यर्मिया 14:12 - लिम्बु12 खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥” Gade chapit la |
यर्मिया 14:12
32 Referans Kwoze
खे़ल्ले़चोगुल्ले़ आङ्गाॽ यहवे दाङ्बे़ल्ले़ पाःत्तुङ्ॽ, आङ्गाॽ खे़ङ्हाॽ अक्खेलॽरिक् साम्दिङ् पिरुङ्सिङ्ङाङ् आङ्गाॽ खे़ङ्हाॽरे़ खुन्छिॽ सम्धाङ् मे़क्मासिमे़न् तारुङ्ॽ हे़क्क्याङ् खे़ङ्हाॽ खे़त्छिङ्मा मे़न्छुक्ने़न्॥ खम्भ्याङ् खे़ङ्हाॽरे़ कुभाॽरे़ लागि आङ्गाॽ पेलि मे़भाक्काने़भग्र आङ्गाॽ मे़घे़प्सुङ्ङिन्॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
कर खे़ङ्हाॽरे़ मे़बाःत्तुॽ, ‘आनिगे तःक्ने़त् युङिगे़रो, हे़क्क्याङ् खे़निॽ थेआङ् के़न्निसुम्मिम्बाबे? आनिगे नःम्नःम्बा पोःक्खिगे़रो, हे़क्क्याङ् खे़निॽ थेआङ् निनि के़न्लाप्तुम्मिम्बाबे?’ हे़क्केसाङ् खिनिॽ तःक्ने़त् के़युङिबा ये़न्नो खिनिॽ आबाङे चोःक्मा निङ्वाॽ के़जोगुम्बा पाःन्निन्लक् के़जोगुम्लो॥ खे़म्ब्याङ् खिनिॽ याःम्बक् के़जोःक्पा के़बिबाहाॽ के़रे़क् के़घुम्सुम् के़से़रुम्सिम्लो॥
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
आङ्गाॽ खुन्छिॽ पोगुगे़न् कुजाहाॽ तेॽरुङ् पिरुङ्सिङ्लो चे़ल्ले़क्सेल्ले़ कुबुङ्ङो चे़ल्ले़क्सेॽ मे़बत्ने़न्लो, हे़क्क्याङ् पःत्छेॽबुङ्ङोआङ् कुजाॽ मे़धोःक्ने़ल्लो॥ खे़ल्ले़ कुभे़क्वाहाॽआङ् इरे़म्बेःक्लो॥ खे़ल्ले़ खे़ङ्हाॽ थेधे पिरुङ्सिङ्ङाङ् वयाङ् खे़न् के़रे़क् खे़ङ्हाॽरे़ खुन्छिॽ हुक्कोलाम्बा नाप्तुङ्सिङ्लो, आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
खे़निॽ याम्मो वेॽ पान् के़जोगुम्, खे़निॽ मिक्वाःल्ले़ यहवे दाङ्बाओ ले़त्ति तोःम्मादे़न्निन् वागे़रक्सुम्ॽ॥ खे़निॽ के़हाबि हे़क्क्याङ् मे़रिङ् के़धक्तिॽ, थेआङ्भे़ल्ले़ खे़निॽ हुक्कोबा हुक्सोयाङ्ङिन् खुने़ॽ आभे़ल्ले़आङ् निनि मे़लाप्तुन्ॽ, खे़न् हुक्सोयाङ्ङिन् यहवे दाङ्बे़ल्ले़ मे़दाःक्तुन्॥
Piblisite