यर्मिया 12:15 - लिम्बु15 हे़क्क्याङ् आङ्गाॽ खे़ङ्हाॽरे़ खुन्छिॽ लाजेॽहाॽ आःक्खुङ्देसुङ् हे़क्केसाङ् एगाङ् आङ्गाॽ खे़ङ्हाॽ लुङ्माॽ तुक्तुङ्सिङ्॥ आङ्गाॽ खे़ङ्हाॽ आबाङे खुन्छिॽ लाजेॽओबा इक्ताप्पो नुःक्तुङ् तारुङ्सिङ्॥ Gade chapit la |
यर्मिया 12:15
16 Referans Kwoze
लाजेॽलाम् मे़लःत्तु मे़देॽरुसिबा आमना इस्राइलिहाॽ आङ्गाॽ याङ्ना नुःक्तुङ् फे़त्तुङ्सिङ्लो॥ के़लुःम्बा के़बेःक्पा ये़क्यक्हाॽ खे़ङ्हाॽरे़ याम्मो मे़जोगुरो हे़क्क्याङ् खे़ङ्हाॽ खे़प्मो मे़वाॽ मे़युङ्लो॥ खे़ङ्हाॽरे़ चे़ल्ले़क्सेॽ इक्ताप्हाॽ मे़लेःत्तुरो खे़ब्याङ् खे़ङ्हाॽरे़ चे़ल्ले़क्सेॽ थि मे़धुङुरो॥ खे़ङ्हाॽरे़ सिङ्सेॽ सिङ्बुङ्हाॽ मे़लेःत्तुरो हे़क्क्याङ् खे़ङ्हाॽरे़ खे़न् सिङ्सेॽहाॽ मे़जरो॥
यहवे दाङ्बे़ल्ले़ खिनिॽ हे़क्केए खिनिॽ फुॽनुसाॽहाॽ नाःम्सिङ्मा मे़म्बिसे थारिक्, हे़क्क्याङ् यहवे दाङ्बा खिनिॽ निङ्वाॽफुमाङ्ङिल्ले़ यर्दन नाम्धा पिसाङ् पिरुसिबा लाजेन् खे़ङ्हाॽरे़ युक् मे़न्जोःक्के थारिक्, खिनिॽ अक्खे चोगे़म्मे़ॽ॥ खे़न् एगाङ् आङ्गाॽ खिनिॽ युक्को पिनिङ्बा लाजेॽओ खिनिॽ के़रे़क् नुःङ्माभे़म्मा के़सुक्तिॽ॥”
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
खुने़ॽ कुमुक्साम्मो पोःक्काङ् एगाङ्, खुने़ॽ कुहाङ्जुम्मिन् खे़ःक्काङ् कुलक् लिसिओ पःङ्ॽ॥ खुने़ॽ कुस्साहाॽरे़ खे़न् मे़ङ्घोसुन्ॽ, खुने़ॽ युक् चोगु कत्तुबे़न्नाङ् कुस्साहाॽरे़ मे़ङ्घोसुन्ॽ, हे़क्क्याङ् खुने़ॽ हाङ्युक् चोगुल्ले़ हाङ्जुम्मिन् कुमुक् यागे़बा हे़क्के कुमुक् के़याक्पा मे़बोङ्ने़न्, थेआङ्भे़ल्ले़ खुने़ॽ कुहाङ्जुम्मिन् कुसाःप्पोनुए हाॽयाक् मे़आःक्खुआङ् वेॽहाॽ मे़बिरुसिॽ॥
कर खे़ङ्हाॽरे़ मे़बाःत्तुॽ, ‘इस्राइलिहाॽ थो पिसाङ्बा लाजेॽ नु वेॽ के़रे़क् लाजेॽहाॽलाम्बा हे़क्क्याङ् आत्तान् आत्तान्लाम्बा खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पाआङ् के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा आबाङे खुन्छिॽ लाजेॽओ खे़ङ्हाॽ नुःक्तुङ् तारुङ्सिङ्ॽ॥”
Piblisite