यर्मिया 11:4 - लिम्बु4 खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥ Gade chapit la |
यर्मिया 11:4
39 Referans Kwoze
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
खे़ङ्हाॽ याम्मो आभे़ल्ले़आङ् खुन्छिॽ नावाइत्लाहाॽलाम् हे़क्क्याङ् याम्गे़सिङ्बा नु पिफ्युङ्बा चइःत्हाॽलाम् आसुत्थो मे़न्जोःक्सिङ्ने़न्ॽ, थेआङ्भे़ल्ले़ आङ्गाॽ खे़ङ्हाॽ खुन्छिॽ एगाङ् नुःङ्मा पेःक्मा लायोलाम् ताङ्से़ःप्तुङ्सिङ्ॽ॥ आङ्गाॽ खे़ङ्हाॽ सेसेसाङ्साङ् चोगुङ्सिङ्ॽ॥ खे़ब्याङ् खे़ङ्हाॽ आङ्गाॽ आमना मे़बोङ्ॽ, हे़क्क्याङ् आङ्गाॽ खे़ङ्हाॽरे़ खुन्छिॽ निङ्वाॽफुमाङ् पोङ्ङा॥
कम्भलॽरिक्, खुन्छिॽ लायोल्ले़ आसुत्थो मे़न्जोःक्सिङ्ङिन्नाङ् आङ्गाॽलाम् माःङ्घा मे़म्बोङ्ने़ल्ल फाॽआङ् इस्राइलबा मनाहाॽ मे़हुॽसिङ्ॽ॥ खे़ङ्हाॽ आङ्गाॽ आमना मे़बोङ्ॽ हे़क्क्याङ् आङ्गाॽ खे़ङ्हाॽरे़ खुन्छिॽ निङ्वाॽफुमाङ् पोङ्ङा॥ आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽरो!’”
खे़न् माःङ्घा माःङ्घा के़युङ्बाहाॽ मे़दाआङ् यहवे दाङ्बे़ल्ले़ कुहिम्मिन् चोःक्मा मे़भाॽरुसिॽ, हे़क्क्याङ् मुक्साम्दाङ्बा यहवे दाङ्बे़ल्ले़ आङ्गाॽ खिनिॽओ पाङ्घाङ्बा फाॽआङ् कुसिङ् के़निःत्तुम्ॽ॥ खिनिॽ निङ्वाॽ के़बिरुम्माङ् यहवे दाङ्बा खिनिॽ निङ्वाॽफुमाङ्ङिल्ले़ कुइङ्जाङ्हाॽ के़इःत्तुम् के़नाःत्तुम्ने़भग्र कन् पाःन्हाॽ पोङ्लो॥
नेगेब लाजेॽबा थक्साहाॽरे़ याःम्बेओ माङ्निङ्वाॽपान्— केबाल्ले़ कुघा के़ने़बा, असेःक् नु कुनिङ् के़याक्पा के़बे़बा असेःक् के़लःम्बा, तुक्मा नु सिमा के़वाॽबा लाजेॽलाम् पोङ्मार हाङ्लाइङ्बाहाॽ लाङ्घेःक्मा के़बोङ्बा वाॽरो॥ याप्मि फाॽमा मे़न्छुक्मनाबा सुवाङ्हाॽ खुॽमासिरे़ लागि आबाङे खुन्छिॽ अदङ् नु उमेहाॽ इमे़ल्लुङ्बा सुङ्हाॽ मे़गुःत्तु मे़देॽरुसिरो॥
आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
खे़ब्याङ् नबुकदनेसरे़न् लुङ्धाक्किल्ले़ फाक्मनाबा मिधुङ्दिङ् मिराःक् के़दिःप्पा मिओ लाःप्मा लाम्मो निःत्ताङ् पेआङ् यम्बा इक्लाओ अःक्ते़, “सद्रक, मेसक नु अबेद्नगोसे, के़रे़क्नुःल्ले़ यम्बा निङ्वाॽफुमाङ्ङिल्ले़ कुसे़वारोबासे, लाःक्कात् लःन्दे़म् फे़रे़म्मे़ॽओ॥” खे़ब्याङ् सद्रक, मेसक नु अबेद्नगोन् मिओलाम् लाःक्कात् मे़लःन्दे़ मे़भे़रे़,
Piblisite