के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥”
यर्मिया 11:19 - लिम्बु19 आङ्गाॽग से़त्छे़ तेॽमनाबा लत्छा कुदोःप्मा थुःम्बा हे़क्के वयाङ्॥ खे़ङ्हाॽरे़ आङ्गाॽ आदक्ले़ङ्वाओ चे़म्भन् मे़जोगुबा फाॽआङ् आङ्गाॽ निङ्वाॽ मे़ङ्घोए वयाङ्॥ खे़ङ्हाॽरे़ अक्खे मे़बाःत्तुर मे़वये़, “खे़न् सिङ्बुङ्मान् कुजाॽनुए ताङुम्माङ् सोःन्दुम्॥ कुहिङ्वे़त्हाॽरे़ खुन्छिॽ लाजेॽलाम्बा खे़न् मे़क्खुम् हे़क्क्याङ् खे़ल्ले़ कुमिङ्ङिन् आत्तिन्हाॽरे़आङ् याम्मो निङ्वाॽसोओ मे़न्इःत्तुन्लरो॥” Gade chapit la |
यर्मिया 11:19
28 Referans Kwoze
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
“तुक्पोङ्ङाङ् ने़त्छि ‘नुसिहाॽ’ एगाङ् खे़न् माङ्थोःक्ना के़बोङ्बा मनान् मे़से़रुॽ खे़न्नु थेधिक्काङ् मे़याःक्ने़न्॥ युक्साबा मनाहाॽ मे़दाआङ् खे़न् ये़क्यक्किन् नु सेसेदे़न्निन् खाप्पुथ्यःङ् मे़जोगुॽ॥ वहित् थामा ये़म्मो के़गुङ्बा च्वाःत् हे़क्के कुनुप्मान् तारो—कुनुप्मो थारिक्के थङ् पोङ्ङाङ् पत्, हे़क्क्याङ् मुरे़क् खारे़क् पोङ्मा इङ्जाङ्ङिन् इङ्भन् पोःक्खे़आङ् वाॽ॥
“एलामे़न् खे़प्मो ताभेःल्ले़ मे़से़रुसिबा खुने़ॽ के़रे़क् कुधक्सुबा सुम्हाॽरे़ खुन्छिॽ इपुङ्हाॽरे़ कब्रिङ् मे़गबुआङ् ने़रो, खे़ङ्हाॽरे़ आत्तान्छाङ् मनाहाॽ खुन्छिॽ सिक्लुङ्मो मे़गिसे़र मे़याःन्दुसि, कर आल्लो खे़ङ्हाॽ आसुसुबा मे़न्छाम् सुवाङ् कुइसिक् इक्सादिङ् खाम्बेक् सिगाङ् मे़ये़आङ् मे़वाॽ॥ आल्लो खे़ङ्हाॽ लुम्बाःत्तो मे़ने़रो हे़क्क्याङ् खुन्छिॽनुःल्ले़ तगि के़युबाहाॽनु कुदङ्बा सिरिङ्ममो मे़ध्ये़आङ् मे़वाॽ॥
Piblisite