हे़क्क्याङ् खे़ङ्हाॽ पगि मे़गि मे़यङ्ङाङ् तुक्खे लाक्खेहाॽ नु निङ्साम्हाॽरे़ खे़ङ्हाॽ ते़म्सुसिरो॥ मे़न्छुमाःन् अङे़ःक्वा कप्मा सावाःन्दुल्ले़ तुक्पा कुइसिक् खे़ङ्हाॽ तुक्मा नु किमा यङ्माओ मे़धारो, खे़ङ्हाॽ आबाङे खुन्छिॽलुम्मो निङ्वाॽ माआङ् वरे़क् वरे़क् ओमे़मे़त्छिङ्लो॥ हे़क्क्याङ् खे़ङ्हाॽरे़ खुन्छिॽ नारान् मि के़दिःप्पा कुइसिक् पोङ्लो॥
यर्मिया 13:21 - लिम्बु21 खे़ने़ॽ आबाङे तेःङ्जुम् के़इःत्तुसिबा मनाहाॽरे़ खे़ने़ॽ थङ् थक्मा के़म्नाःन्दे़रो हे़क्क्याङ् हाङ्युक् चोःक्मा मे़इःत्तुल्ले़ खे़ने़ॽ थे़मा के़बाःत्तुइरो? सागप्मा तुङ्ङिल्ले़ तरुमा मे़न्छुमान् तुक्माल्ले़ याःप्पा हे़क्के खे़ने़ॽ के़बोङ्लो॥ Gade chapit la |
यर्मिया 13:21
17 Referans Kwoze
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
खे़ने़ॽ के़हाङ्हिम्मो पक्मे़ध्ये़बा के़रे़क् मे़न्छुमाहाॽ बेबिलोनबा थक्सुबा सुहाङ्युक्पाहाॽरो मे़देॽरुसि॥ खे़ब्याङ् खे़न् मे़न्छुमाहाॽरे़ के़म्गेॽर अक्खे मे़बाःत्तुरो, “‘खे़ने़ॽग नुबा चुम्देङ्हाॽ के़गत्तुसिरो! खे़ङ्हाॽरे़ खे़ने़ॽ इङ् के़म्ले़क्ते़आङ् लाम्गे़म्भोःत्ते़रो॥ आल्ल खे़ने़ॽ के़लाङ्हाॽ खाम्ले़क्वाओ हुमे़ल्ले़ खे़ङ्हाॽरे़ खे़ने़ॽ के़दॽयान् फे़म्मो लाप्के़म्भुसे़रो!’
हाङ्घे़म्मे़ॽ हे़क्क्याङ् निङ्वाॽ इःत्ते़म्मे़ॽओ! आत्तिन् ये़म्बित्छासाःल्ले़ सागप्मा सुक्तुबे? हे़क्केःल्ले़ सादुङ्ङिल्ले़ तरुमा मे़न्छुमान् कुइसिक् थेआङ् के़रे़क् ये़म्बित्छाहाॽरे़ खुन्छिॽ हुक्किल्ले़ साप्पोःक्किन् मे़दे़म्सुबा आङ्गाॽ निसुङ्बे? थेआङ् के़रे़क्ले़ खुन्छिॽ नारान् अम् के़लॽबा पोःक्खे़आङ् वाॽबाबे?
इस्राइलए, वेॽ साम्माङ्हाॽरे़ खुन्छिॽ एगाङ् एगाङ् लाङ्घेगे़ॽआङ् के़लाङ्ङिन् तुक्ल मे़याःन्दे़न्ने़ॽओ, हे़क्क्याङ् कुजाबोःप्मे़न् सर्गे़ङ् हेर मे़जोगे़न्ने़ॽओ॥ कर खे़ने़ॽ के़बाःत्तुॽ, ‘मेःन्! आङ्गाॽ खे़न् ले़प्मा मे़सुक्कान्लो॥ आङ्गाॽ वेॽ सुवाङ्समा माङ्साम्माङ्हाॽ आसिराॽ मे़धाङे़आङ् मे़वाॽरो॥ आङ्गाॽग खे़ङ्हाॽ नाःप्मा तिम्मासिए पोङ्लो॥’”
यरुसले़ःम्मे खे़ने़ॽ खाप्पुथ्यःङ् के़बोङ्लो! थेआङ्ने़ खे़ने़ॽ हे़ःत्ताङ्बा चाङ् के़जाक्खुबे? थेआङ् खे़ने़ॽ साम्म्याङ् वाःत्तिहाॽ के़वारुबे? मिक्को थेआङ् माक्सुःन्दान् के़जाःन्दुबाबे? खे़ने़ॽ आबाङे हने़रक् के़जोःक्सिङ्लो॥ खे़ने़ॽ नागे़नुॽबाहाॽरे़ खे़ने़ॽ के़म्नाॽरे़आङ् वाॽरो हे़क्क्याङ् खे़ने़ॽ से़प्मा निङ्वाॽ मे़जोगुरो॥
Piblisite