ लःत्तुङ् फे़त्तुङ्सिङ्ङिल्ले़ आङ्गाॽ हाःत्आ फाॽआङ् आप्फेक् ओसेःन्धाङ् पोःक्खाङ्बा के़निबा के़रे़क् पिसाङ्बा मे़न्छाम् सुवाङ्हाॽरे़ खुन्छिॽ लुम्मो आङ्गाॽ आमिङ्ङो सिरिङ्ममा के़बोङ्बा पोःक्खे़र मे़न्जोक्पे़न्॥
योसियाहन् हाङ् वये़ल्ले़ यहवे दाङ्बे़ल्ले़ आङ्गाॽ मे़त्ताङ्, “याम्बोःप्मा याःम्बक् के़जोःक्मा मे़न्छुमाःल्ले़ हे़क्के इस्राइलरे़ थेधे चोगु, थे खे़ने़ॽ के़निसुबि? खे़ल्ले़ आङ्गाॽ ले़प्माङ् आबाङे कुएःक्थाःक्मान् हिसाङ् पिराङ् हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओ नु के़रे़क् सरेःक्याःप्पा सिङ्बुङ् सिगाङ् याम्बोःप्मा याःम्बक् चोगु॥
निङ्वाॽफुमाङ्ङिल्ले़ कुमनाहाॽरे़ अक्खे मे़बाःत्तुरो, “आनिॽ थेआङ् स्वाःत् आयुङ् आजाबाबे? लु फे़रे़म्मे़ॽओ, आनिॽ लोःक्तिर ताङ्से़ःप्सिङ्मादे़न् के़ने़बा ये़क्यक् ले़प्माङ् पेगिरो हे़क्क्याङ् आनिॽ खे़प्मोए हदॽ स्ये़ॽइरो॥ यहवे दाङ्बा आनिॽ निङ्वाॽफुमाङ्ङिल्ले़ आनिॽ मे़ङ्मारे़ लागि इङ्जाङ् पिरुसिआङ् वाॽरो॥ खुने़ॽ आममबा निङ्ङिन् थुङ्मा आबिरे़आङ् वाॽरो थेआङ्भे़ल्ले़ आनिॽ खुने़ॽ कुदक्ले़ङ्वाओ लायो आजोगुम्माङ् वाॽरो॥
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
खुने़ॽ आङ्गाॽ ले़प्माङ् खासे़न् मे़लोःन्दुन्ल थारिक्, हे़क्क्याङ् आघोमा युक्किन् निःन्धो मे़जोगुन्ल थारिक्, आङ्गाॽ खुने़ॽ कुसाक्के़न्निन् थरुङ्लो, थेआङ्भे़ल्ले़ खुने़ॽ कुदक्ले़ङ्वाओ लायो चोगुङ्ङाङ् वाॽरो॥ खुने़ॽ आङ्गाॽ लःत्ताआङ् ओःत्तिओ ताःत्तारो, हे़क्क्याङ् आङ्गाॽ खुने़ॽ कुसाम्योनिमान् निसुङ्लो॥
Piblisite