यर्मिया 11:21 - लिम्‍बु

²¹ “अनातोतबा मनाहाॽरे़ आङ्‌गाॽ से़प्‍मा निङ्‌वाॽ मे़जोगु॥ यहवे दाङ्‌बे़ल्‍ले़ कुइङ्‌घङ्‌ङिन् खे़ने़ॽ के़से़सुर के़वाॽने़भग्र आनिगे खे़ने़ॽ से़त्तासिगे़ फाॽआङ् खे़ङ्‌हाॽरे़ आङ्‌गाॽ मे़मे़त्ताङ्‌ङाङ् वये़॥

यर्मिया 11:21 Referans Kwoze

आमोस 2:12

“कर नाजिरिहाॽ चे़ल्‍ले़क्‍सेॽ थि के़धुङ्‌घुम्‍सिम्‍लो, हे़क्‍क्‍याङ् माङ्‌निङ्‌वाॽपान् के़बाःप्‍पाहाॽ ‘माङ्‌निङ्‌वाॽपान् मे़बारे़म्‍मिन्‍ने़ॽ’ फाॽआङ् इङ्‌जाङ् के़बिरुम्‍सिम्‍लो॥

यर्मिया 20:10

के़रे़क्‍ले़ मुरा मुसिक् मुसिक् लॽरिक् मे़बाःत्तुबान् खे़प्‍सुङ्‌लो, “के़रे़क् पिसाङ् किमा यङ्‌मारक् वाॽरो, कल्‍ले़ कुदक्‍ले़ङ्‌वाओ आनिॽ सुहाङ्‌युक्‍पाहाॽओ लुङ्‌हाःन्‍पान् युक्‍खुम्‍लो!” आङ्‌गाॽ कुस्‍साङ् मे़ल्‍लःम्‍मनाबा पोङ्‌ङाबान् आनिःत्ताङ्‌बा आन्‍जुम्‍हाॽरे़आङ् मे़हाङ्‌घुर मे़वाॽरो॥ खे़ङ्‌हाॽरे़ मे़बाःत्तुॽ, “से़क्‍खाःल्‍ले़ खे़न् फे़न्‍पाःन्‍नो थाबिलारो, हे़क्‍केःल्‍ले़ खे़ल्‍ले़ ताप्‍फे़ःम्‍बा कुबाःन्‍निन् आघोसुम्‍माङ् खे़न् कुले़क्‌वा नुःक्‍मा आसुक्‍तुम्‍बिलारो॥”

यसैया 30:10

सुफो के़निबाहाॽ खे़ङ्‌हाॽरे़ मे़मे़त्तुसिरो, “आल्‍लआङ्‌धो सुफो मे़निसे़म्‍मिन्‍ने़ॽओ!” खे़ङ्‌हाॽरे़ माङ्‌निङ्‌वाॽपान् के़बाःप्‍पाहाॽ मे़मे़त्तुसिरो, “कुदोःप्‍मा पाःन्‍हाॽ सुफोलाम् आनिगे आम्‍मे़त्ते़न्‍ने़ॽओ! आनिगे सिराॽगे़धाङ्‌बा पाःन्‍हाॽ आजे़क्‍ते़ॽओ, मिक्‍ले़ःङ्‌मा पाःन्‍हाॽ पात्ताम्‍मे़ॽओ॥

लुका 4:24

कर खुने़ॽ मे़त्तुसि, इङ्‌गाॽ मे़त्‍निङ्, आत्तिन् माङ्‌निङ्‌वाॽपान् के़बाःप्‍पे़न्‍नाङ् कुबाङ्‌भेॽसाबाहाॽरे़ मे़न्‍दाःक्‍तुन्‍लो॥

मत्ति 22:6

कुभारे़ग कुसे़वारोबाहाॽ मे़दे़म्‍सुसिआङ् ताप्‍फे़ःल्‍लिक् मे़मे़त्तुसिआङ् मे़से़रुसिरो॥

मत्ति 21:35

खे़न् इक्‍मबाहाॽरे़ कुसे़वारोबाहाॽ मे़दे़म्‍सुसि हे़क्‍क्‍याङ् थिक्‍सिगेक्‍पान् मे़हिप्‍तु, निसिगेक्‍पान् मे़से़रुआङ् सुम्‍सिगेक्‍पान् लुङ्‌ङिल्‍ले़ मे़बःत्तु मे़से़रुरो॥

मत्ति 10:21

फुॽनुसाॽहाॽ आबाङे फुॽनुसाॽहाॽरे़ खुनिॽ तक्‍ले़ङ्‌वाओ मे़बोःक्‍काङ् इङ्‌मे़ले़क्‍तुसि हे़क्‍क्‍याङ् से़प्‍मा मे़बाङ्‌घुसिरो॥ हे़क्‍केलॽरिक् पामाहाॽ साःहाॽरे़, हे़क्‍क्‍याङ् साःहाॽ पा-माहाॽरे़ खुनिॽ तक्‍ले़ङ्‌वाओ मे़बोःक्‍काङ् से़प्‍मा मे़बाङ्‌घुसिरो॥

मिका 7:6

थेआङ्‌भे़ल्‍ले़ कुस्‍साःल्‍ले़ कुम्‍बा कुनामे़न्‍छाॽ मे़त्तुरो, मे़न्‍छुमासान् कुम्‍मारे़ कुदक्‍ले़ङ्‌वाओ पोःक्‍लो, पाङ्‌लिमे़न् नुःप्‍मे़ल्‍ले़ कुदक्‍ले़ङ्‌वाओ पोःक्‍लो, निङ्‌मिहाॽग आबाङे हिम्‍मोबा मनाहाॽ मे़बोङ्‌लो॥

यर्मिया 26:8

हे़क्‍क्‍याङ् यहवे दाङ्‌बे़ल्‍ले़ इङ्‌जाङ् पिरुसिबा के़रे़क् पाःन्‍हाॽ यर्मियाःल्‍ले़ पाःत्तु सुरु, खे़ब्‍याङ् खे़ङ्‌हाॽरे़ खुने़ॽ मे़दे़म्‍सुआङ् अक्‍खे मे़बाःत्तुर मे़भिःक्‍ते़, “आल्‍ल खे़ने़ॽ से़क्‍खाए के़सिःॽ॥

यर्मिया 1:1

बेन्‍यामिन लाजेॽबा अनातोत ये़क्‌यक् के़युङ्‌बा लत्‍छा निङ्‌वाॽफुसाम्‍बा हिल्‍कियाहरे़ कुस्‍सा यर्मियाःल्‍ले़ पाःत्तुबा पाःन्‍हाॽ कन्‍हाॽरो॥

यर्मिया 32:7

“खे़ने़ॽ के़म्‍भङा सल्‍लुमरे़ कुस्‍सा हनमेले़न् ताआङ् पेलि के़म्‍भाक्, ‘खे़ने़ॽ निःत्ताङ्‌बा के़गाॽइ के़बोःक्‍खे़बाल्‍ले़ चोगुल्‍ले़ आङ्‌गाॽ आइक्‍ताप्‍पिन् खे़ने़ॽ इङ्‌मा के़घोसु हे़क्‍क्‍याङ् बेन्‍यामिन्‍ले़ कुलाजेॽओबा अनातोतओ के़ने़बा आइक्‍ताप्‍पिन् इङाङ् पिराङ्‌ङे़ॽ॥’”

यर्मिया 34:20

खे़ङ्‌हाॽ से़प्‍मासि निङ्‌वाॽ के़जोःक्‍पा निङ्‌मिहाॽरे़ खुन्‍छिॽ हुक्‍को आङ्‌गाॽ खे़ङ्‌हाॽ हुक्‍सुप्‍तुङ्‌सिङ् हे़क्‍क्‍याङ् खे़ङ्‌हाॽरे़ खुन्‍छिॽ कुसिवे़त् थक्‍हाॽ पुहाॽ नु ताम्‍भुङ् थक्‍साहाॽरे़ लागि चामा कुजा पोङ्‌ॽ॥

यर्मिया 1:19

खे़ङ्‌हाॽ खे़ने़ॽनु थङ् मे़जोक् कर खे़ने़ॽ नाःम्‍मा के़मे़न्‍छुक्‍ने़न्‍लो थेआङ्‌भे़ल्‍ले़ खे़ने़ॽ के़दाङ्‌से़ःप्‍से़ आङ्‌गाॽ खे़ने़ॽनु वाॽआरो॥ आङ्‌गाॽ, यहवे दाङ्‌बाल्‍ले़ पाःत्तुङ्‌ङाङ् वाॽआरो॥”