यर्मिया 14:16 - लिम्बु16 हे़क्क्याङ् खे़ङ्हाॽरे़ माङ्निङ्वाॽपान् मे़मे़त्तुसिबा मनाहाॽरे़ खुन्छिॽ चेहाॽ साक् नु ताभेःल्ले़ चोगुल्ले़ यरुसले़ःम्बा लाम्हाॽओ ने़गन् हे़क्क्याङ् खे़न् के़लुप्पा मना थिक्काङ् मे़वाॽने़न्॥ खे़ङ्हाॽ के़रे़क्ले़ खुन्छिॽ मेःत्हाॽ नु साहाॽरे़आङ् हाबा हे़क्तङ्बाए मे़दुमुॽ॥ आबाङे खुन्छिॽ ताप्फे़ःम्बा याःम्बक्किल्ले़ तुम्घोःन् खे़ङ्हाॽ आबाङे खोमा पाङ्घुङ्सिङ्ॽ॥” Gade chapit la |
यर्मिया 14:16
23 Referans Kwoze
खे़ल्ले़चोगुल्ले़ आल्ल खे़ङ्हाॽरे़ खुन्छिॽ साहाॽ साक्मे़न्जाए मे़सिररो, खे़ङ्हाॽग हयङ् ते़न्धङ्ङो मे़से़रुसिररो, मे़न्छुमाहाॽरे़ खुन्छिॽ ये़म्बाहाॽ नु साहाॽ मे़मासुसिररो, ये़म्बित्छाहाॽ तुक्मा लाःक्मा मिङ्देल्ले़ मे़सिररो हे़क्क्याङ् नालिगे़न् थाङ्बे़न्हाॽ थङ्ङो मे़से़रुसिररो॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
यहवे दाङ्बे़ल्ले़ आङ्गाॽ अक्खे पाःप्मा पाङ्ङारो, “इक्ताप्पो पिॽहि लुम्मनाबा हे़क्के, पोगुगे़न् कुजान् सुम्माआङ् इक्ताप्पो ले़प्मना थामनाबा हे़क्के, खे़न् पोगुगे़न् कुजान् आत्तिल्ले़आङ् याम्मो मे़सुप्सुम्बा हे़क्के मना के़सिबाहाॽरे़ खुन्छिॽ चेहाॽ लुम्सिङ्ङाङ् के़रे़क् पिसाङ् से़रे़आङ् ने़रो॥”
के़रे़क् लाम्हाॽरे़ कुया कुदिङ् के़मनाहाॽ खुन्छिॽ थना ले़क्खे़आङ् हर्जुॽ मे़जोःन्दे़आङ् मे़ने़रो॥ खे़ङ्हाॽग सावागे़म्बाल्ले़ कुइओ के़धाबा पे़ःङ्वा कुसिक् मे़लॽरो, खे़ङ्हाॽओ यहवे दाङ्बे़ल्ले़ कुसिक् पोःक्मे़न् थासुआङ् वाॽरो॥ हे़क्क्याङ् खुन्छिॽ निङ्वाॽफुमाङ्ङिल्ले़ साॽरिक् फे़ःक्तुसिआङ् मे़वाॽरो॥
यहवे दाङ्बे़ल्ले़ पाःत्तुॽ, “खे़न् ये़म्मो यहुदाबा हाङ्हाॽ नु हाङ्युक्पाहाॽरे़ खुन्छिॽ ये़प्पाहाॽ हे़क्क्याङ् निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽरे़ खुन्छिॽ ये़त्हाॽ खे़ब्याङ् यरुसले़ःम्मो के़युङ्बा वेॽ मनाहाॽरे़ खुन्छिॽ ये़प्पाहाॽ निङ्मिहाॽरे़ इपुङ्लाम्बा मे़लःत्तुॽ॥
यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़न् माङ्निङ्वाॽपान् के़बाःप्पाहाॽ पाङ्घुसिबा मेःन्! खे़ङ्हाॽरे़ आङ्गाॽ आमिङ्ङो खिनिॽनु इङ्ले़क्पा पान् मे़बाःत्तुर मे़बत्, खे़ल्ले़चोगुल्ले़ आङ्गाॽ खिनिॽ कन् लाजेःन्लाम् नाःत्निङ्दे़निङ्॥ खिनिॽ के़रे़क् के़स्ये़ॽइ॥ खिनिॽ हे़क्क्याङ् कन् माङ्निङ्वाॽपान् के़बाःप्पाहाॽ के़रे़क् के़मे़गिॽ॥’”
“लाजेन् सुत्थो चोःक्मारे़ लागि चक्मे़ल्लॽए मनाहाॽ याःम्बक्को मे़भत्छुसिॽ॥ लाजेॽ के़रे़क् पिसाङ् कुभा मे़बेःक् हे़क्क्याङ् खे़ङ्हाॽरे़ खुन्छिॽ योॽबा, खाम्बाङ्ङो के़ने़बा के़याःक्पाहाॽ वेॽहाॽरे़ मे़लुप्तुसिॽ॥ नुसि ला एगाङ्, खे़ङ्हाॽरे़ खे़न् मनाहाॽ कोःप्मासि याःम्बक् चोःक्मा मे़हेःक्तुॽ॥
कल्ले़चोगुल्ले़ यहवे दाङ्बे़ल्ले़ अक्खे पाःत्तुरो— ‘खे़ने़ॽ के़मेःत्ते़न् ये़क्यक्को लत्छा के़त्निमा पोङ्लो, हे़क्क्याङ् के़स्सा ये़म्बित्छाहाॽ नु मे़न्छुमाहाॽ ताभेःल्ले़ मे़ज्ये़प्तुसिरो, खे़ने़ॽ के़लाजेॽ सिङ्बुङ्हाॽ मे़सिःक्तुआङ् मे़भःक्खुरो॥ खे़ने़ॽग नावाइत्ला से़वा के़मे़प्पाहाॽरे़ खुन्छिॽ लाजेॽओ के़सिरो, हे़क्क्याङ् इस्राइले़ङ्ग से़क्खासाङ् आप्फेक् कुलाजेॽलाम् मे़लःत्तु मे़देसुआङ् माःङ्घा लाजेॽओ मे़देॽरुरो॥’”
आङ्गाॽ अक्खे मे़त्तुङ्सिङ्लो, “मे़न्छुमासे, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् खुने़ॽ पाःत्तुबा पाःन्हाॽ सिङ्सिङ्ङाङ् खे़प्से़म्मे़ॽओ॥ खिनिॽ मे़न्छुमा साहाॽ मे़रिङ् थक्मा हुॽरे़म्सिम्मे़ॽओ खे़म्ब्याङ् खे़ने़ॽ के़न्देःङ् के़न्जुम्हाॽ निङ्वाॽ तुक्खे चामाओ साम्लोमा हुॽरे़म्सिम्मे़ॽओ॥
Piblisite