यर्मिया 14:10 - लिम्बु10 कन् मनाहाॽरे़ खुन्छिॽ याःम्बेओ यहवे दाङ्बे़ल्ले़ अक्खे पाःत्तुरो, “खे़ङ्हाॽ आङ्गाॽलाम्बा माःङ्घाए पोङ्मा सिराॽधाङ्लो हे़क्क्याङ् आबाङे खे़ङ्हाॽ युक्को मे़न्वाॽने़न्लो॥ खे़ल्ले़चोगुल्ले़ खे़ङ्हाॽनु आनिङ्वाॽ मे़दाने़न्लो॥ आङ्गाॽ खुन्छिॽ फे़न्याःम्बक्किन् निङ्वाॽ इःत्तुङ्लो खे़ब्याङ् खुन्छिॽ लायोल्ले़ कुले़क्वा खुम्दिङ् पिरुङ्सिङ्लो॥” Gade chapit la |
यर्मिया 14:10
25 Referans Kwoze
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
खे़ङ्हाॽरे़ खुन्छिॽ हिम्बेसाङ्बाहाॽ इग्र फुॽनुसाॽहाॽ यहवे दाङ्बान् कुसिङ् निःप्मारे़ लागि आत्तिन्हाॽआङ् हुॽमासि मे़बोङ्ने़न्लो थेआङ्भे़ल्ले़ यम्बा चुक्पा के़रे़क्ले़ कुसिङ् मे़निःत्तारो॥ खे़ङ्हाॽ खुन्छिॽ फे़न्याःम्बक्लाम् ले़प्मि पिरुङ्सिङ्लो हे़क्क्याङ् खुन्छिॽ लायोहाॽ आफाल्ले़आङ् निङ्वाॽ मे़इःत्तान्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
“खे़ब्याङ् याम्मो आभे़ल्ले़आङ् कुभाॽ नाःक्मारे़ लागि इस्राइलरे़ मिस्रःन् कुनामे़साॽरुन्ॽ॥ के़बेःक्पा ये़न्हाॽओ मिस्रःन् नासाॽरुबा पाःन्निन् आक्ख्यारिक् लायोबा चोगे़ फाॽआङ् मिस्ररे़ तुमुबा कुमे़क्मा याक्नाम्मिल्ले़ इस्राइले़न् निङ्वाॽसुम् तारुपिरुॽ॥ खे़ब्याङ् आङ्गाॽए मुक्साम्दाङ्बा यहवे दाङ्बाआ फाॽआङ् इस्राइलरे़ निङ्वाॽ खोसुरो॥”
“खे़ङ्हाॽग मे़जिःत्ते़ मे़स्ये़रो, थेआङ्भे़ल्ले़ खे़ङ्हाॽ आङ्गाॽलाम् माःङ्घा मे़घे़त्छिङ् मे़बेआङ् मे़वाॽरो! खे़ङ्हाॽ खाप्पुथ्यःङ् मे़बोङ्लरो, थेआङ्भे़ल्ले़ आङ्गाॽ आदक्ले़ङ्वाओ खे़ङ्हाॽ पिफ्युङ्बा मे़बोःक्खे़आङ् मे़वाॽरो॥ कुमे़ल्लुङ् हुङ्माआङ् खे़ङ्हाॽ थे़ॽमासि आनिङ्वाॽ वाॽरो, कर खे़ङ्हाॽरे़ आङ्गाॽ आदक्ले़ङ्वाओ इङ्ले़क् मे़बाःत्तुरो॥
Piblisite