मुक्साम्दाङ्बा यहवे दाङ्बाए, साम्योबाहाॽ के़साॽरुसिरो हे़क्क्याङ् मनाहाॽरे़ खुन्छिॽ निङ्वाॽ के़गोःत्तुरो, खे़ङ्हाॽरे़ खुन्छिॽ सिक्लुङ्मान् नु निङ्वाॽओ थे वाॽ, खे़न् के़निसुरो॥ खे़ल्ले़चोगुल्ले़ आनिङ्मिहाॽ खुम्दिङ् के़बिरुसिबान् ओमे़प्मा खोसुङ्लरो थेआङ्भे़ल्ले़ आबाःन्निन् खे़ने़ॽ के़हुक्को हुक्सुप्ने़आङ् वाॽरो॥
यर्मिया 11:20 - लिम्बु20 हे़क्क्याङ् आङ्गाॽ अक्खेलॽरिक् पेलिगे़न् तुवा चोगुङ्लो, “मुक्साम्दाङ्बा यहवे दाङ्बाए, खे़ने़ॽ मनाहाॽ खासे़न् के़जोगुसिरो॥ खे़ने़ॽ मनाहाॽरे़ खुन्छिॽ सिक्लुङ्मान् नु निङ्वान् के़साॽरुरो॥ खे़ने़ॽ खे़ङ्हाॽ खुम्दिङ् के़बिरुसिबान् निमा खोसुङ्लरो॥ थेआङ्भे़ल्ले़ आङ्गाॽ आबाःन्निन् खे़ने़ॽ के़हुक्को तोःन्दुङ्ङाङ् वाॽरो॥ Gade chapit la |
यर्मिया 11:20
35 Referans Kwoze
कर यहवे दाङ्बाल्ले़ सामुए़ले़न् मे़त्तु, “नुबादाबा नु केःम्बा चोःक्साङ् खे़न् ओमे़मे़त्ते़न्ने़ॽ, थेआङ्भे़ल्ले़ आङ्गाॽ खे़न् नाॽरुङ्ङाङ् वाॽ॥ यहवे दाङ्बाल्ले़ मना हे़क्के ओमे़मे़त्तुसिन्॥ मनाहाॽरे़ नारा ओमे़मे़त्तुआङ् निङ्वाॽ मे़इःत्तु, कर यहवे दाङ्बाल्ले़ सिक्लुङ्मे़न् ओमे़त्तुआङ् याःम्बक् चोगु॥”
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
याप्मि के़घुम्बाहाॽओ ताप्फे़ःम्बा इङ् तारे़ॽओ कर आजाःत्थि पेःक्मालाम् से़ःप्ताङ्ङे़ॽओ, यहवे दाङ्बाए, खे़ङ्हाॽ किमा यङ्माओ थासे़से़ॽओ कर आङ्गाॽ किमा यङ्मालाम् से़ःप्ताङ्ङे़ॽओ॥ खे़ङ्हाॽरे़ खुन्छिॽ सम्धाङ् तुक्खे चामा ये़न्निन् तारे़ॽओ खे़म्ब्याङ् खे़ङ्हाॽ चियुःत् चियुःत् युःत्ते़से़ॽओ॥
हे़क्क्याङ् आङ्गाॽ अक्खे मे़त्तुङ्लो, “यहवे दाङ्बाए, खे़ने़ॽ के़रे़क् पाःन्हाॽ के़निसुरो॥ आङ्गाॽ निङ्वाॽ इःत्ताङ्ङे़ॽआङ् कुभाॽ पिराङ्ङे़ॽओ॥ आङ्गाॽ तुक्खे के़जाःप्पाहाॽ खुम्दिङ् पिरे़से़ॽओ॥ खे़ङ्हाॽ ले़प्माङ्बा खे़ने़ॽ के़नासि थःप्माल्ले़ चोगुल्ले़ आङ्गाॽ आयाम्साम्मिन् मामा मे़बोङ्ने़न्लरो॥ के़लागि आङ्गाॽ सिरिङ्ममा पोःक्खे़बा पाःन्निन् निङ्वाॽ इःत्ते़ॽओ॥
आङ्गाॽ आनिङ्वाॽफुमाङ्ङे, आदाङ्बारे़ सिक्कुम् निङ्वाॽ के़साॽरु फाॽआङ् आङ्गाॽ निसुङ्ॽ, हे़क्क्याङ् कुदोःप्मा निङ्वाॽ के़गप्पालाम् आदाङ्बारे़ के़निङ्वाॽ तारो॥ से़क्खाबा निङ्वाःल्ले़ आङ्गाॽ आप्फेक् आनिङ्वाॽओलाम् कन् के़रे़क् हुक्वाहाॽ आङ्गाॽ आसिक्लुङ्मोलाम् आदाङ्बारे़ॽओ तोःन्दुङ्ङाङ् वाॽ॥ हे़क्क्याङ् आल्ल कप्मो के़वाॽबा आदाङ्बारे़ के़मनाहाॽरे़ खुन्छिॽ आप्फेक् निङ्वाॽओलाम् हुक्वा मे़दोन्दुबा निसुङ्ङिल्ले़ आङ्गाॽ आनिङ्वाॽओ सःत्तारो॥
कुइगे़भे़म्बा मनाहाॽनु सोरिक् साम्योबा मनाहाॽ से़प्मासि याःम्बक् खे़ने़ॽलाम् आभे़ल्ले़आङ् मे़बोङ्ने़ल्लरो॥ लायोबा मनाःल्ले़ तुमुबा हे़क्तङ्बा साम्योबा मनाःल्ले़ खे़ने़ॽलाम् तुम्मा मे़बोङ्ने़ल्ल॥ खे़ने़ॽए के़रे़क् इक्सादिङ् खाम्बेःक्मोबा खासे़न्दाङ्बाने़, खे़ने़ॽ कुदोःप्मा खासे़न् के़न्लोःन्दुम्बि?”
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
आनिङ्वाॽफुमाङ्ङे, आङ्गाॽ ले़प्माङ् खासे़न् लोःन्दाङ् पिराङ्ङे़ॽओ, हे़क्क्याङ् निङ्वाॽफुमाङ्ङिल्ले़ कुधिम् के़भेःम्बा सुवाङ्हाॽरे़ खुनिॽ तगि कुदोःप्मा चोःक्का फाॽआङ् आङ्गाॽ पाराङ् पिराङ्ङे़ॽओ॥ याप्मि इङ्ले़क् के़मे़प्पाहाॽ नु ताक्के़भे़ॽबाहाॽरे़ खुनिॽ हुक्को थामा मे़बाङ्घाङ्ङिन्ने़ॽओ॥
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
यहवे दाङ्बे़ल्ले़ कुयाम्साम्मिन् आङ्गाॽओ थ्ये़, हे़क्क्याङ् खे़ल्ले़ अक्खे पाःत्ते़ॽ मे़त्ताङ्, “यहवे दाङ्बे़ल्ले़ इस्राइलबा मनाहाॽ अक्खे मे़त्तुसिॽ—खिनिॽ थे के़बाःत्तुम्ल के़वयिॽ खे़न् आङ्गाॽ कुसिङ् निःत्तुङ्ॽ, थेआङ्भे़ल्ले़ खिनिॽ निङ्वाॽओ के़इःत्तुम्बा के़रे़क् पाःन्हाॽ आङ्गाॽ निसुङ्ॽ॥
Piblisite