यर्मिया 14:15 - लिम्बु15 खे़न् माङ्निङ्वाॽपान् के़बाःप्पाहाॽ, आत्तिन्हाॽआङ् आङ्गाॽ पाङ्घुङ्सिङ्बा मेःन्, हे़क्केसाङ् लाजेॽओ ते़न्धङ् नु साक्वान् मे़दाने़न् फाॽआङ् खे़ङ्हाॽरे़ आमिङ्ङो माङ्निङ्वाॽपान् मे़बाःत्तुॽ, आङ्गाॽ खे़ङ्हाॽ ते़न्धङ् नु साक्किल्ले़ए मे़क्खुङ्सिङ् फाॽआङ् आङ्गाॽ यहवे दाङ्बे़ल्ले़ खे़ने़ॽ मे़त्ने़रो॥ Gade chapit la |
यर्मिया 14:15
26 Referans Kwoze
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
कल्ले़चोगुल्ले़ यहवे दाङ्बे़ल्ले़ अक्खे पाःत्तुरो— ‘खे़ने़ॽ के़मेःत्ते़न् ये़क्यक्को लत्छा के़त्निमा पोङ्लो, हे़क्क्याङ् के़स्सा ये़म्बित्छाहाॽ नु मे़न्छुमाहाॽ ताभेःल्ले़ मे़ज्ये़प्तुसिरो, खे़ने़ॽ के़लाजेॽ सिङ्बुङ्हाॽ मे़सिःक्तुआङ् मे़भःक्खुरो॥ खे़ने़ॽग नावाइत्ला से़वा के़मे़प्पाहाॽरे़ खुन्छिॽ लाजेॽओ के़सिरो, हे़क्क्याङ् इस्राइले़ङ्ग से़क्खासाङ् आप्फेक् कुलाजेॽलाम् मे़लःत्तु मे़देसुआङ् माःङ्घा लाजेॽओ मे़देॽरुरो॥’”
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़न् माङ्निङ्वाॽपान् के़बाःप्पाहाॽ पाङ्घुसिबा मेःन्! खे़ङ्हाॽरे़ आङ्गाॽ आमिङ्ङो खिनिॽनु इङ्ले़क्पा पान् मे़बाःत्तुर मे़बत्, खे़ल्ले़चोगुल्ले़ आङ्गाॽ खिनिॽ कन् लाजेःन्लाम् नाःत्निङ्दे़निङ्॥ खिनिॽ के़रे़क् के़स्ये़ॽइ॥ खिनिॽ हे़क्क्याङ् कन् माङ्निङ्वाॽपान् के़बाःप्पाहाॽ के़रे़क् के़मे़गिॽ॥’”
यहवे दाङ्बाए, ओमे़त्ते़ॽओ, हे़क्क्याङ् निङ्वाॽ इःत्ते़ॽओ, आदाङ्बारे़ अक्तङ्बा तुक्खे हात् के़जाःत्तुआङ् वाॽबे? थे मे़न्छुमाहाॽरे़ खुन्छिॽ आप्फेक् फक्थुङ्मो मे़ने़स्सुसिबा, खुन्छिॽ आप्फेक् मे़गत्तुसिबा आम्ब्रे़ःङ्वा साहाॽ मे़जसिरबि? निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ यहवे दाङ्बे़ल्ले़ कुसेसेदे़न्नो मे़स्ये़रुसिरबि?
“‘हे़क्क्याङ् कुभा माङ्निङ्वाॽपान् के़बाःप्पान् इङ्घङ् पिमारे़ लागि इङ्ले़क्को थ्ये़आङ् वाॽने़भग्र, कङ्ग आङ्गाॽ यहवे दाङ्बे़ल्ले़ खे़न् माङ्निङ्वाॽपान् के़बाःप्पे़न् इङ्ले़क्को थासुङ्ङाङ् वाॽबाल्ले़ चोगुल्ले़ हे़क्के पोःक्खे़बारो॥ अक्तङ्बा माङ्निङ्वाॽपान् के़बाःप्पान् आङ्गाॽ आहुक्किल्ले़ साःप्सुङ्ॽ, हे़क्क्याङ् इस्राइलबा सङ्जुम्भोलाम् खे़न् मे़क्खुङ्ॽ॥
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
आङ्गाॽ खुन्छिॽ पोगुगे़न् कुजाहाॽ तेॽरुङ् पिरुङ्सिङ्लो चे़ल्ले़क्सेल्ले़ कुबुङ्ङो चे़ल्ले़क्सेॽ मे़बत्ने़न्लो, हे़क्क्याङ् पःत्छेॽबुङ्ङोआङ् कुजाॽ मे़धोःक्ने़ल्लो॥ खे़ल्ले़ कुभे़क्वाहाॽआङ् इरे़म्बेःक्लो॥ खे़ल्ले़ खे़ङ्हाॽ थेधे पिरुङ्सिङ्ङाङ् वयाङ् खे़न् के़रे़क् खे़ङ्हाॽरे़ खुन्छिॽ हुक्कोलाम्बा नाप्तुङ्सिङ्लो, आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
इङ्ले़क्पा सुफोहाॽ के़निबा नु मे़न्वाॽमनाबा माङ्निङ्वाॽपान् के़बाःप्पाहाॽ के़रे़क् आङ्गाॽ आहुक्किल्ले़ साःप्सुङ्सिङ्ॽ, हे़क्क्याङ् इस्राइलि सङ्जुम्भोहाॽरे़ खे़ङ्हाॽ मे़लःत्तु मे़देसुसिॽ॥ आङ्गाॽ खे़ङ्हाॽरे़ खुन्छिॽ मिङ्हाॽ इस्राइलबा साप्पन्हाॽओलाम् मासुङ् पिरुङ्सिङ्ॽ, हे़क्क्याङ् खे़ङ्हाॽरे़ खुन्छिॽ आप्फेक् लाजेॽओ आप्फाल्ले़आङ् खुन्छिॽ लाङ्योक् मे़न्धासुन्ॽ॥ खे़ब्याङ् आङ्गाॽए मुक्साम्दाङ्बा यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
Piblisite