यर्मिया 12:10 - लिम्बु10 “वेॽ लाजेॽबा यरिक् हाङ्युक्पाहाॽरे़ आङ्गाॽ आजे़ल्ले़क्सेॽ इक्ताप्पिन् मे़मे़क्खुआङ् ने़रो॥ खे़ङ्हाॽरे़ आङ्गाॽ यरिक् आब्याङ्सिगे़न् इक्ताप्पिन् मे़सॽरु मे़लाःक्तुआङ् ने़रो॥ साॽरिक् नुबा आलाजेन् खे़ङ्हाॽरे़ मुरे़क् खारे़क्पा ये़ःङ्घादे़न् मे़जोगुआङ् ने़रो॥ Gade chapit la |
यर्मिया 12:10
21 Referans Kwoze
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥
“नासिगे़न् थक्ला के़गप्पा मे़न्छाम् याप्मिए, खे़ने़ॽ इस्राइलबा मे़ल्लुक्कम्बाहाॽरे़ खुन्छिॽ तक्ले़ङ्वाओ माङ्निङ्वाॽपान् पारे़ॽ॥ आङ्गाॽ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—खिनिॽ थक्सालुप्हाॽ कम्ब्राङ् मे़प्मासिरे़ कुले़क्वा खिनिॽ आबाङेरक् कम्ब्राङ् के़मे़त्छिङ्बा मे़ल्लुक्कम्बाहाॽ के़जिःत्ति के़स्ये़ॽइरो॥ थे मे़ल्लुक्कम्बाहाॽरे़ खुन्छिॽ मे़ल्लुक्हाॽ कुजा चाःप्मासि मे़बोङ्ने़म्बि?
खे़न् एगाङ् आङ्गाॽ सेसे माङ्लाइङ्बा ने़त्छि पारे़सिबा खे़प्सुङ्, थिक्पारे़ वेॽ सेसे माङ्लाइङ्बे़न् अक्खे मे़त्तु, “थिक्याःन्धक्पा सिदुङ्जभा, खाप्पुथ्यःङ् के़जोःक्पा पिफ्युङ्ङिल्ले़ कुयाःम्बेओ, हे़क्क्याङ् सेसेदे़न् नु थक्सुबाहाॽ लाङ्ङिल्ले़ मे़दोॽरुसिबा सुफोन् के़प्मारे़ लागि आक्खे़न् ये़म् थरुबे?”
‘खे़ङ्हाॽ वेॽ लाजेॽबा मे़बोःक्खे़आङ् मे़युङे़बा मे़न्छाम् सुवाङ्हाॽरे़ खुन्छिॽ लुम्मो सुरित् केजङ्ङिल्ले़ फे़सुसिबा कुइसिक् आङ्गाॽ फुत्छिङ्ज्याङ् चोगुङ्सिङ्॥ आत्तिन्हाॽआङ् तामा पेःक्मा मे़न्छुक्ते़न्ल थारिक् खे़ङ्हाॽरे़ खुन्छिॽ लाजेन् चिजि खक्खक् पोःक्खे़॥ कम्भलॽरिक् खे़ङ्हाॽरे़ खे़न् नुबा लाजेन् चिजि खक्खक्पा मे़जोगुरो॥’”
Piblisite