कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
यर्मिया 11:8 - लिम्बु8 कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥” Gade chapit la |
यर्मिया 11:8
31 Referans Kwoze
“कर खे़ङ्हाॽरे़ आङ्गाॽ आदक्ले़ङ्वाओ पिफ्युङ् मे़जोगु हे़क्क्याङ् आङ्गाॽ आबाःन्निन् मे़ङ्घे़प्सुन्॥ खुन्छिॽ निङ्वाॽओ के़युङ्बा चिःन्जिःन्गे़घुबा चइःत्हाॽलाम् खे़ङ्हाॽ लाःत्लाःत् मे़म्बोःक्खे़न्, इग्र मिस्रबा नावाइत्लाहाॽ लाप्मे़म्भुसुसिन्॥ खे़ब्याङ् खे़ङ्हाॽ मिस्र मे़वये़ल्ले़ए आङ्गाॽ आसाक्के़न्निन् चिःङ्मारे़ लागि आङ्गाॽ साॽरिक् आयाःक्ले़ॽमे़न् खिनिॽओ थासुङ्ॽ फाॽआङ् खे़ङ्हाॽ यङ्मा से़रुङ्सिङ्ङाङ् वये़॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
खे़ने़ॽ के़निसाम्मिन् इःत्ते़म्मे़ॽ नाःत्ते़म्मे़ॽ फाॽआङ् खे़ङ्हाॽ साम्दिङ् के़बिरुसिरो, कर आङ्दिङ् मे़लॽरे़आङ् खे़ङ्हाॽरे़ के़साम्योथिम् इङ्जाङ्हाॽ लाप्मे़भुसुरो॥ खे़ने़ॽ के़घासे़न्हाॽ इःप्मा नाःप्मान्ने हिङ्मन्ले़ लाम् खोमारो॥ कर खे़ङ्हाॽ आधिङ्गानि नु पान् मे़ङ्घे़म्मनाबा मे़बोःक्खे़आङ् खे़न् इःप्मा नाःप्मा मे़न्दे़न्दे़ल्लो॥
“कर के़मनाहाॽरे़ पिफ्युङ् मे़जोगुरो हे़क्क्याङ् खे़ङ्हाॽ इङ्जाङ् मे़न्इःप्मना मे़न्नाःप्मना मे़बोःक्खे़रो, खे़ने़ॽ के़साम्योथिम् इङ्जाङ्लाम्बा खे़ङ्हाॽरे़ खुनिॽ नारान् मे़हिसुरो॥ खे़ने़ॽ ले़प्माङ् नुःङ्मा फाॽआङ् पान् के़मे़प्पा माङ्निङ्वाॽपान् के़बाःप्पाहाॽ खे़ङ्हाॽरे़ मे़से़रुसिरो, ये़त्ले़ङ् खे़ङ्हाॽरे़ खे़ने़ॽ के़जाःत्थि मे़देसुरो॥
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
‘खे़ङ्हाॽरे़ खे़निॽ हुक्को मे़सङ्घुसिबा खे़निॽ हिब्रु फुॽनुसाॽहाॽ तङ्बे नुसि के़प्पा ये़म्मो चोःक्युम्भो पिमासि पोङ्ॽ॥ तङ्बे तुक्सि थारिक् खिनिॽ याःम्बक् मे़जोगु मे़सुरु के़म्बिरिआङ् खे़ङ्हाॽ ले़प्मासिए पोङ्ॽ॥’ कर खिनिॽ पाधे़बाहाॽरे़ आङ्गाॽ आबाःन्निन् निङ्वाॽ मे़म्बिरुन् हे़क्क्याङ् आङ्गाॽ पाःत्तुङ्बा हे़क्के मे़न्जोगुन्॥
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
Piblisite