यर्मिया 13:24 - लिम्बु24 यहवे दाङ्बे़ल्ले़ पाःत्तुरो, “मुरे़क् खारे़क्पा ये़ःङ्घादे़न्नोबा सुरिःत्तिल्ले़ याॽसिप्पे़न् फे़सुरो हे़क्केलॽरिक्के आङ्गाॽ खिनिॽ फुत्छिङ्ज्याङ् चोःक्निङ्लो॥ Gade chapit la |
यर्मिया 13:24
19 Referans Kwoze
कुलक् सुम्सिओ कुलक् थिक् खिनिॽ मनाहाॽ ये़क्यक्को तुक्मा नु साक्वाःन्लाम् मे़सिरो॥ ये़क्यक्कोबा लुङ्धाक् लाःक्कात् निङ्मिहाॽरे़ कुलक् सुम्सिओ कुलक् थिक् खिनिॽ मनाहाॽ मे़हे़गु मे़से़रुसिॽ॥ हे़क्क्याङ् कुलक् सुम्सिओ कुलक् थिक् आङ्गाॽ ताभेःल्ले़ नाःत्तुङ्सिङ्ङाङ् सुरित् केजङ्ङो फुत्लुम् थ्यःङ् से़सुङ्देसुङ्सिङ्ॽ॥
के़जइःत्साप् यरुसले़ःम्मिल्ले़ कुलुम्मो कल्ले़ कुलक् थिक् ने़स्से़ॽ॥ थङ्ङो किर्गप् कप्मा के़ले़ङ्सिङ्बा याःम्बक्किन् चुःत्ताङ् कुलक् थिक् खे़प्मो हाःन्दे़देसे़ॽ॥ वेॽ कुलक् थिक्के़न् खे़ने़ॽ के़साप्चइःत् के़रे़क् पिसाङ् से़से़देसे़ॽ हे़क्क्याङ् ताभेःल्ले़ चाक्खक् चाक्खक् खक्ते़ॽ॥ कुनुप्मा वेॽ कुलक् थिक्के़न् सुरित् केजङ्ङो फुत्लुम् थ्यःङ् से़से़देसे़ॽ, थेआङ्भे़ल्ले़ आङ्गाॽ आमनाहाॽ ताभेःल्ले़ फुत्छिङ्ज्याङ् से़सुङ्देसुङ्सिङ्ॽ॥
लायोलाम् हिम्मा ये़न्निन् चासिप् हे़क्के फे़मा तेॽमानुःल्ले़ तगि खासे़न् पोङ्मा हेःक्मानुःल्ले़ तगि, यहवे दाङ्बे़ल्ले़ के़दिःप्पा कुसाक्के़न्निन् खिनिॽ सम्धाङ् चुक्मानुःल्ले़ तगि, हे़क्क्याङ् यहवे दाङ्बे़ल्ले़ साॽरिक् कुसिक् पोःक्मा ये़न्निन् खिनिॽ सम्धाङ् थामानुःल्ले़ तगिए खिनिॽ सोरिक् चुप्से़म्मे़ॽओ॥
हे़क्केसाङ् के़गुङ्बा के़युबा च्वाःत्तिन् सःक्पा कुइसिक् इक्सादिङ् खाम्बेःक्मोबा मे़न्छाम् सुवाङ्हाॽ मे़अःक्लो, हे़क्क्याङ् निङ्वाॽफुमाङ्ङिल्ले़ खे़ङ्हाॽ फे़ःक्तुसिरो, हे़क्केःल्ले़ खे़ङ्हाॽ माःङ्घा मे़घे़त्छिङ् मे़बेःक्लो, खे़ब्याङ् सुरित् केजङ्ङिल्ले़ कोःक्माओ फे़सु तेॽरुबा चासिप् नु खइक् खइक् के़इक्सिङ्बा साम्मिःत् केजङ्ङिल्ले़ फे़सु तेॽरुबा याःन्सुङ्हाॽ कुइसिक् खे़ङ्हाॽ पुबेलाप्सा मे़नाःत्तुसिरो॥
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
“दाङ्बे़ल्ले़ के़रे़क् आधक्सुबाहाॽ नाॽरुसिआङ् वाॽरो, आङ्गाॽ थाङ्बे़न् आमनाहाॽ तरःम्दरःम् लःम्मासिरे़ लागि आङ्गाॽ आदक्ले़ङ्वाओ के़धुम्बाहाॽ फुक्खुसिआङ् वाॽरो॥ खुने़ॽ चे़ल्ले़क्सेॽ एःम्मादे़न्नो, चे़ल्ले़क्सेॽ एःप्मनाबा हे़क्के यहवे दाङ्बे़ल्ले़ यहुदाःल्ले़ सिसागे़न् कुस्सा मे़न्छ्यान् युःत्तुआङ् वाॽरो॥
Piblisite