यर्मिया 13:23 - लिम्‍बु

²³ थे कुसबा मनाःल्‍ले़ आप्‍फेक् कुने़क्‍सान् फ लॽरिक् ले़ङ्‌मा सुक्‍तुबि? इग्र थे थे़रिङ्‌बाल्‍ले़ आबाङे ते़क्‍क्राबा कुहोरिक्‍पान् ले़क्‍मा सुक्‍तुबि? हे़क्‍केलॽरिक् खिनिॽआङ् नुबा चोःक्‍मा के़न्‍छुक्‍तुम्‍मिन्‍लो, थेआङ्‌भे़ल्‍ले़ खिनिॽ ताप्‍फे़ःम्‍बान् चोःक्‍मा के़हुॽआसिआङ् के़वयिरो॥

यर्मिया 13:23 Referans Kwoze

यर्मिया 2:22

नुरिक् मॽवा के़देॽबा फिःम्‍भ्रिक्‍पाल्‍ले़ साॽरिक् वागे़हप्‍सिङ्‌लो हे़क्‍क्‍याङ् माक्‍से़न्‍निन् यरिक् ओगप्‌ के़जोगुरो हे़क्‍केसाङ् माक्‍के़धक्‍पा खे़ने़ॽ के़लायोन् आङ्‌गाॽ आमिक् तगिए वाॽरो॥

यर्मिया 9:5

खे़ङ्‌हाॽ के़रे़क्‍ले़ खुन्‍छिॽ चुम्‍हाॽ इङ्‌मे़ले़क्‍तुसिरो, आत्तिन्‍नाङ्‌ से़क्‍खा मे़म्‍बाःत्‍ने़न्‍लो॥ खे़ङ्‌हाॽरे़ खुन्‍छिॽ ले़स्‍सोःप्‍पान् इङ्‌ले़क् पाःप्‍मा मे़हुॽरुआङ् वाॽरो॥ खे़ङ्‌हाॽ लायो चोःक्‍मारे़ मे़नासे़आङ् मे़वाॽरो॥

यर्मिया 17:9

“मनाःल्‍ले़ कुनिङ्‌वान् इङ्‌ले़क्‍के चोक्‍लो खे़न् हे़क्‍तङ्‌बा इङ्‌ले़क्‍पा वेॽ थेआङ् होप्‍लो, खे़न् वेःत्‍ल चोःक्‍मा सुक्‍मे़दे़त्‍ने़न्‍लो॥

यर्मिया 5:3

यहवे दाङ्‌बाए खे़ने़ॽ से़क्‍खान् के़गोःत्तुरो॥ खे़ने़ॽ खे़ङ्‌हाॽ के़हिप्‍तुसिरो, कर खे़ङ्‌हाॽरे़ निङ्‌वाॽए मे़म्‍बिरुन्‍लो खे़ने़ॽ पे़दःक् थाम् के़मे़त्तुसि कर खे़ङ्‌हाॽ हुॽसिङ्‌मा मे़न्‍दे़न्‍दे़न्‍लो॥ खे़ङ्‌हाॽ हादिङ् के़धक्‍पा मे़बोःक्‍खे़रो हे़क्‍क्‍याङ् आबाङे लायोहाॽलाम् मे़न्‍नुःक्‍खे़न्‍लो॥

यर्मिया 2:30

आङ्‌गाॽ खिनिॽ खुम्‍दिङ् पिनिङ् कर खे़ल्‍ले़ खिनिॽ थेआङ् के़म्‍मे़त्तिन्‍लो, आङ्‌गाॽ आघुम्‍दिङ्‌लाम्‍बा खिनिॽ के़न्‍हिन्‍दिन्‍लो॥ कुसाक्‍के़न्‍निल्‍ले़ मि के़बोङ्‌बा खिरिङ्‌बान् हे़क्‍के खिनिॽ सिक् पोगे़रो खे़ब्‍याङ् खिनिॽ माङ्‌निङ्‌वाॽपान् के़बाःप्‍पाहाॽ के़से़रुम्‍सिम्‍लो॥

यसैया 1:5

थेआङ् खिनिॽ आल्‍लसाङ् ते़ःम्‍भुक् के़गोःत्तुम्‍बाबे? हे़क्‍क्‍याङ् थेआङ् आल्‍लसाङ् खिनिॽ आदक्‍ले़ङ्‌वाओ पिफ्‍युङ्‌बा के़बोःक्‍खिबाबे? खे़निॽ थे़गेःक्‍को के़रे़क् काःन्‍दे़आङ् पत्‍लो, हे़क्‍क्‍याङ् के़रे़क् खे़निॽ निङ्‌वाॽ तुगे़आङ् वाॽरो॥

खाहुन् 27:22

अदङ् मनान् सुम्‍बाङ्‌ङो थे़क्‍माआङ् हाक्‍मासाङ्, लुङ्‌सुम्‍मो चाःन् याक्‍माआङ् युःप्‍मनाबा हे़क्‍के चोःक्‍मासाङ्, खे़ने़ॽ खे़ल्‍ले़ कुअदङ् चोःक्‍मान् खुने़ॽलाम् के़ल्‍लःत्तुन्‍लो॥

यर्मिया 4:22

यहवे दाङ्‌बे़ल्‍ले़ अक्‍खे पाःत्तुरो, “आङ्‌गाॽ आमनाहाॽ अदङ् मे़जोक्‍लो खे़ङ्‌हाॽरे़ आङ्‌गाॽ कुसिङ् मे़न्‍निःत्तान्‍लो॥ खे़ङ्‌हाॽ ने़हिनिङ्‌वाॽ मेःन्‍नेबा अङे़ःक्‌वाहाॽ हे़क्‍के मे़लॽरो, खे़ङ्‌हाॽरे़ खुन्‍छिॽ खासिङ्‌निःप्‍मा साम्‍मिन्‍ने होप्‍लो॥ खे़ङ्‌हाॽ ताक्‍के़भे़ॽबा याःम्‍बक् चोःक्‍मा के़ले़बा मे़जोक्‍लो, कर खे़ङ्‌हाॽरे़ नुबा याःम्‍बक् चोःक्‍मा मे़ल्‍ले़सुन्‍लो॥”

१ सामुए़ल 19:21

कन् पाःन्‍हाॽ सावलरे़ खे़प्‍सुआङ् याम्‍मोआङ् वेॽ मनाहाॽ पाङ्‌घुसि॥ खे़ङ्‌हाॽआङ् खुन्‍छिॽनु माङ्‌निङ्‌वाॽपान् पाःप्‍मा मे़हेःक्‍ते़॥ सावलरे़ याम्‍मो सुम्‍सिगेःक्‍पो मनाहाॽ पाङ्‌घुसि, हे़क्‍क्‍याङ् खे़ङ्‌हाॽरे़आङ् हाबाहे़क्‍के मे़जोगु॥

२ हाङ् 17:40

हे़क्‍केसाङ् खे़ङ्‌हाॽ खे़म्‍मा मे़न्‍दे़न्‍दे़न्, हे़क्‍क्‍याङ् खुन्‍छिॽ तगिबा ये़प्‍ले़क्‍हाॽ चक्‍मे़ल्‍लॽए मे़इःत्तु मे़नाःत्तुआङ् मे़बत्‍छे़॥

खाहुन्‍साबा 1:15

आत्तिन् पाःन्‍निन् अःक्‍खुॽखुॽबा चोक्, खे़न् तोःन्‍दोम्‍बा चोःक्‍मा सुक्‍मे़दे़त्‍ने़न्‍लो, आत्तिन् पाःन्‍निन् होप्, खे़न् निमा सुक्‍मे़दे़त्‍ने़न्‍लो॥